Basef Amama Pol Nandaꞌam Mafeꞌma Esis Romi 12:13 - Basef Buꞌwami Godi

¹³ I'i amam nematawa Godi amamaga a'as, pigiambamas pese'asam. I'i epes anona wambel laugunasi sifi'i setagamepa, pimafias andeande'.

Basef Amama Pol Nandaꞌam Mafeꞌma Esis Romi 12:13 Iomraidhean Croise

Matyu Nandaꞌafi 25:35

Dei' main, ipe' fowa' pati ae' nolomahe ape ipe' pase'e gwa'aimi. Pati iap nase'e, pase'e embel a' embel. Ae' afi'i si'i anona wambelinai ipe' pefa'e afe' ifagw ipe'imi.

Aposel 10:4

Ea' Kornilius natolona umbamahana endilisi na'i, “Dembinai, ine' na'i main?” Ea' ensel na'ipana na'i, “God name' beten ine'inai ea', okom na'i waf ine' nanda'anai nase'as moni maim nagiambama amam nematawa amamaga a'asi. Ea' God ata' okokomam.

Aposel 4:35

sase' amam aposel. Ea' amam manda'am maso' isima gwa'aimi hiahaom a'asi.

Basef Amama Pol Nandaꞌam Mafeꞌma Esis Romi 12:8

Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

1 Korin 16:15

Ipe' pegawa wambota Stefanasi sali' sataga Kristen sali'ma esis Grik hiesi. Ea' esis ukup ma'ima'i endilisi la'ela'efa sanda' maol sagiambama epes Godi. Alupipei, ae' a'ipipa basef la'ifimi

2 Korin 9:1

Ipe' pegawa maol bu'unai pigiambama esis amam nematawa Godi amamaga a'asi. Ea' ae' ina enda' anom basefa amama, owa'.

2 Korin 9:12

Ipe' penda'am na'ama ma pigiambama alupusi isima amam nematawa Godi ma waf anama, ipe' panda' opeha pagiambama epes isima kwahusi. Ea' ina amama atom, owa'. Ipe' panda' waf anama pafela epes hiesi ma sefela agel Godi sinifelona endilisi.

Galesia 6:10

I'i ape' muti eaf bu'unai, monda' waf bu'unai ma epes hiesi migiambamas atona etin. Ape' monda'ana na'ama etin la'ifipa esis sahin owan sombale'efa Dembinai mikila' manda'ana enis epes.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

Taitus 1:8

Anan nimafi emi egafis sifi'i lauguni anona wambel. Anan okom ni'i waf bu'unai hianai Godi ea' nope andeande'. Anan numafi okom ananinai atona andeande'.

Taitus 3:14

Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Filemon 1:7

Owalome ae'inai, ine' okom nainaila amam nematawa Godi ma nenda' opalef asasimi motaga la'ifim. Ea' ae' andanifamena endilisi ma waf anama ine' nanda'anai nanda' opaf ae'anai awanena endilisi.

Hibrui 13:16

Ipe' ina ukup mose'epama penda' waf bu'unai esis amam nematawa, owa'. Ea' amamaga ma'oma ipe' pewalogam pese'ama tu'wanim epes isima amamaga a'asi. Dei' main, God okom na'iam endilisi waf anama si'i amamaga bu'wami ipe' paso'anama pindolalimanami.

Hibrui 13:2

Ipe' ina ukup mose'epama pigiambama epes anona wambelisi sifi'i ifagw ipe'imi, owa'. Ipe' pegawa, fowa' gani enis epes sanda' waf anama ma sagiambama enis epes, esis sofa' anom ensel safe' sumafiam ifagw asasimi. Esis ina sogawa sa'i amam ensel mafi'i, owa'. Sa'i enis epes etapasi.

Hibrui 6:10

God ina epen aonai ma nambimb okom nose'ana ma maol hianai ipe' panda'anai, owa'. Ipe' ukup maimailana. Ea' dei' panda' maol anama ma pigiambama amam nematawa Ananisi. Ea' dei' ata' panda'ana na'ama la'ela'ef.

1 Pita 4:9

Ipe' pi'i aho'ma pigiambama enis alupusi deindei'as sifi'i ifagw ipe'imi pimafias andeande'. Ipe' ina opalef aoma esis, owa'.

1 Jon 3:17

I'i emi egafis amamaga hiamisi ma siti sahin owan amamaga a'ani ma esis owa' ukup mimila sahin owan, epes isima ina ukup maimaila God, owa'. Dei' maina epes isima sa'i, “Ukup ape'imi maimaila God”? Owa', esis sambaso'am.

3 Jon 1:5

Alupinai ae' okom nanailinai, opeh hiami ine' nanda'ami ma nagiambama amam sahin owan, amama ine' nanda'am andeande' endilisi. Amam ina nati nogonaepima negawam, owa'. Ea' ine' natolom numafiam etin.