Basef Amama Pol Nandaꞌam Mafeꞌma Esis Romi 11:22 - Basef Buꞌwami Godi

²² Ea' ipe' ukup ma'i andeande' okom biefim Godi uwahipimi maloma wandafumi wapoti'. Epes sakwaha waf ananinai, na'ipasa basef la'ifimi. Ea' ipe' God na'i uwahipipei, i'i ipe' pila uwahipimi amama, andeande'. I'i owa', anona nemaf notopa'epa wapoti'.

Basef Amama Pol Nandaꞌam Mafeꞌma Esis Romi 11:22 Iomraidhean Croise

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Jon Nandaꞌafi 15:2

Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Jon Nandaꞌafi 8:31

Ea' Jisas na'ipa esis Juda sambale'efana na'i, “I'i ipe' pembale'efa basef ae'ami pilam, ipe' alupipei ae'ipei endilisi.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Basef Amama Pol Nandaꞌam Mafeꞌma Esis Romi 11:21

Fowa' God ina na'i aho'ma esis Juda si'i agof amama lawag sawam aof mape la'ela'ef, owa'. Ipe' pindumafuma andeande'. Na'ama nonda'mepas na'ama etin si'i nanda' esis.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

1 Korin 15:2

Ae' a'ipipa basef amama bu'wami. I'i ipe' pembale'am andeande', God nofa'epa pitanimani. I'i owa', pembale'am ina pailam.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

1 Tesalonaika 3:5

Ae' ina ata' epe ehafa ipe' wapoti', owa'. A'i efo'o. Ea' asapa'a anona aman nafo'o nogawa bale'ef ipe'inai ma nigiambamepa. Na'ama aman anama aonai Satan nakikipipa ma panda' waf aonai, ea' maol afa' wanda'anai nalo na'a.

1 Tesalonaika 3:8

I'i ipe' pepe la'ifipama Dembinai, afa' wapoti' ope ondanifela ambal namunai endilisi.

Hibrui 10:23

Ape' mombale'efana la'ifipa muwalipas alihima amamaga bu'wami ape' mape mohafami. Amama ape' mohapilam la'ifipa, ina motanima, owa'. Dei' main, ape' mogawa maim amamaga God na'i basef endilisimi atom nambimb nigi'mam nonda'am andeande'.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

1 Jon 2:19

Enis epes sakwaha ape' ea'. Fowa' epes isima ina ape'isi endilisi, owa'. I'i ape'isi endilisi, esis sope solomapa la'ela'ef. Owa'. Esis sakwahepa ea'. Amama atom dei' ape' mogawas andeande', epes isima hiesi ina epes ape'isi, owa'.

Revelesen 2:5

Dei' ukup mi'i' waf anama bu'unai fowa' pali' panda'anai. Ea' pemboma opalef pilana penda'ana pigi'mana wapoti' si'i fowa' dambadamba panda'ana. I'i ipe' owa' pemboma opalef, anona nemaf ae' ifi'i etagamepa ili'amona gol amama ipe'imi lam natamonomi.