Basef Amama Pol Nandaꞌam Mafeꞌma Esis Romi 12:3 - Basef Buꞌwami Godi

³ God nagiambamas na'a, amama atom dei' a'ipipa atona etin. Ipe' pegawa waf naloma gawa ipe'inai nape na'imama, ipe' ina ukup mi'i ipe' etipa bu'upei endilisi, owa'. Ipe' ata' pewaloga ipe' andeande' pendahama bale'ef ipe'inai God nasi'ipanai.

Basef Amama Pol Nandaꞌam Mafeꞌma Esis Romi 12:3 Iomraidhean Croise

Luk Nandaꞌafi 18:11

Farisi anama naitu okom napoma anan atona nanda' beten na'ama na'i, ‘Ae' anifelina God, ama ae' ina si'i enis epes sanda' waf aonai. Esis sambaso'mas sofa' wiga hiahaom enis epesi, sanda' waf aonai, sanda' waf aonai so'a waulanai. Ae' anifelina ma ae' ina si'i aman nanima aonai nofa' takisi.

Jon Nandaꞌafi 3:34

Aman anama God nasapa'ana nafi'i anan nawalapa basef Godi. Ea' God nase'ana Ambal Bu'unai Ananinai nape si'inama anan.

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 11:20

Wila, andeande', ea' esis Juda ina sembale'efana, amama atom dei' nahape'as. Ea' ipe' pembale'efana dei' pape la'ifipa ma anan. Ea' ipe' owa' pefela agof ipe'imi pi'i ipe' etipa bu'upei, owa'. Ipe' umbamahepa pindumafuma andeande'.

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

Basef Amama Pol Nandaꞌam Mafeꞌma Esis Romi 12:16

Ipe' ukup mopoma sahin owan ipe'isi hi'ilas pepan opalef etifim pelomas, si'i ukup mapoma ipe' etipa. Ipe' ina ukup mi'i ipe' etipa pi'i dembipei, owa'. Pefe' peloma epes isima falafisi. Ipe' ina ukup mi'i ipe' etipa gawaipei, owa'.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 3:10

God nandahome. Ea' Anan nanda' ae' ataga ape si'i epen gawainai nanda' ifagwi. Ea' awa olaf nape nali'i ea' enis sala' ipat natomana. Ea' epes hiesi atona etin sundumafuma andeande' sola' ipat notoma olaf anama.

1 Korin 7:17

Maim opeh bu'wami Dembinai naso' enin epen, enin nepe la'ela'ef nenda' amama atom nali' nanda'ami. Ae' a'ipas mi'uli anama etina esis Kristen hiesi sios sape wambel hiagoma.

2 Korin 10:13

Ea' afa' wandaiwa'ma usila' ikwaf afa'inai ma ofela agof afa'imi ilif endilisi, owa'. Afa' wa'ila ikwaf God nawalogafa nase'afa maol ananinai. Afa' waila amama ea' wafe' wataga ma ipe' wanda' maol anama. Ea' wafela agof afa'imi ma maol anama atona.

2 Korin 12:13

Ipe' ina pape owina enis Kristen sios sape ganigani, owa'. Ipe' palomas pape dende' etina waf hianai ae' anda'mepanai. Ea' anona waf aonai anda'mepana ipe' etipei ma esis owa', anama na'ama. Ae' ina a'ipipama anom amamaga ipe'imi, owa'. Dei' ae' ati uwahipipa, ipe' pekwahome waf aonai anama anda'mepanai.

2 Korin 12:7

Basef amama God nihi'ambeam ae' lu'um endilisi. God nandaiwa'ma efela agel ae'anai endilisi, owa'. Amama atom dei' nase'e anom amamaga si'i higata nape alop ae'anai ekep pahe. Amama anona ensel Satan nasapa'ana nafi'i ma nanda' ae' ekep pahe. Amama manda' agel ae'anai nowala.

Galesia 6:3

I'i enin epen okom ni'i nembaso'am ni'i enin agel lu'unai ma enin agel a'an, epen inima nambaso'ma okom ananinai atona.

Efesus 3:2

Endilisi, ape' hiapai mape etapi God nagiambamapa na'a. Amama anan nase'e ma imafiam enda' maol ewalapam ewalipipam.

Efesus 3:4

Ama i'i pitalifa basef amama, pegawa okom ae'anai ma basef hiami Kraisi mali' mape mandambaho'.

Efesus 4:16

Anan atona dembinai ma ape' Kristen hiapai. Ea' ape' Kristen hiapai si'i alop wa'awa'ana nape etifina la'ifipa mandagigiambanama etin si'i gigililimb mowa' nigis hiami lu'wami so'umi motaga la'ifimi. I'i alop wa'awa'ana hianai nonda' maol nondahama ikwaf Anan na'ianai, alop anama si'ina nape na'ama. Ape' amam nematawa Kraisi mandagigiambanama mape la'ifipa mikila' fowa' mape. Alop anama nataga la'ifina etina ukup maimailas sandagigiambanama.

