Basef Amama Pol Nandaꞌam Mafeꞌma Esis Romi 10:1 - Basef Buꞌwami Godi

¹ Alupipei, okom ae'anai na'iam endilisi anda' betena anona nemaf God nofa' esis Israel nefa'as nokwahomas waf aonai sotanimani.

Basef Amama Pol Nandaꞌam Mafeꞌma Esis Romi 10:1 Iomraidhean Croise

Luk Nandaꞌafi 13:34

Jerusalem, Jerusalem, ipe' paha amam profet afumi, pakwaha otamba paha amam God nasapa'am mafe'mai ipe'i, la'ela'ef ae' a'i ekolasa ipe' epes hipei si'i awata numa'inai nowa'ani nogami nakolasom mawis behenagof ananimi. Owa'etin, ipe' pandaiwa'.

Jon Nandaꞌafi 5:34

Ea' dei' ae' ina efala enis epes etapasi ma sowalapa basefa ae' siegiambame, owa'. Ae' a'i God nofa'epa pitanimani pifi'mai anan. Dei' a'i basef amama.

Basef Amama Pol Nandaꞌam Mafeꞌma Esis Romi 10:2

Ae' egawa esis andeande' ea' a'i amama. Esis ukup mohafel endilisi sanda' maol la'ifinai ma sila God, ea' esis ina sogawa basef Godi endilisimi andeande', owa'.

Basef Amama Pol Nandaꞌam Mafeꞌma Esis Romi 9:33

Amama si'i Baibel na'i, “Peme! Ae' ambe' anona owap wambel lu'unai esis Israel agel Saion. Owap anama pepel napaina nohambombaga epes sondasisi'ip sowa. Ea' emi egafis sembale'efa aman anama, anona nemaf esis ina ukup aom, owa'. Sope sondanifel.”