Basef Amama Pol Nandaꞌam Mafeꞌma Esis Romi 12:11 - Basef Buꞌwami Godi

¹¹ Ipe' penda' maol la'ifipa la'ela'ef ukup mohafel endilisi penda' maol Dembinai.

Basef Amama Pol Nandaꞌam Mafeꞌma Esis Romi 12:11 Iomraidhean Croise

Matyu Nandaꞌafi 24:12

Waf aonai anona nemaf netaga lu'una, na'ama amam nematawa hiesi sokwaha waf anama ukup maimaila enis epes mi'i uwahipis.

Matyu Nandaꞌafi 25:26

Ea' Dembinai ananinai nagwamana basef na'ipana na'i, ‘Ine' nanda' maoli, ine' aman aowinai endilisi. Ine' ala'uta nainai. Endilisi ine' negawa ae' ala' gwa'aimi anona aman nawam aof ananinai, afe' atopa' wit anona etap anona amani.

Aposel 18:25

Fowa' enis sawalipana ma eaf Dembinai ea' dei' la'ifina endilisi ma na'ipas andeande' amamaga Jisas nanda'ami. Ea' anan nogawa basefa baptais Joni atom.

Aposel 20:19

Ipe' pegawa nimeguf hiami la'ela'ef esis Juda sa'i basef sa'i sogolope sehe ega'. Amama atom ae' efa' nimanimi magwamba ae'. Owa'. Ae' anda' agel ae'anai nafe' owin endilisi, efa' nimanimi ea' embif maluwi naep ma anda' maol Dembinai.

1 Korin 7:22

Dei' main, emi egafis agof a'as sanda' maol sape owina enis epes, dei' epes isima Dembinai nakwahomas waf aonai sepe wafifis ea' Ananisi etis. Ea' na'ama etina epes sape wafifis owa' seape owina enis epes, dei' Dembinai nofalas ea' sanda' maola Krais.

Efesus 4:28

Emi egafis sanda' wali, esis ina ata' sonda' wal wapoti', owa'. Esis dei' sonda' maola lagof asasimi ma atuwasi sotagama amamaga sose'asam epes isima amamaga a'asi.

Kolosi 4:1

Ipe' agufipei ma esis agof a'asi sanda' maolanipei, ipe' penda' waf bu'unai andeande'ma esis. Ipe' pegawa Dembinai ipe'inai nape otaga ilif.

1 Timoti 5:13

Ea' anona waf awau wanda'ana wapoti'. Wanda' waf anama ala'uta nawa. Ea' wafe' wawis ifagw. Awau ina ala'uta nawa, owa'. Wakwalopa basef enis epesi wanda'am wafe'agon hi'alagon. Ea' wawalapa basef mamumami ina andeande'ma ape' mi'iam, owa'.

Hibrui 12:28

Amama atom ape' minifela God. Dei' main, dei' ape' felefele' muwis numafiapa wambel Godi, anama epes ina la'ifisa sokoto'magon, owa'. Ape' monda' lotumana mefela agel ananinai umbamohapa ma mila okom ananinai atona.

Jems 5:16

Amama atom dei' ipe' pewalapa waf aonai ipe' panda'anai atona etin ea' penda' beten ama ipe atona etina God nonda'epa bo'wepa. I'i enin epen bo'wen, beten ananinai la'ifina endilisi.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 4:8

Basef lu'wami mape mali'ma basef hiami amama. Ipe' ukup mimila sahin owan ipe'isi la'ifipa endilisi. Dei' main, waf anama ukup mimilasanai nase'ala waf hianai aonai ea' nikila' waf hianai hi'alana.

Revelesen 2:4

Ea' dei' anom basef awami mapomepa. Fowa' dambadamba ukup ipe'imi maimaila Ae' pembale'efa Ae' andeande', ea' dei' owa'etin.