Basef Amama Pol Nandaꞌam Mafeꞌma Esis Romi 10:16 - Basef Buꞌwami Godi

¹⁶ Ina Israel hiesi saila basef amama bu'wami Godi, owa'etin. Fowa' profet anama Aisaia na'i na'ama na'i, “Dembinai, anona nemaf emi egafis sembale'ef basef amama esis seme'ama afa'? Owa'etin.”

Basef Amama Pol Nandaꞌam Mafeꞌma Esis Romi 10:16 Iomraidhean Croise

Matyu Nandaꞌafi 13:14

Esis sanda'am na'ama ma anom basef fowa'imi mandawalap endilisi. Basef amama anona profet Aisaia fowa' God na'ipanam nanda'ami ma'iam na'ama ma'i, ‘Ipe' anona nemaf pegehembe' peme' basef, ea' ina pegawa ofagema. Ipe' petologon la'ela'ef, ea' ina piti anom amamaga, owa'.

Jon Nandaꞌafi 10:26

Ea' ipe' ina sipsip ae'ipai, owa'. Ipe' enipa sipsip. Na'ama dei' ipe' ina pembale'efa ae', owa'.

Aposel 28:24

Anom mombale'efana ma basef ananimi, ea' anom owa' mombale'efana.

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 2:8

Ea' enis ukup mapoma esis etis sowa' alafugaha basef endilisimi saila waf aonai. Epes isima anona nemaf God okom wandafuna endilisi nindaiwa'masa waf aonai esis sanda'anai.

Basef Amama Pol Nandaꞌam Mafeꞌma Esis Romi 3:3

Endilisi, enis ina sombale'efa basef amama andeande'. Ea' dei' ata' si'i main? A'i waf anama aonai esis sanda'anai anona nemaf nonda' God nokwaha basef endilisimi Ananimi?

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

Galesia 3:1

Ipe' Galesia ukup masi'ipei. Afa' wawalipipa basef alihima Jisas Krais naga'ma ipe' lawag usi'inai tu'wanainai, wawalipipam alihim endilisi si'i patolom naep ipe'imi. Dei' ata' emi namboma ukup ipe'imi mase'epa?

Galesia 5:7

Fowa' ipe' pape panda' waf bu'unai pailana andeande'. Ea' dei' ata' emi nahopa eafa ipe' ma owa' pila basef endilisimi wapoti? Emi namboma ukup ipe'imi pakwaha basef amama?

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

Hibrui 11:8

Nemaf anama God nofala Abraham nakwaha wambel ananinai nafe' etap God na'i nease'anagoma ea' anan nembale'efana. Amama atom naila basef Godi nafe'. Anan ina nagawa anama neafe'ma, owa'. Ea' anan nembale'efana dei' nafe'.

Hibrui 4:2

Dei' main, ape' wapoti' mame' basef bu'wami Godi si'i fowa' esis Israel same'am. Ea' esis same'am etin, ina sombale'am sailam, owa'. Ea' basef amama bu'wami same'ami ina magiambamas, owa'.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 2:8

Ea' anom basef Godi wapoti' ma'iam ma'i, “Anona nemaf owap anama nonda' enis epes sowa.” Esis sondasisi'ip sowa. Dei' main, esis ina same' basef Godi sailam, owa'. Sosambalom si'i fowa' God nali' nandandepasa sondasisi'ip sowa.

1 Pita 3:1

Basef amama mali'i ma'i ipe' pepe owina dembemi gavman moloma agufumi ipe' panda' opeha amam. Ea' na'ama etin ipe' nematawa paso' amami pepe owina amam wauhupipa ipe'imi. I'i anom owa' ata' mila basef Godi, ipe' pihi'ambama waf bu'unai atona la'ela'ef. Ipe' ina pi'ipam anom basef, owa'. Ea' pihi'ambama miti waf bu'unai ipe' panda'anai, ma amam mila basef Godi mombale'efana.