Biblia Todo Logo
Bìoball air-loidhne

- Sanasan -




Basef Amama Pol Nandaꞌam Mafeꞌma Esis Romi 11:14 - Basef Buꞌwami Godi

14 Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

Faic an caibideil Dèan lethbhreac




Basef Amama Pol Nandaꞌam Mafeꞌma Esis Romi 11:14
19 Iomraidhean Croise  

Ae' etambel a'iam. A'i esis Israel sogawa basef amama bu'wami o owa'? Owa'etin. Esis sogawa. Moses nali' na'i basef amama na'i, “God na'ipa esis Israel na'i, ‘Ae' efa' enis amam nematawa falafisi, esis ina epes la'ifis sataga epes endilisisi, owa'. Ae' efa'asi igiambamas falafis anona nemaf ipe' kowalepama waf bu'unai ae' enda'masana esis. Ae' efa'ai epes isima owa' seagawa ae'i ea' anona nemaf ipe' pitilis ukup aomas.’ ”


Dei' ae' ahali'ipa. Esis Juda hiesi sandasisi'ip sowa hegililas? Owa'etin! Esis sololama eaf sanda' waf aonai, amama atom dei' God notanima nofa' enis epes owa' Judaisi sotanima safe'ma anan. God nanda'am na'ama ma esis Juda ata' siti waf anama bu'unai nanda'masana esis sololama Anani ma anona nemaf esis Juda kowalasa waf anama bu'unai God nanda'masanai.


Ae' okom na'i endilisi ma a'i God nofa'ai esis alupusi esimbel ae'ami Israel sotanimani. I'i anona eaf nope, ae' enda' betena Kraisa ae' hegigili eho'ofa esis sefe' wambel bu'unai heven, ea' ae' owa'.


Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.


Si'i ae' wapoti' anda' maol lu'unai ma igiambama epes hiesi ma ukup mi'i waf bu'unai hianai ae' anda'anai. Ae' ina anda'am agiambama ae' imafi ae' atowe, owa'. Anda'ama agiambama amam nematawa hiesi ma God nofa'as sotanimani.


Nemata'w, ine' anona nemaf la'ifinama nigiambama waulunamena notaga Kristen o owa'? Amama ine' owa' neagawam. Ea' ine' aman wapoti', anona nemaf la'ifinama nigiambama waulu'mena ine'ikwi kotaga Kristen o owa'? Amama ine' owa' neagawam.


Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.


Anan na'i nofa'ai epes hiesi sotanimamai Anan sope andeande'ma sogawa basef endilisimi ofagema.


Nindumafuma andeande'ma waf ine' nanda'anai, ma basef amama niwalipasami. La'ela'ef nenda'am na'ama la'ifina. I'i ine' nenda'am na'ama, nambimb God nigiambamena neloma esis seme' basef ine' na'ipasami sailam, nofa'epa petanimani pepe andeande'.


God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.


Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.


Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.


Dei' ae' esapa'ana notanima nefe'mago ine'. Ea' okom ae'anai nofo'o nolomanago.


Dei' amam ensel emi egafum? Amam ambagof bu'wami Godi. Anan nasapa'am mafi'i ma migiambama epes isima dei' God nofa'as sotanimani ma anona nemaf sofa' pe bu'unai.


God nagwamasa nimanimi lu'wami esis sosambala basef Ananimi ensel amama ma'ipasami. Dei' ipe' ukup mape ma'imama? I'i pewa' alafugaha basef Ananimi dei' nagiambamapa nofa'apa mope andeande', anona nemaf ipe' pefa' pefe' pindihi'ama nimanimi amama pi'imama? Owa'. Pefa' nimanimi pelomas. Dei' main, amama nakwahomapa waf aonai nagiambamapa motanimani, ina so'umi, owa'. Lu'wami endilisi. Dembinai atona nali' nawalapam alihima enis epes. Epes isima sihi'ambapa ma mogawa basef amama endilisimi atom.


Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.


Lean sinn:

Sanasan


Sanasan