Basef Amama Pol Nandaꞌam Mafeꞌma Esis Romi 12:2 - Basef Buꞌwami Godi

² Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 12:2 Iomraidhean Croise

Matyu Nandaꞌafi 13:22

Anom mowa mandelef wandafumi la'afen, amama si'i enis epes same' basef sailam safe', ukup matamea ma amamaga amama mape etapi ma ukup maimaila moni maim hiami ea' amama mataga maofania basef Godi. Ea' ina sombale'ef sanda' waf bu'unai la'ifis, owa'.

Mak Nandaꞌafi 4:19

ea' amamaga hiami nimanimi maloma amamaga hiami esis satolom kowalasami baso'maimi maloma moni wiga maima esis sa'i sofa'ami hiami mape etapi, amama mataga maofenia basef Godi. Ea' ina sombale'ef sanda' waf bu'unai la'ifis, owa'. Sowa si'i gwa'aimi owa' molo andeande'.

Jon Nandaꞌafi 14:30

Ae' ina nambimb i'i basef hiami elomepa, owa'. Dei' main? Aman dembinai aonai numafi etap anae' anama dei' nafi'i. Anan ina nambimb la'ifinama nonda'me anom amamaga, owa'etin.

Jon Nandaꞌafi 15:19

I'i ipe' epes etapipei, esis saila waf etapanai ukup mimilipa si'i ipe' epes asasipei etipa. Ea' ipe' ina epes etap anae'ipei, owa'. Ae' esahe'epa ea' ma pekwaha waf etapanai. Ea' dei' esis saila waf etapanai sonda'mepa naumbih.

Jon Nandaꞌafi 17:14

Basef ine'imi, ae' ase'asam ea'. Esis amam nematawa sanda'ma esis naumbih sanda'as awes. Dei' main? Esis ina saila waf etap anae'inai si'i ae' wapoti' ina etap anae'iwei, owa'.

Jon Nandaꞌafi 7:7

Ae' awalapa waf aonai epes etapasi sanda'anai. Ea' dei' ukup asasimi aoma ae'. Ea' ukup asasimi ina aoma ipe', owa'.

Basef Amama Pol Nandaꞌam Mafeꞌma Esis Romi 12:1

Alupipei, basef amama hiami mali'i endilisimi atom. Amama atom dei' ahali'ipa ma basef la'ifimi ma ipe' ukup mi'i okom lu'unai Godi nainaila ape' nati ape' uwahipipa. Ea' pindilali ma Anan si'i fowa' saha mafis sase'ana pese'ana alop ipe'inai si'ina hi'ilana. Alop ata' nope namona la'ela'ef pese'anana God atona hi'ilana ea' ananinai si'ina, si'i waf Anan okom na'ianai. Ipe' penda'am na'ama, penda' lotu endilisi ma God ukup ipe'imi nomon.

Basef Amama Pol Nandaꞌam Mafeꞌma Esis Romi 13:14

Ea' dei' pefa' Dembinai Jisas Krais ea' pindawisana si'i luwaguf amama lu'wami sanda' wandafami pefa'ama pelam. Ipe' ina ukup motamea pila ukup awami alop atonaimi, owa'.

Basef Amama Pol Nandaꞌam Mafeꞌma Esis Romi 7:12

Ea' ape' mogawa mi'uli atona anan bo'ona andeande'. Basef amama hiami mape mi'uli anama bo'om wapoti'.

Basef Amama Pol Nandaꞌam Mafeꞌma Esis Romi 7:14

Ape' mogawa mi'uli anama nafi'i Ambal Bu'unai Godi nihi'ambapa okom Ananinai. Ea' ae' okom apinai nape ina aila okom Godi, owa'. Waf aonai nembale'e anda' maola waf anama aonai.

Basef Amama Pol Nandaꞌam Mafeꞌma Esis Romi 7:22

Okom atona ae'anai dei' nainaila endilisi mi'uli anama God fowa' naso' Mosesanai andanifamana.

