Basef Amama Pol Nandaꞌam Mafeꞌma Esis Romi 11:32 - Basef Buꞌwami Godi

³² God nanda' epes hiesi sope owina waf anama sosambala basef ma anan anona nemaf niti esis hiesi uwahipis nigiambamas na'a.

Basef Amama Pol Nandaꞌam Mafeꞌma Esis Romi 11:32 Iomraidhean Croise

Jon Nandaꞌafi 1:7

Anan nafi'i ma neawalapa basef. Dei' nawalapa basefa howalagon anama ma epes hiesi some' basef ananimi sembale'efana.

Jon Nandaꞌafi 12:32

Nambimb esis sundi il etin lawag usi'inai tu'wanainai ilifa nambimb ihindi'ai esis amam nematawa hiesi sifi'mai ae'.”

Basef Amama Pol Nandaꞌam Mafeꞌma Esis Romi 11:31

Ea' na'ama etin dei' esis Juda wapoti' sosambala basef ama dei' sofa' okom anama dahowinai Godi si'i ipe'.

Basef Amama Pol Nandaꞌam Mafeꞌma Esis Romi 3:22

Waf anama na'ama. Emi egafis sembale'efa Jisas Kraisi, isima God nofalas na'i epes bu'wasi. Ea' ape' epes hiapai mombale'efa Kraisi, God nanda'apa na'ama etin, esis Juda saloma isima owa' Judaisi wapoti'.

Basef Amama Pol Nandaꞌam Mafeꞌma Esis Romi 3:9

Dei' si'i main? Basef amama do'okimi ma'i main? Ma'i ape' Juda mikila' enis epes owa' Judaisi ma waf bu'unai? Owa'etin. Ae' ihi'ambepa basef ea', waf aonai nase'ala ape' hiapai, esis Juda saloma isima owa' Judaisi wapoti'.

Basef Amama Pol Nandaꞌam Mafeꞌma Esis Romi 5:19

Aman atotona nosambala basef Godi dei' ape' hiapai mape manda' waf aonai. Ea' na'ama etin aman bu'unai atotona naila basef amama andeande' dei' ape' hiapai mataga epes bu'upai ma naep Godi.

Galesia 3:22

Amamaga mamumami mombalo'apa mape etap anae'. Waf aonai anama nombalo'apa mapoma anona nemaf ape' mombale'efa Kraisi mofa' amama bu'wami. Amama fowa' gani God na'i basef endilisimi atom ma anona nemaf noso' esis sembale'efa Kraisi sefa'am.

Galesia 3:23

Fowa' gani waf anama sembale'efa Jisas Kraisanai ina dei' nataga, ata' owa'. Nemaf anama mi'uli esis Juda sailana nembalo'apa la'ifipa mape si'i kalabus mape mape ma dei' nemaf anama God nihi'ambapa alihima ape' mombale'efa Jisas Krais.