Basef Amama Pol Nandaꞌam Mafeꞌma Esis Romi 11:6 - Basef Buꞌwami Godi

⁶ Anan nati uwahipis nagiambamas etin nandandepas. Anan ina okom na'i anona maol bu'unai esis sanda'anai nandandepas, owa'etin. I'i esis sonda' maol bu'unai ma God nosahe'as, anan ina nati uwahipis nagiambamas etin nandandepas, owa'. I'i na'amai, waf anama nati uwahipisanai anama falafunai atona, owa' endilisinai.

Basef Amama Pol Nandaꞌam Mafeꞌma Esis Romi 11:6 Iomraidhean Croise

Luk Nandaꞌafi 6:13

Aon natefi, anan nofala alupumi ananimi hiami mafi'i. Amam 12-peleim nandandepam Aposel.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

Galesia 2:21

Ae' ina ewa' alafugama waf God nagiambamapa na'a, owa'. I'i mi'uli fowa' God naso' Mosesanai nonda' epes sotaga bo'wes andeande' ma naep Godi, dei' waf Krais naga'manai falafifunai atona ofagena owa'.”

Galesia 5:4

I'i ipe' pa'i pila mi'uli anama ma nambimb God ni'i ipe' epes bu'upei, ipe' pakwaha Krais pefalana bounai, ea' pelolama waf God nagiambamapa na'a pakwahona.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.