Basef Amama Pol Nandaꞌam Mafeꞌma Esis Romi 12:5 - Basef Buꞌwami Godi

⁵ Ea' na'ama etin ape' amam nematawa hiapai mape la'ifipama paloma Jisas Krais, ape' si'i alop atotona. Ea' ape' hiapai atona etin si'i mandagigiambama etin maloma anona alop wa'awa'ana hianai.

Basef Amama Pol Nandaꞌam Mafeꞌma Esis Romi 12:5 Iomraidhean Croise

Jon Nandaꞌafi 17:11

Dei' ae' ina ata' epe etap anae' wapoti', owa'. Ea' esis sope etap anae'. Ea' ae' efe'mago ine'. Ahalome bu'unai endilisi, ine' nimafi esisa sope la'ifisa pepel anama ine'inai, nali' nasi'ianai. Ine' nenda'am na'ama ma esis sope wambota atotona si'i afa' biafa wape atotofa.

Basef Amama Pol Nandaꞌam Mafeꞌma Esis Romi 12:4

Ape' mogawa alop ape'inai atotona, ea' sa'osa'ona hianai. Ea' anama hianai ina nanda' maol etifina, owa'. Nanda'ana deindei'.

1 Korin 10:17

Bret atotona. Amama mihi'ambapa amam nematawa hiapai mape si'i alop atotona. Dei' main, ape' hiapai mandakolas mandao'oma ma' bret atotona.

1 Korin 10:33

Si'i ae' wapoti' anda' maol lu'unai ma igiambama epes hiesi ma ukup mi'i waf bu'unai hianai ae' anda'anai. Ae' ina anda'am agiambama ae' imafi ae' atowe, owa'. Anda'ama agiambama amam nematawa hiesi ma God nofa'as sotanimani.

1 Korin 12:20

Alop ina nataga nandanda' na'ama, owa'. Alop wa'awa'ana sa'osa'ona hianai, ea' alop si'ina etifina.

1 Korin 6:15

Alop ipe'inai alop wa'wa'ana Kraisi atona. Amama ipe' pegawam o owa'? Ea' dei' ipe' pa'i ae' etopa' anona alop wa'awa'ana Kraisi esana noloma alop ano'w nemata'w kwanda' so'a wauli? Owa'etin!

Efesus 1:23

Esis sembale'efanai si'i alop si'ina Kraisi. Anan nape anama hiagoma numafi amamaga hiami hi'alam nape nomona esis sembale'efanai hiesi si'isa Anan atona endilisi.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Efesus 4:25

Ea' ipe' hipei pekwaha waf baso'mainai ma pi'i basef endilisimi atoma epes hiesi. Dei' main, ipe' pegawa ape' hiapai mape alop wa'awa'ana ea' mataga alop atotona.

Efesus 5:23

Dei' main, aman nape balaga nali'ma akwa'w, si'i Krais nape balaga nali'ma sios amam nematawa Godi. Ea' esis hiesi si'i alop si'ina Ananinai. Epes isima Anan atona nofa'as sotanimani.

Efesus 5:30

Dei' main, ape' epes wa'awa'ana alop Kraisi.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

Kolosi 2:19

Esis ina sombale'efa Krais sape la'ifisa Anan nape nali' endilisima ma ape', owa'. Anan nali'i numafi gwa'aimi nataga alop si'ina ea' nanda' nigis maloma okwatogw maim mandahapima etin alop si'ina. Ea' dei' God nanda' alop anama nataga lu'una la'ifina.