Filipai 2:13

Dei' main, anan nanda' opeh opalef ipe'imi nomon. Anan atona nafela ukup ipe'imi ma nagiambamepa panda' opeh si'i Anan atona okom na'iam.

Kolosi 1:29

Ea' dei' maol ae'anai anda'ana lu'unai endilisi ma pepel hianai Kraisi nanda' maol la'ifinai la'ela'ef nomon opaf ae'anai.

Kolosi 2:13

Fowa' ipe' paga' ea'. Dei' main, ipe' panda' waf naninani aonai ea' ipe' owa' Judaipai pelolama mi'uli God fowa' naso' Mosesanai. Ea' dei' God nanda'epa pataga namipa paloma Krais ea' nakwahomapa waf aonai ape' manda'anai hianai.

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

1 Timoti 2:15

Waf nematawa onda'anai anama. Awo ombale'efa God endilisi ea' ukup mimila enis epes wigiambamas, ea' ope bo'owa andeande' umafi awau andeande' waf aonai a'awa. I'i ombale'efa waf anama wilana la'ela'ef, God nambimb nokwahomawa waf aonai awau wanda'anai nofa'awa utanimani ope andeande'. Maina nogota ola awasi, nigiambamawa olas andeande'.

1 Timoti 2:9

Ae' a'i awau nematawa wapoti' onda' luwaguf maim bu'wami atom, mondahama awau dende'. Ina onda'am bandabandam endilisi motambel nimbifah, owa'. Awau ina ola sosaf anama ofalo'ma balagah alop si'ina ombahigis mamumami hiami moloma sosaf gol bu'wami, owa'. Luwaguf amama satalom otamba hiami otalom, hapaimi.

Taitus 2:12

Waf God nigiambama na'ai mawalapa ape' ma mokwaha waf anama mowa' alafugaha Godi, ea' mokwaha ukup amama awami ma waf etapanai, mope andeande' nogota anae'.

Taitus 2:2

Amam hagami owa' mea' embel mohaga mogaol. Amam ukup mope andeande'ma waf bu'unai ea' nomonas mopaim mumafi alop andeande'. Amam mope andeande'ma bale'ef amamunai nope bo'ona atona ma waf anama ukup mila God ea' mila epes wapoti'. Ea' mitu la'ifima nimanimi hiami.

Taitus 2:4

Awau hagiwai wihi'amba nematawa awama awiawai ma onda' waf na'ama. Ukup awaumi mimila amam wahupawa awaumi moloma awasi awausi.

Taitus 2:6

Ea' na'ama etin, ine' nefela ukup amam amama awomimi nenda' ukup la'ifim mopaim mumafi alop andeande'.

Jems 4:6

Ea' God nagiambamapa na'a nanda'apa mataga la'ifipa. Waf anama Godi nikila' waf aonai si'i basef mail Baibeli ma'iami, “God nosambala epes isima sasambala basef Ananimi ea' nagiambama epes isima sanda' esis safe owina Anan.”

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Pita 4:11

Emi egafis sowalapa basef, esis si'iam si'i sawalapa basef Godi atom. Ea' emi egafis sonda' maola sigiambama enis epes, esis sonda'ana pepel anama God nase'asanai. Ama epes hiesi siti maol anama hianai bu'unai sondanifel sefela agel Godi ma Jisas Krais atona. Agel lu'unai noloma pepel nafifili hianai Ananinai atona la'ela'ef hihif. Endilisi etis.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

1 Pita 5:5

Ea' na'ama etin ipe' amam awomipei wapoti', ipe' pinindifa ipe' pefe' owina amam amama agufumi dembemi mumafi ipe'i. Ea' pefa' waf anama pinindifa ipe' pefe' owina amam sahopepa ipe'imi pigiambama waf bu'unai. Dei' main, basef mail buk Baibeli ma'iam na'ama ma'i, “God nowa' alafuga epes isima sasombala basef sefela agof asasimi atom. Ea' anan nigiambama epes isima safe' owina enis epes ma sape so'umbil.”

1 Pita 5:8

Ipe' pimafi alop ipe'inai pindumafuma andeande'. Satan aman aonai nautamepa ipe'inai anan si'i mafin lu'unai wandafunai laion nape aolopi. Anan nafe' noga na'i mehipa na'i niti enis epes nohas nogwa'as.

3 Jon 1:9

Ae' anda' anom basef mafe'mago esis Kristen, ea' Diotrefes anan okom na'ina'i endilisi ma nope dembinai nili'i. Anan ina naila basef ae'ami, owa'.