1 Korin 3:19

Dei' main, gawa etapanai anama falafunai si'i basef epes ukup maso'asi sa'iami ma naep Godi. Si'i Baibel na'iam na'i, “God nofa' epes gawaisi ma waf gawainai naninani asasinai atona baso'omainai si'i epes saha mafis esalef.”

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

Galesia 1:4

Jisas Krais naila okom Ahalomapa Godi naga' ma naso' ambal ananinai nafe' ma God nakwaha waf aonai ape' manda'anai. Anan nanda'am na'ama natagahepa ma waf aonai hianai dei' nape etap anae'.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Efesus 5:17

Ea' ipe' dei' ina pepe si'i epes gawa a'asi ukup mese'epa, owa'. Pegawa andeande'ma okom Dembinai na'iami.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 3:10

Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Tesalonaika 4:3

Okom Godi nape na'ama. Ipe' amam nematawa pepe bo'wepa andeande' ananipei etipa ma pindihi'ama waf anama so'a waolanai.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

Jems 4:4

Ipe' pakwaha waf Godi ea' pafe'ma waf aonai si'i amam nematawa sakwaha waf bu'unai dase'amainai ma sanda' waf aonai so'a waolanai. Ipe' pegawa amama. Emi egafis ukup maila waf etapanai, esis sanda' naumbih saloma God. Dei' pegawam. Emi egafis ukup maila waf etapanai, esis dei' sanda' naumbih saloma God.

1 Pita 1:14

Ipe' pila waf Godi si'i awasi saila basef mamasasi. Fowa' ipe' gawa a'epa ata' pape waf anama aonai ukup mase'epa. Dei' ipe' ina ata' pila waf anama wapoti', hapainai.

1 Pita 1:18

Ipe' pegawa fowa' ipe' ata' pape panda' waf aonai wafinai pefa'ana bafasepa ehasepa ipe'isi. Ea' dei' God natalipa natagahipa ma waf anama aonai. Anan ina natalipa ma amamaga anona nemaf motaga aom higililam si'i otamba bu'wami siliwa gol, owa'.

1 Pita 2:3

Endilisi, ipe' pali' pegawa Dembinai ea' pegawana ma waf Ananinai bu'unai endilisi.

1 Pita 4:2

Ea' dei' nogota anae' ipe' ata' pape etap anae', ipe' pefe' pila okom Godi atona nahopepa pefe' pefe' petagama pega'. Ea' okom aonai nehafema waf aonai, owa'. Hapainai.

2 Pita 1:4

Pepel Ananinai naloma howalagon amama atom Anan nase'apa basef ananimi na'i endilisi atom. Basef amama lu'wami bu'wami endilisi. Basef amama atom ipe' pataga la'ifipama pefa' ambal namunai ma waf Godi pelomana. Ama pefe' pihi'ama waf aonai naninani nataga nanda' ukup mohafel endilisi ma waf aonai nape etap anae'i nanda' epes sataga awes.

2 Pita 2:20

Emi egafis sokwaha waf aonai etapanai nanda' epes awes ma sogawa Dembinai ape'inai Jisas Krais nofa'as sotanimani, ma i'i waf anama aonai nomboma esis wapoti' ma nombale'as la'ifis, anona nemaf sope la'ela'ef na'ama. Sali' sape la'ifisa sonda' waf aonai, ata' sape awes kwaukwawie'. Ea' dei' satanima sanda' waf aonai wapoti', awes endilisi sanda' waf aonai la'ela'ef.

1 Jon 3:13

Ipe' sahin owan ae'ipei, i'i esis sape etapi sowa' alafugaha Godi sindaiwa'mepa, ipe' ina gegelelesipa, owa'.

1 Jon 5:19

Ape' mogawa ape' awasi Godi, ea' isima owa' awasi Godi sape owina aman aonai Satan anan dembinai asasinai.

Revelesen 12:9

Ea' amam ensel Godi makwahai kwambon anama nisila'i. Kwambon anama fowa' ganinai dei' esis sa'i aman aonai Satan. Anan aman nambaso'ma esis amam nematawa hiesi etapasi. Amam makwahai anan nafi'i etap, makwahai ensel awami ananimi wapoti' misila'i malumanai.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.