Basef Amama Pol Nandaꞌam Mafeꞌma Esis Romi 12:12 - Basef Buꞌwami Godi

¹² Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 12:12 Iomraidhean Croise

Matyu Nandaꞌafi 5:12

Opalef ipe'imi mope awanem pepe pendanifel. Dei' main? Amamaga hiami bu'wami ipe'imi ma'oh heven ilif. Esis isima sanda' waf aonai ma ipe' na'ama etin si'i fowa' gani sanda' waf aonai ma profet amama mape fowa'imi.

Luk Nandaꞌafi 10:20

Ea' ipe' ina pendanifel ma ambagof awami mame' basef ipe'imi, owa'. Ipe' pendanifel ma God nanda' agof ipe'imi mail buk ananinai gani heven ilif.”

Luk Nandaꞌafi 21:19

Ipe' pepe la'ifipa ma anona nemaf pefa' ambal namunai.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Aposel 1:14

Amam alupumi Jisasi mandatama etifigin nimeguf hiami la'ela'ef ama manda' beten maloma anowa nematawa saloma akwa'w Maria Jisas mama'wana saloma owapana Jisasi wapoti'. Esis hiesi sape sanda' beten etifigin.

Aposel 12:5

Pita ata' napani kalabus amam soldia mape mumafiana. Ea' la'ela'ef esis Kristen sanda' beten la'ifisa God numafia Pita.

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 6:4

Ea' afa' opoma onda' beten etin ea' wi'ipasa basef Godi amam nematawa wigiambamas.”

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 15:4

Dei' main, basef hiami fowa' amam manda'am mail Baibeli manda'am mawalipa ape'. Basef amama monda'apa motaga la'ifipa mi'i endilisi God nigiambamapa ma mope andeande'.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 8:25

Ea' amamaga ape' ata' owa' meatulumi ape' mogawa endilisi anona nemaf mofa'ami, amama ape' ukup la'ifim mapomam ea' mape mohafam.

1 Korin 13:13

Dei' waf wenifina nape, anama na'ama. Waf mombale'efa Kraisi naloma waf mope mohafa God, waf ukup maimailasanai. Waf anama wenifina. Ea' nali' endilisi, waf ukup maimailasanai.

2 Korin 12:8

Ae' anda' betena Dembinai wenifa anan ata' notofa amamaga manda'e ekep pahae, epan andeande'.

Filipai 3:1

Ipe' alupipei, ae' a'i i'i basef ae'ami hi'ilam na'ama. Ipe' pendanifel ma Dembinai. Ae' ina okom nimanima enda' basef amama atom do'ok ali' a'ipipami, owa'. Amama mili'akwepa ma waf aonai.

Filipai 4:4

La'ela'ef ipe' pendanifel ma Dembinai. Ae' a'iam wapoti', ipe' pendanifamana.

Kolosi 1:11

Afa' wanda'mepa beten wapoti' na'ama. Wa'i God nonda'epa petaga la'ifipama pepel Ananinai bu'unai nafifili endilisi. Ama ipe' nambimb pitu la'ifipama pefa' maim nimanimi meatagamipei ma pendanifel ea' opalef ipe'imi ina mohafel endilisi, owa'. Mope so'umbel.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

Kolosi 4:2

Ipe' penda' beten la'ela'ef. Beten ipe'inai, ipe' ukup bo'om pepe andeande' pinifela God.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 5:8

Ape' mape si'i epes sape alipi, ukup mapaepa mumafi alop andeande'. Ape' mofa' waf anama mombale'efana la'ifipa ma moso' opalef enis, si'i sanda' wandafi sofa' walitah sanda' wandafa mahagasa wambawa. Ape' mogawa basef amama anona nemaf God nofa'apa motanimani. Ukup mopoma basef amama si'i mowalo' anona hat la'ifinai nili'akwa balagah.

2 Tesalonaika 1:4

Waf anama atona dei' afa' wafela agof ipe'imi la'afena amam nematawa Kristen. Wa'iam na'ama wa'i esis Tesalonaika sofa' nimanimi hiami ea' sombale'efa Jisas saitu la'ifis.

