Basef Amama Pol Nandaꞌam Mafeꞌma Esis Romi 1:8 - Basef Buꞌwami Godi

⁸ Ae' a'i ata' ili' i'i basef amama. Ae' anifela God ae'anai ma agel Jisas Kraisi, anifelona ma ipe' wapoti'. Dei' main, esis etap gani hiagoma sa'i basef amama ma ipe' pembale'efana.

Basef Amama Pol Nandaꞌam Mafeꞌma Esis Romi 1:8 Iomraidhean Croise

Matyu Nandaꞌafi 24:14

Ea' anona nemaf esis si'ipasa basef amama bu'wami Godi ma epes hiesi siowis kingdom heveni. Esis si'ipas ganima etap hiagoma hi'ilagon ama amam nematawa hiesi ganima wambel hiagoma ata' sili' seme'am ea' nemaf akutainai notaga.

Luk Nandaꞌafi 2:1

Anona nemaf anona aman gavman dembinai esis Romi Sisar Ogastus nape, nanda' anona mi'uli gavmani na'ama. Anan na'i nofa' agofa esis amam nematawa hiesi sape etap hiagoma esis Rom sumafiagoma mil buk gavmani.

Aposel 11:28

Anona profet esis sofalana sa'i Agabus, Ambal Bu'unai Godi napaina ea' nawalipasa basefa nolomeahas lu'unai nambimb neataga etap wambel anama hiagoma. Anom nimeguf mafe'ma ea', aman anama Klodius nataga nape gavman dembinai esis Rom, nogota anama nolomahas nataga si'i fowa' Agabus na'iam.

Aposel 28:22

Ea' afa' wa'i ome' okom ine'inai atoma malogel ine'inai. Afa' ogawa, wambel hiagoma esis amam nematawa sanda' basef awami ma epes hiesi wambota anama.”

Basef Amama Pol Nandaꞌam Mafeꞌma Esis Romi 10:18

Ea' ae' a'iam na'ama. A'i esis ina same' basef amama bu'wami? Owa'etin. Esis same'am ea', si'i Baibel na'i, “Basef mafe' mandahama wambel hiagoma mafe'agon hi'alagon.”

Basef Amama Pol Nandaꞌam Mafeꞌma Esis Romi 16:19

Ipe' paila God, dei' epes hiesi sogawepa ea'. Amama atom dei' ae' andanifel ma ipe'. Ae' a'i ipe' pegawa waf bu'unai endilisi, ea' ipe' ina pegawa waf aonai, owa'.

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

1 Korin 1:4

Ae' anifela God la'ela'efa ipe'. Dei' main, ipe' pape la'ifipama Krais Jisas ea' God nandahomepa pape andeande'ma Anan atona.

2 Korin 2:14

Ea' dei' afa' wanifela God. Anan la'ela'ef nagiambamafa wape la'ififa waloma Krais ea' wali'amona wandafa waf aonai. Ama maol afa'inai God nawalapa basef ea' enis epes sogawa basef Kraisi. Gawa anama anan si'i alogw bu'wami ma mafe'agon hiagoma.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

Efesus 3:21

Amama atom dei' ape' epes Godi mombale'efana minifela God mefela agel Ananinai lu'una ma Krais Jisas la'ela'ef mofe' mofe' anona nemaf owagama gani. Endilisi.

Efesus 5:20

La'ela'ef pendanifela ahalomapa God ama amamaga hiami ma agel Dembinai ape'inai Jisas Kraisi atona.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 1:3

Maina nemaf ae' okom napoma ipe', anifela God ae'anai ma ipe'.

Kolosi 1:3

Maina nemaf afa' wanda' betena ipe', la'ela'ef afa' wanifela God anan Dembinai ape'inai Jisas Krais Ahalomana. Afa' wanifelona ma pembale'efa Krais andeande'.

1 Tesalonaika 1:2

Nimeguf hiami afa' wanifela God la'ela'ef ma ipe'. Ea' wa'i agof ipe'imi wanda' betena ipe'.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

2 Tesalonaika 1:3

Ipe' Kristen alupipei afa'ipei, afa' wa'i andeande'ma dendel wanifela Goda ipe'. Waf anama bo'ona. Dei' main, bale'ef ipe'inai nataga la'ifina endilisi ea' ipe' hipei atona etin ukup maimailipa atona etin. Ea' waf anama nataga nafe' lu'una endilisi ma ipe'

2 Timoti 1:3

Esis ihase ae'asi saila waf Godi, dei' ae' wapoti' ailana. Ea' malogel nape opaf ae' nomoni ina nihi'ambe anona waf aonai anda'anai, owa'. Beten ae'anai owamb alip la'ela'ef ae' okom napomena anifela God.

Filemon 1:4

Dendel ae' anifela Goda nimeguf hiami a'i agel ine'inai anda' beten.

Hibrui 13:15

Amama atom dei' ape mefela agel Godi lu'una mose'ana danifela la'ela'efa agel Jisasi, monda'am na'ama si'i amamaga bu'wami mondolalimanami. Ape' mondolalimana na'ama. Mose'ana malogof ape'imi Anan ea' mowalapa basefa agel ananinai.

1 Pita 2:5

Ipe' wapoti' si'i owah ambal namunai napaimi. God nape nanda'epa la'ela'efa pataga bo'wepa si'i anona ipat bu'unai ananinai dei' nape nanda'anai. Ama ipe' pepe epes bu'upei penda' maol pindalalima God. Ea' pindalali pese'ana ukup ambagof ipe'imi mofe'ma Anan. Ipe' pindalali penda'am na'ama, okom Godi na'i amama andeande'ma maol anama Jisas Kraisi nanda'anai.

1 Pita 4:11

Emi egafis sowalapa basef, esis si'iam si'i sawalapa basef Godi atom. Ea' emi egafis sonda' maola sigiambama enis epes, esis sonda'ana pepel anama God nase'asanai. Ama epes hiesi siti maol anama hianai bu'unai sondanifel sefela agel Godi ma Jisas Krais atona. Agel lu'unai noloma pepel nafifili hianai Ananinai atona la'ela'ef hihif. Endilisi etis.