Basef Amama Pol Nandaꞌam Mafeꞌma Esis Romi 12:19 - Basef Buꞌwami Godi

¹⁹ Ipe' alupipei ae'ipei endilisi, ina pegwamasa waf aonai esis sanda'mepa anai, owa'. Ipe' pese'as sefe'ma Goda okom wandafunai nopoma esis ama nogwamasa waf aonai esis sanda'mepa anai. Dei' main, basef mail Baibeli ma'i, “Sogwamasa waf aonai ma enis epes sanda' waf aonai, amama maol ae'anai. Ae' atowe anona nemaf egwamasa waf anama aonai esis sanda'mepanai.” Dembinai na'i na'ama.

Basef Amama Pol Nandaꞌam Mafeꞌma Esis Romi 12:19 Iomraidhean Croise

Matyu Nandaꞌafi 5:39

Dei' ae' a'ipipa, ipe' ina pegwama epes sonda' ipe' aopei, owa'. I'i emi egalin nehepa aomb wa'ol, pendamboma nehepa aomb wa'ol wapoti'.

Basef Amama Pol Nandaꞌam Mafeꞌma Esis Romi 12:14

Epes sonda' waf aonai ma ipe', penda' beten pihali' Goda nigiambamas sope andeande'. Penda' betena esis. Ea' ipe' ina penda' beten pihali' Goda nohas, owa'.

Basef Amama Pol Nandaꞌam Mafeꞌma Esis Romi 12:17

I'i epes sonda' waf aonai ma ipe', ina pegwamasa waf aonai esis, owa'. Ipe' ukup mopoma waf bu'unai ma naep epes hiesi penda'ana.

Basef Amama Pol Nandaꞌam Mafeꞌma Esis Romi 13:4

Amam gavman manda' maol Godi magiambamepa pepe andeande'. I'i ipe' penda' waf aonai, ipe' umbamehepamam. Ipe' pegawa bainat anama amam gavman mahapilanai, ina mahapilana na'a, owa'. Manda' maol Godi ma mogwa nimanimi awami ma isima sanda' waf aonai.

Efesus 4:27

Na'ama piwisi' utama Satan.

1 Tesalonaika 4:6

Ea' ipe' amam ina penda' waf aonai ma esis sahin owan ipe'isi pefa' nematawa anom amami, owa'. Dembinai okom wandafunai napoma epes isima sanda' waf anama ma na'i nogwamasa waf anama aonai esis sanda'anai. Fowa' afa' wawalapa amama alihim wa'ipipam mehip.

2 Timoti 4:14

Aleksander aman nanda' maola brasi, nanda' megah endilisi. Anona nemaf Dembinai nogwamana nimanimi anan, mondahama waf anan nanda'meanai.

Hibrui 10:30

Dei' main, ape' mogawa aman anama na'i, “Waf pegwa waf aonai, maol ae'anai. Ae' atowe anona nemaf egwamasam.” Ea' na'iam wapoti' na'i, “Ae' atowe Dembiwei anona nemaf ewaloga esis amam nematawa ae'asi ma basef lu'wami.”