Basef Amama Pol Nandaꞌam Mafeꞌma Esis Romi 12:1 - Basef Buꞌwami Godi

¹ Alupipei, basef amama hiami mali'i endilisimi atom. Amama atom dei' ahali'ipa ma basef la'ifimi ma ipe' ukup mi'i okom lu'unai Godi nainaila ape' nati ape' uwahipipa. Ea' pindilali ma Anan si'i fowa' saha mafis sase'ana pese'ana alop ipe'inai si'ina hi'ilana. Alop ata' nope namona la'ela'ef pese'anana God atona hi'ilana ea' ananinai si'ina, si'i waf Anan okom na'ianai. Ipe' penda'am na'ama, penda' lotu endilisi ma God ukup ipe'imi nomon.

Basef Amama Pol Nandaꞌam Mafeꞌma Esis Romi 12:1 Iomraidhean Croise

Luk Nandaꞌafi 7:47

Na'ama dei' ae' a'ipina. Akwa'w okom nainaila ae' endilisi. Waf anama okom nainaila ae'anai nihi'ambapa waf aonai akwa'unai hianai ae' akwahomakwana hi'alana. Emi epen God nokwahoman waf aonai ananinai kwasala'una, epen inima enin nambimb ina okom ninila God endilisi.”

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 15:16

Ea' anan nanda'e ape anda' maola Krais Jisas anda'am la'afena esis sololama Godi owa' Judaisi. Anda' maol si'i amam mondolali ma Godi awalapa basef bu'wami ananimi. Ae' a'i efa'ai epes isima owa' Judaisi sifi'mai Anan ea' Ambal Bu'unai Ananinai nonda'as sotaga epes Godi etis bo'wes andeande' ese'anas Anan si'i ofa anan okom na'iami endilisi.

Basef Amama Pol Nandaꞌam Mafeꞌma Esis Romi 15:30

Ape' mombale'efa Dembinai ape'inai Jisas Krais, ea' mogawa Ambal Bu'unai Godi nafela ukup ape'imi ma maimaila esis sahin owan ape'isi. Amama atom dei' a'ipipa basef la'ifimi a'i ipe' penda' maol lu'unai peloma ae' ma penda' betena God ma ae'.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

Basef Amama Pol Nandaꞌam Mafeꞌma Esis Romi 6:13

Ipe' ina pese' lagof bo'wagah ipe'imi mefe'ma penda' waf aonai, owa'. Pese' ipe' pefe'ma God atona moloma ukup ipe'imi hi'ilama anan atona si'i epes sotanima sohafel hi'agif wapoti' sape namisi. Ipe' pese'ana alop wa'ana hi'ilana Goda penda' waf bu'unai.

Basef Amama Pol Nandaꞌam Mafeꞌma Esis Romi 6:16

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Basef Amama Pol Nandaꞌam Mafeꞌma Esis Romi 6:19

Ukup ipe'imi ina dei' la'ifim, owa'. Amama atom dei' aila ukup ape' epesi a'iam alihim a'i. Fowa' ipe' ata' pase' alop ipe'inai wa'ana pape owina waf aonai naninani naloma waf hianai sosambala mi'uli Godi ea' nandepa panda'ana. Ea' dei' peso' alop wa'ana hi'ilana pepe owina waf bu'unai ma pepe epes Godi etipa.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 1:10

Ipe' sahin owan, a'ipipa basef la'ifimi ma agel Dembinai ape'inai Jisas Krais na'ama. Ipe' pepe wambota atona endilisi pepe opalef etifim. Penda'am na'ama ma ipe' pepe andeande' opalef etifim endilisi ma ipe' ina pendawal biefipa.

2 Korin 10:1

Ae' Pol ahali'ipa nimanis aila waf Kraisi so'umbilinai si'i anan nanda' okom ananinai nefe' owina epes hiesi. Dei' anifelipa ma anom amamaga etifim. Enis epes sambaso'me sa'ipi na'ama sa'i, “Anan ata' nape naloma ape' nanda' anan nafe' sa'osa'ona nafe' owin, ea' nogota anama nafe' napani laogon nanda' basef la'ifimi ma ape'.”

2 Korin 4:1

God na'i afa' uwahipifa dei' nase'afa maol anama. Ea' dei' afa' ina otanima ma maol anama, owa'.

2 Korin 4:16

Afa' ukup mapoma amama dei' ina otanima ma maol Godi, owa'. Endilisi, pepela alop afa'inai la'ela'ef na'i nowafa hi'ilana. Ea' opalef afa'imi mataga dambaim wapoti' nimeguf hiami hihif.

