God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.
Basef Amama Pol Nandaꞌam Mafeꞌma Esis Romi 11:16 - Basef Buꞌwami Godi16 Waf anama esis Juda anona nemaf sotanima sefe'ma God si'i basef wamon etin na'ama ma'i, i'i bret tu'wanina nali'i sanda'ana sase'anana Godi bo'ona, bret si'ina wapoti' Godi bo'ona atona. I'i esis sose'ana nombalef lawagim God, agufunama si'ina wapoti' Godi atona. Faic an caibideil |
Basef Amama Pol Nandaꞌam Mafeꞌma Esis Romi 11:16
17 Iomraidhean Croise
Ea' ina amamaga amama atom, owa'. Ape' mogawa ape' epes ananipai wapoti', God okom na'i anona nemaf owagama nigiambamapa ma mope andeande'. Ea' dei' anan nali' nase'apa Ambal Bu'unai Ananinai. Ambal Anama nase'apana etin. Ea' ape' wapoti' mame' nimanimi mawal malef mape mohafa anona nemaf God nonda'apa motaga awasi Ananipai endilisi. Nemaf anama nese'apa alop dambainai namunai.
Dei' main, aman owa' nombale'efa Kraisi nape la'ifina naloma waulu'mana kombale'efa Krais, anan nataga andeande' si'i God nandandepana ea'. Ea' nemata'w owa' kombale'efa Kraisi kwape kwaloma anan nombale'efa Krais, akwa'w kwataga andeande' si'i God nandandepa'w ea'. I'i owa', anona nemaf sola awasi, ina anona nemaf sotaga bo'wes, owa'. Ea' dei' sape andeande' si'i God nandandepas ea'.
Epes isima sape bo'wes endilisi. Amam ina manda' waf aonai maloma nematawa, owa'. Mape bo'om. Wambel anama sipsip noganai na'i neafe'ma, esis sagi'mana same' basef ananimi sanda' maol ananinai. God natalis la'afena esis amam nematawa hiesi etapasi sape sali'i si'i ofa bu'unai nali'i God naloma sipsip noganai mofa'anai.
Sanasan