Basef Amama Pol Nandaꞌam Mafeꞌma Esis Romi 10:2 - Basef Buꞌwami Godi

² Ae' egawa esis andeande' ea' a'i amama. Esis ukup mohafel endilisi sanda' maol la'ifinai ma sila God, ea' esis ina sogawa basef Godi endilisimi andeande', owa'.

Basef Amama Pol Nandaꞌam Mafeꞌma Esis Romi 10:2 Iomraidhean Croise

Jon Nandaꞌafi 16:2

Anona nemaf esis sogalo'mepa ifagw esis Juda sa'i basef sapeimi. Anona nemaf notaga ma emi egafis sehepa pega', esis ukup mondanda' si'i sanda' maol bu'unai Godi. Owa'etin.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 21:28

Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”

Aposel 22:22

Esis Juda same' basef Poli mafe' matagama basef amama ma'i epes isima ina Judaisi. Ea' esis sa'i mehip sa'i, “Epes amama ina mope etap, owa'. Hana ma afuna!”

Aposel 22:3

Ea' Pol na'i, “Ae' Juda. Mama'we ae'akwi kolae wambel Tarsus etap hiagoma Silisia, na'ama ae' ataga dambewe wambel lu'unai anama. Ae' anda' skula dembinai tisa Gameliel ea' nawalipi andeande'ma mi'uli anama hianai amam bafapapa ape'imi. Na'ama ae' okom nohafel la'ifiwi ma aila God si'i ipe' dei' pailana.

Basef Amama Pol Nandaꞌam Mafeꞌma Esis Romi 10:1

Alupipei, okom ae'anai na'iam endilisi anda' betena anona nemaf God nofa' esis Israel nefa'as nokwahomas waf aonai sotanimani.

Basef Amama Pol Nandaꞌam Mafeꞌma Esis Romi 10:3

Esis ukup mahamahasa waf God nanda'anai ma ni'i ape' epes bu'upai. Ea' sanda'am sawalapa waf bu'unai asasinai atona saila mi'uli anama God fowa' naso' Mosesanai. Ea' esis ina safe' owina Goda na'i ape' epes bu'upai, owa'. Ea' Krais nafi'i nataga ea'. Amama atom dei' ape' ina ata' mape owina mi'uli anama, owa'. Anan nafi'i nawalapa amam nematawa emi egafis sembale'efa basef Ananimi dei' God nofalas na'i esis amam nematawa bo'wes andeande'.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

2 Korin 8:3

Ae' egawam ea' awalapam a'iam mandawalap alihim. Amama amamaga kwawie'im ma'omasi esis wilama sose'asam, esis sase'asam. Ea' ina sase'asa amama atom, owa'. Sase'asa anom hiam wapoti. Ea' sataga kwahusi endilisi ma amamaga. Esis saila ukup asasimi atom, ea' dei' sase'asam.

Galesia 1:14

Ae' ikila' epes hiesi Juda alomas aol atona, ikila'asa aila waf esis Juda sanda' lotuma Godi. Enis ina sailana la'ifis ea' ae' ailana la'ifiwi hi'alana. Ea' la'ifiwi endilisi ma aila waf fowa'inai amam akupapa manda'anai. Ae' ailana andeande' endilisi ikila'as.

Galesia 4:15

Fowa' ape alomepa ipe' pandanifel endilisi. Ea' dei' danifel ipe'inai hi'alana. Ea' fowa' ipe' pandanifel endilisi na'ama pa'i ukup ma'i, I'i ipe' la'ifipa, pese'e naep ipe'imi esam.

Filipai 1:9

Ae' anda' betena ipe' a'i ipe' ukup mimila God pendao'oma pila sahin owan hiesi ma waf anama nataga lu'una ma ipe' neloma gawa hianai neloma nomonas bu'wami pegawa basef Godi andeande'.

Filipai 3:6

Ae' okom nohafel la'ifiwi endilisi ma anda' opeh Godi. Fowa' anda' opeha aha esis sios amam nematawa Kristen. I'i epes sowaloge ma waf aila mi'uli anama, ae' ofagema a'e.

Kolosi 4:13

Ae' atowe egawa Epafras, na'ama dei' awalapana a'i anan nanda' maol lu'unai endilisi ma nagiambama ipe' paloma esis amam nematawa wambel anama biefina Laodisia naloma Hierapolis.