2 Korin 5:20

Ea' afa' dei' ofa' malogel Kraisi wawalapa basef ananimi. Amama na'ama etin. God atona nofala epes hiesi ma basef la'ifimi malogof afa'imi. Ea' waho'ofa Krais wa'ipas na'ama wa'i, “Ipe' pekwaha waf naumbihinai ma petaga opalef etifim peloma God.”

2 Korin 6:1

Afa' wanda' maol Godi wandao'oma walomana. Dei' wa'ipipa basef la'ifimi na'ama wa'i, “God nagiambamepa na'a. Na'ama ipe' ukup mose'epa waf anama nagiambamepa na'a, owa'.”

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 5:10

Ea' ipe' pendandomba ma pegawa maina waf Dembinai okom na'ianai.

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 4:18

Otamba gwa'aimi amamaga maim ipe' pasi'iami hiami mikila' ae' okom na'iami. Amamaga ipe' panda'am paso' Epafroditus nofa'ami efa'am ea'. Amama si'i ofa pindalalima God pese'anami alogw ma'ami. Ea' ipe' pase'anam God, nofa'am opaf ananinai ambo'ona.

1 Tesalonaika 4:1

Alupipei, fowa' afa' wa'ipipa wihi'ambepa waf ipe' pepe pefe' andeande' ma pilana, si'i God okom na'iami. Fowa' pailana dei' wapoti' pilana la'ela'ef. Ea' afa' wahali'ipa wafela ukup ipe'imi ma agel Dembinai Jisasa pilana penda'ana nefe' etin notaga lu'una.

1 Tesalonaika 4:10

Ipe' ukup maimaila esis sahin owan anama etap hiagoma Masedonia. Ipe' alupipei, afa' wa'ipipa na'ama wa'i, ipe' ukup mimila esis sahin owan isima penda' waf anama netaga nefe' lu'una.

1 Tesalonaika 5:12

Ipe' Kristen alupipei afa'ipei, afa' wa'ipipa na'ama, wa'i amam agufumi mumafi esis Kristen, anom manda' maol lu'unai malomepa magiambamepa. Ipe' pefe' owina amam. Dembinai nanda'am mape agufumi ipe'imi ma mogawa monda' ukup ipe'imi mope andeande'.

1 Timoti 2:3

Beten anama bu'unai ma naep Godi, notanima nofa' ape' mope andeande'. I'i ape' monda' waf anama monda' beten, Anan nondanifela ma ape'.

1 Timoti 5:4

I'i ano'w nemata'w alifi'wi enis awasi akwa'usi o bafasa'w akwa'usi sope esis ata' sogawa andeande' na'ama. Maol asasinai nali'i sumafi ahapas mamasas asasisi etis ata' sili' ma sogwa wiaf fowa' esis somafias. Esis sonda'am na'ama saila basef Godi. God okom na'iana endilisi waf anama.

Filemon 1:10

ae' ahali'ina ma nogalome ae'anai Onesimus. Ine' niti anan uwahipina. Nogota anama ape anda' kalabus, ae' a'ipana basef Godi. Ea' nembale'efa Krais nataga nogalome ae'anai.

Filemon 1:9

Ea' ae' andaiwa' ma i'ipina, owa'. God okom nainailafa ea' afa' wapoti' ukup maimaila epes hiesi. Amama atom dei' ahali'ina. Ae' Pol, hagewe dei' ape anda' kalabus anda' opeh Krais Jisasi,

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.

1 Pita 2:20

Ea' i'i ipe' penda' waf aonai sohepa ma waf anama ma pitu la'ifipa pitilis, anona nemaf ipe' pefa' maim bu'wami ma waf anama? Owa'. Ea' i'i ipe' penda' waf bu'unai ma esis sonda'mepa waf aonai, God okom ni'i waf anama ea' nofalo'mepa ma amama.

1 Pita 2:5

Ipe' wapoti' si'i owah ambal namunai napaimi. God nape nanda'epa la'ela'efa pataga bo'wepa si'i anona ipat bu'unai ananinai dei' nape nanda'anai. Ama ipe' pepe epes bu'upei penda' maol pindalalima God. Ea' pindalali pese'ana ukup ambagof ipe'imi mofe'ma Anan. Ipe' pindalali penda'am na'ama, okom Godi na'i amama andeande'ma maol anama Jisas Kraisi nanda'anai.