Basef Amama Pol Nandaꞌam Mafeꞌma Esis Romi 10:15 - Basef Buꞌwami Godi

¹⁵ I'i God owa' nosapa'i amam amama, dei' amam mefe' mowalapam mi'imama? Owa'etin. Si'i Baibel na'i na'ama na'i, “Ahalomafa! Maol anama epes sofa'i basef bu'wami ae'ami sifi'i, anama bu'unai endilisi!”

Basef Amama Pol Nandaꞌam Mafeꞌma Esis Romi 10:15 Iomraidhean Croise

Matyu Nandaꞌafi 9:38

Ipe' pihali' Dembinai ofagonama aofi. Pihali'ana ma nosapa' epes hiesi sefe' sonda' maola sola gwa'aimi ananimi sembe'am etifigin.”

Luk Nandaꞌafi 10:1

Dembinai nandandepa anom alupumi ananimi 72-peleim nasapa'am mafe' biam atom mali'ana mafe'. Anan nasapa'am mafe' taun wambel hiagoma anan na'i neafe'agoma.

Luk Nandaꞌafi 2:10

Ea' ensel anama na'ipam na'i, “Ipe' ina umbamohepa, owa'. Peme', ae' ifa'mipei basef bu'wami ipe', amama monda' amam nematawa hiesi hi'ilas sondanifal endilisi.

Luk Nandaꞌafi 2:14

“Ape' mafela agel God nape gani ilif endilisi lu'una. Pepel howalogon ananinai atona. Ea' epes emi sape etapi God okom bo'ona ma esis, opalef asasimi mope awanem.”

Luk Nandaꞌafi 8:1

Anom nimeguf mafe' ea', Jisas nafe' wambel hiagoma na'ipasa basef bu'wami amam nematawa sape taun anama wambel hiagomai. Na'ipasa basef amama bu'wami ma nambimb siowis wambota Godi numafias. Alupumi ananimi 12-peleim maloma

Jon Nandaꞌafi 20:21

Ea' na'ipafa wapoti' na'i, “Opalef ipe'imi mope awanem. Ae' dei' a'i esapa'epa pefe' pi'ipasa basef Godi si'i Ahalome nasapa'e afi'i a'ipipa.”

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 1:15

Amama atom dei' opaf ae'anai nohafel endilisi ma ewalapa basef bu'wami Godi ma ipe' epes Romipei wapoti'.

Basef Amama Pol Nandaꞌam Mafeꞌma Esis Romi 15:20

Fowa' damba damba afi'i ataga dei' ae' okom na'i endilisi ma enda' maol Godi ewalapa basef Ananimi bu'wami anagon esis ata' owa' sogawa Kraisi. Ae' andaiwa'ma igi' efe' ewalapam anagon enis epes sali' safe' sawalipasam, owa'.

Efesus 2:17

Anan dei' nafi'i na'i basef bu'wami nawalapam na'i, “Dei' ipe' pape opalef etifim paloma God naloma epes.” Anan na'ipipa basef amama fowa' pape laogona God pelolamana, paloma ape' Juda ananipai mape felefele'ma Anan wapoti'.

Efesus 3:8

Endilisi ae' ape falafuwei agi' endilisi ma amam nematawa hiesi Godi. Ea' Anan okom nainaili nagiambame na'a ma anda' maol awalipa esis sololama Godi basef bu'wami ma Krais. Waf anama naloma basef amama bo'om endilisi mikila' gawa epes hiesi, ea' ina la'ifisa sagawa ofagema amama, owa'.

Efesus 6:15

Ea' penda' anona waf bu'unai na'ama. Pendandombam pewalapa basef bu'wami Godi na'i epes somboma opalef sope ukup etifim solomana. Ipe' pefa' waf anama la'ifina pitu la'ifipa si'i esis sala su saitu la'ifis.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.