2 Tesalonaika 3:5

Afa' wa'i Dembinai nonda' opalef ipe'imi ma pegawa God okom nainailipa endilisi. Afa' wa'i nemaf anama nimanimi motagamepa, pitu la'ifipa ma pepel Kraisi atona penda' waf bu'unai atona.

1 Timoti 6:11

Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

2 Timoti 3:10

Ine' fowa' nafe' naloma ae', name' basef amama a'ipasam ea'. Ine' negawa fe' pe, ki ma basef hiami ofagema ae'ami. Ine' negawa ae' embale'efa God la'ifiwi, la'ela'ef a'ipasa basef Ananimi so'umbel, okom ae'anai ina wandafuna, owa'. Ine' negawa ae' okom nainaila enis epes, aitu la'ifiwi efa' nimanimi.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Taitus 3:7

Anan nanda'am na'ama ma na'i ape' epes bo'wepa andeande' ma okom anama Jisasi atona lu'unai nainaila ape'. Ea' nandandepapa ma mofa' ambal namunai mope andeande' la'ela'ef. Ea' ape' mombale'efana mape mohafana.

Hibrui 10:32

Ea' ipe' ukup mopoma nemaf anama fowa', ipe' pati nafifili Godi. Nemaf anama ipe' pefa' nimanimi lu'wami endilisi. Owa'etin. Paitu la'ifipa ma pali'amona wandafa waf aonai.

Hibrui 10:36

Ipe' pitu la'ifipa ma pila okom Godi ma pefa' amamaga bu'wami fowa' Anan na'iam endilisi ma niesi'ipami.

Hibrui 12:1

Dei' ape' monda' main? Epes fowa'isi sembale'efa Godi saitu salipapa si'i elagw lu'wami mase'alepa mindiwapapa sihi'ambapa waf sembale'efanai. Amama atom ape' dei' mokwaha amamaga amama manda' ape' nimanipai maloma waf aonai nowa'apai. Ea' monda' opalef ape'imi la'ifima mosagih mehip ma sagih bu'unai anama God nandandepana musagihanai meataga ikwaf.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Hibrui 5:7

Fowa' gani Jisas ata' nape epen endilisinai etap anae', nanda' beten nahali' God la'ifinai ma nofa'ana nokwaha ga' ma nope namunai. Nanda' beten nofalana mehip nalef nape nimeguf hiami. Anan nanda' lotu ma God, nanda' Anan nafe' owina God. Ea' dei' God name' beten ananinai.

Hibrui 6:12

Ae' andaiwa'ma ipe' ala'uta nepa, owa'. Ipe' pila waf epes isima sombale'efa God endilisi ma esis ina ukup mandasosol, owa'. Ae' a'i ipe' pefa' amamaga bu'wami fowa' God na'iama basef endilisimi atom na'i anona nemaf noso'asam epes Ananisi.

Hibrui 6:15

Ea' Abraham name' basef amama dei' ina ala'uta nana, owa'. Nape sa'ombel nohafa amamaga bu'wami God fowa' na'i neaso'anami mila basef amama na'i endilisimi atom.

Jems 5:7

Sahin owan ae'ipei, ipe' pitu la'ifipa opalef awanem pehafa nemaf anama Dembinai niefi'ianai. Ipe' ukup mopoma anona aman nafomona aofi. Anan nohafa anona nemaf gwa'aimi bu'wami sotalom otamba hiami notaga. Anan opaf awanena naitu la'ifina nape nohafa nogota laona ma asaf nilai nonda' gwa'aimi hiami motaga aof ananinai.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

2 Pita 1:6

Ea' piwatania gawa anama bu'unai ma waf ukup mopeipa pimafi alop andeande'. Ea' piwatania waf pimafi alopanai ma waf pitu la'ifipa nemaf anama nimanimi meatagamipei. Ea' piwatania waf pitu la'ifipa ma penda' waf pefela agel ananinai.

Revelesen 13:10

I'i esis si'i sonda' enin epen nefe' nenda' kalabus, enin nefe' nenda' kalabus. I'i esis si'i soha enin epen noga'ma bainat, enin noga' ma bainat. Endilisi waf anama nimaninai atona anona nemaf notaga. Ipe' amam nematawa Godi pepe la'ifipa pembale'efa God la'ifipa andeande'.