Basef Amama Pol Nandaꞌam Mafeꞌma Esis Romi 11:25 - Basef Buꞌwami Godi

²⁵ Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

Basef Amama Pol Nandaꞌam Mafeꞌma Esis Romi 11:25 Iomraidhean Croise

Matyu Nandaꞌafi 13:11

Ea' nagwamama basef na'i, “God nihi'ambepa basef ofagema mape mandambahi'i ma ipe' piowis kingdom heveni. Ea' epes isima, owa'etin.

Luk Nandaꞌafi 21:24

Enis, bainat nohas soga'. Enis, naumbih sonda' kalabusimas sofa'as sefe' sope etap anae' hiagoma hi'ilagon. Ea' epes isima sololama Godi sotaga sofa'asa wambel anama Jerusalem bo'wagah asasimi sumafiagon. Ea' sope la'ela'ef sefe' na'ama etina nemaf God nandandepanai ma nogota asasinai hi'ilana.”

Jon Nandaꞌafi 10:16

Ae' anom sipsip maitu anagon. Amam ina maitu nomon endalelemb amama, owa'. Amam maitu endalelemb anagon. Ae' okom na'iam endilisi anona nemaf efa'am mifi'i mome' maf ae'anai ekolasom mitu endalelemb etifigin ea' ae' atowe imafiam.

Basef Amama Pol Nandaꞌam Mafeꞌma Esis Romi 1:13

Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis.

Basef Amama Pol Nandaꞌam Mafeꞌma Esis Romi 11:12

Esis Juda sowa' alafugaha God, amama atom dei' anan nagiambama amam nematawa hiesi etapasi sape wambel hiagomai. Esis Juda sololama waf Godi, amama atom dei' God nagiambama isima owa' Judaisi nofa'as sotanimani. Ea' nemaf anama esis Juda hiesi dende'ma ikwaf God okom ma'ianai sotanima sifi'mai anan, esis epes hiesi owa' Judaisi, God nigiambamas endilisi ma nofa'ai hiesi sotanimani.

Basef Amama Pol Nandaꞌam Mafeꞌma Esis Romi 11:24

Ipe' pegawa fowa' ipe' ata' papani etin si'i lawag oliv aolupunai, ea' God nanda' anona maola ipe' natopa' anona agela lawag anama ea' nowataniana anona lawag oliv bu'unai sawana aofi. God nanda' maol anama. Endilisi, anona nemaf nofa' esis Juda sotanimani si'i agof nindiwam lawag sawana aof nuwataniam motanima mope lawag anama ananinai si'ina si'i notawa. Maol anama ina ahifina ma Anan, owa'.

Basef Amama Pol Nandaꞌam Mafeꞌma Esis Romi 12:16

Ipe' ukup mopoma sahin owan ipe'isi hi'ilas pepan opalef etifim pelomas, si'i ukup mapoma ipe' etipa. Ipe' ina ukup mi'i ipe' etipa pi'i dembipei, owa'. Pefe' peloma epes isima falafisi. Ipe' ina ukup mi'i ipe' etipa gawaipei, owa'.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 9:18

Ape' mogawa i'i God ni'i nigiambama enin epen etin, anan nigiambaman. Ea' i'i nosopama okom enin epen, anan nosopama okom ananinai.

1 Korin 10:1

Alupipei, ae' andaiwa'ma ipe' ukup mose'epama amamaga amama. Esis bafasapa hiesi Israel sape owina elagw amama mali'as safe' ea' hiesi safe' bo'wagah asasimi sowala sambo naoh embel akwahimi

1 Korin 12:1

Ipe' alupipei, ae' a'i enda'mepago basef amama ma presen amamaga bu'wami Ambal Bu'unai Godi naso' ipe' atona etinami. Dei' main, andaiwa'ma enipa ipe' ukup mololaipa ma amama.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

1 Korin 4:1

Ipe' pegawa afa' wanda' maol Kraisi umafi basef endilisimi Godi fowa' mape mandambahi'i dei' mataga mandawalap alihim.

Efesus 1:9

Okom ananinai atona na'i nigiambamapa ea' nihi'ambapa basef ananimi mali' mandambaho' mape okom Ananinai atona. Basef amama mape na'ama. Anan nali' okom na'i Krais nope Dembinai ma amamaga hiami mape ilif etapi hi'ilam maloma epes wapoti'. Nogota anama anan atona okom na'ianai notaga, God nose'ana amamaga amama mofe' lagel Kraisi atona ma Anan atona nope Dembinai ma amamaga amama hi'ilam maloma epes wapoti'.

Efesus 3:9

Ea' God nagiambamas na'a nihi'ambasa okom Ananinai maloma waf hianai Ananinai epes hiesi. Okom anama naloma waf anama ananinai hianai damba damba nape nandambaho' nafi'i nataga dei'. Ea' dei' nanda' amamaga hiami hi'alam mataga mape nase'e maol anama awalapa amama mape mandambahi'i alihim.

Efesus 4:18

Gawa ma ukup asasimi si'i owamb atona. Esis sololama gawa bu'unai, satotopa' basef, opalef asasimi mase'as. Amama atom dei' sape ande' laogona ambal namunai Godi.

2 Pita 3:8

Ipe' alupipei endilisi, ipe' owa' ukup mose'epama anom amamaga atom. Okom Dembinai na'i nemaf atotona si'i afagof hiami 1,000-peleim ea' afagof 1,000-peleim si'i nemaf atotona.

Revelesen 1:20

Ine' nati ondowa awama 7-peleim wape lagel da'isinai ae'anai waloma lamifah amama 7-peleim matoma gol amama 7-peleim. Amama mondola'wifi atom. Basef ofagema amama. Ondowa mondola'wifa ensel mumafi sios amam nematawa hiesi Godi 7-peleim, ea' gol amama mondola'wifa sios amam nematawa Godi amama 7-peleim.

Revelesen 10:7

Nemaf anama ensel anama nafe'ma 7i ni'i nufapula biugel ananinai, amamaga amama God nambahe'ami motaga alihim. God felefele' nonda'am endilisi si'i basef fowa' nase'amam amam profet manda' opeh ananimi.”

Revelesen 11:15

Ensel anama nafe'ma 7i nufapula biugel ananinai, anom malogof moga ma'i mehip matagai heven na'ama ma'i, “Dembinai ape'inai naloma Krais Amam biam dei' mefa' pepel mataga king dembemi etap anae' hiagoma mumafiagon. Ea' Anan nope king Dembinai la'ela'ef hihif!”

Revelesen 7:9

Amamaga amama hi'alam, ae' ata' atologon wapoti' ati esis amam nematawa hiesi endilisi safi'i sondowa'anima sape. Ea' ina enin epen la'ifina niamba epes isima sataga ma'uma'wis, owa'. Esis hias endililsi. Epes isima sape etap kantri hiagoma ea' epes hiesi sape wambotagw hiami ma alop anama naninani, diga hianai naninani, isima hiesi hi'alas. Esis saitu anama God natoma balata king ma naep sipsip noganai. Sala anom luwaguf afitimi laumi, sahapila bagah lagof asasimi.