Basef Amama Pol Nandaꞌam Mafeꞌma Esis Romi 12:17 - Basef Buꞌwami Godi

¹⁷ I'i epes sonda' waf aonai ma ipe', ina pegwamasa waf aonai esis, owa'. Ipe' ukup mopoma waf bu'unai ma naep epes hiesi penda'ana.

Basef Amama Pol Nandaꞌam Mafeꞌma Esis Romi 12:17 Iomraidhean Croise

Matyu Nandaꞌafi 5:24

Ata' pekwaha ofa ipe'inai nonda'oh felefele'ma balata anama, ipe' ata' pitanima pefe' penandona basef peloma sahin owan ipe'isi pali' panda'mas waf aonai. Ama ea', pifi'i pefa' ofa pefe' pindalali peso' Goda ofa.

Matyu Nandaꞌafi 5:39

Dei' ae' a'ipipa, ipe' ina pegwama epes sonda' ipe' aopei, owa'. I'i emi egalin nehepa aomb wa'ol, pendamboma nehepa aomb wa'ol wapoti'.

Basef Amama Pol Nandaꞌam Mafeꞌma Esis Romi 12:19

Ipe' alupipei ae'ipei endilisi, ina pegwamasa waf aonai esis sanda'mepa anai, owa'. Ipe' pese'as sefe'ma Goda okom wandafunai nopoma esis ama nogwamasa waf aonai esis sanda'mepa anai. Dei' main, basef mail Baibeli ma'i, “Sogwamasa waf aonai ma enis epes sanda' waf aonai, amama maol ae'anai. Ae' atowe anona nemaf egwamasa waf anama aonai esis sanda'mepanai.” Dembinai na'i na'ama.

Basef Amama Pol Nandaꞌam Mafeꞌma Esis Romi 14:16

Ipe' ina penda' anona waf enis sahin owan Kristen sitilipa nenda' ukup asasimi aom, owa'. I'i ipe' pi'i waf anama bu'unai, ipe' ina penda'ana naep asasimi, hapainai.

Kolosi 4:5

Esis sape ande'ma Kraisi, ipe' ukup mope andeande'ma fe' pe ki ipe'inai. Maim nimeguf eaf nogal ipe' pi'ipasa basef Kraisi, pi'ipasam.

1 Tesalonaika 4:12

Penda'am na'ama ma pefe' andeande' naep esis isima owa' ata' somboma opalef sotaga Kristen. Ea' penda'am na'ama ma ina kwahupa anom amamaga, owa'.

1 Tesalonaika 5:15

Na'ama ipe' pegwamasa waf aonai enis epes sanda'mepana ipe'i, owa'. La'ela'ef pitu la'ifipa ma waf bu'unai atona la'ela'ef. Ea' penda'masana isima enis hiesi wapoti'.

1 Tesalonaika 5:22

Ea' pindihi'ama amamaga awami mamumami hiami.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.

1 Pita 3:16

Ea' ipe' pegwamasam peloma opalef awanemi ea' penda'as andeande' pinifelis. Ipe' penda' waf bu'unai ma basef mape opalef nomoni ma'iami ma'ipipa basef mihi'ambepa waf ipe'inai ina aona, owa'. Penda'am na'ama ma esis si'ipipa basef awami ma pe bu'unai paila Kraisi ma esis ambagof aoma basef amama awami esis sa'ipipami.

1 Pita 3:9

Ipe' ina pegwa waf aonai, owa'. I'i esis si'ipipa basef findiwaimi, ipe' ina pegwamasam, owa'. I'i esis sonda'mepa waf aonai, ipe' pegwamas penda'mas waf bu'unai atona pi'ipas basef bu'wami ma God nofalo'mas. Dei' main, God nofalepa ma pefa' amamaga bu'wami anona nemaf nofalo'mepa.