Basef Amama Pol Nandaꞌam Mafeꞌma Esis Romi 10:9 - Basef Buꞌwami Godi

⁹ I'i ipe' pewalapa basef amama alihim pi'i Jisas anan Dembinai ma pembale'efa God opalef ipe'imi pi'i God nafelona nohafel hi'agif wapoti', anona nemaf God nofa'ai ipe' wapoti' pitanimani.

Basef Amama Pol Nandaꞌam Mafeꞌma Esis Romi 10:9 Iomraidhean Croise

Luk Nandaꞌafi 12:8

Ae' a'ipipa, ae' ataga epen endilisiwei. Emi egafis sewalapa agel Ae'anai ma amam nematawa hiesi, anona nemaf ae' ewalapa agof epes isima ma naep amam ensel Godi.

Jon Nandaꞌafi 9:22

Esis mamasana ananisi umbamahasa amam agufumi Juda. Dei' sa'iam na'ama. Dei' main, amam agufumi Juda ma'i basef mandame'mam ea' ma'i, emi egafis si'i basefa Jisas si'i anan Krais, amam mogalo'mas ipat esis Juda sa'i basef sapeinai ma ina sonda' lotu sealomas wapoti', owa'.

Aposel 16:31

Ea' amam ma'ipana ma'i, “Ine' nembale'efa Dembinai Jisas, ama nambimb God nofa'ena netanimani. Ea' neloma wambota ine'inai wapoti' na'ama etin.”

Aposel 2:24

Ea' God nafelona nohafel wapoti' nakwaha ekep pahana ma naga'i. Dei' main, ga' anama ina la'ifina ma nombale'ana, owa'.

Aposel 2:32

Aman anama Jisas God nafelana notanima nohafel wapoti'. Ea' afa' hiafai wati amama dei' wa'iam.

Aposel 8:36

Amam biam mafe', matagama anona dumb. Ea' aman anama na'ipa Filip na'i, “Niti dumb notah anama. Ine' na'i a'e ma ae' efa' baptais?”

Basef Amama Pol Nandaꞌam Mafeꞌma Esis Romi 10:10

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

Basef Amama Pol Nandaꞌam Mafeꞌma Esis Romi 14:11

Amama si'i Baibel na'iam na'i, “Dembinai na'iam na'ama na'i, ‘Ae' a'i endilisi, anona nemaf epes hiesi sindiwa nembawa sotawa sonda' lotuma ae' hi'ilas, ea' sowalapa basef alihim si'iam si'i ae' God endilisiwei.’ ”

Basef Amama Pol Nandaꞌam Mafeꞌma Esis Romi 14:9

Ea' amama atom Krais naga' notanima ambal napaina nohafel wapoti' ma nape Dembinai ma epes isima saga'i saloma isima ata' sape namusi.

Basef Amama Pol Nandaꞌam Mafeꞌma Esis Romi 4:24

Manda'ama ape' wapoti'. Ape' membale'efa God nafela Jisas Dembinai ape'inai nohafel hi'agif. Amama atom God nati bale'ef ape'inai ea' na'i ape' epes bu'upai.

Basef Amama Pol Nandaꞌam Mafeꞌma Esis Romi 8:34

Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.

1 Korin 12:3

Ea' ipe' pegawa emi epen Ambal Bu'unai Godi nafelan na'i basef, ina ni'i basef ni'i, “Jisas owagama higililana,” owa'. Ea' emi epen Ambal Bu'unai Godi a'ani, enin ina anona nemaf ni'i basef ni'i, “Jisas Anan Dembinai,” owa'.

Filipai 2:11

mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Jon 4:15

Emi egafis sawalapa basef alihiguma sa'i, “Endilisi, Jisas anan Nogalomana Godi”, God nape la'ifina nalomas, esis wapoti' sape la'ifisa Anan.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.