Basef Amama Pol Nandaꞌam Mafeꞌma Esis Romi 1:7 - Basef Buꞌwami Godi

⁷ Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

Basef Amama Pol Nandaꞌam Mafeꞌma Esis Romi 1:7 Iomraidhean Croise

Matyu Nandaꞌafi 5:16

Ea' na'ama etin, ipe' penda' waf bu'unai si'i lamifah ipe'imi mape alihima howealama naep esis amam nematawai hiesi siti waf bu'unai ipe' panda'anai ma seafela agel Ahalomepa nape ilifi lu'una.

Jon Nandaꞌafi 20:17

Ea' anan Jisas na'i, “Ina nihapila alop ae'anai, owa'. Dei' main? Ae' ina dei' etanima afe'ma Ahalome gani ilif, ata' owa'. Ine' nefe'ma owape ae'ami ni'ipam ni'i, Ae' etanima elata ilifa Ahalome ae'anai, Ahalomepa ipe'inai. Efe'ma God Dembinai ae'anai, God Dembinai ipe'inai.”

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 9:13

Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem.

Basef Amama Pol Nandaꞌam Mafeꞌma Esis Romi 1:6

Ipe' wapoti' pape paloma amam nematawa isima Kraisi. Ipe' pame' fala Jisas Kraisi ea' pailana pape Ananipei.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Basef Amama Pol Nandaꞌam Mafeꞌma Esis Romi 9:25

Basef amama aman profet Hosea fowa' gani nanda'ami wapoti' ma'i na'ama ma'i, “Esis amam nematawa isima fowa' ina epes ae'asi, anona nemaf i'i epes isima ae'asi, ea' epes isima fowa' ae' owa' okom ninilas ese'asa opaf, anona nemaf okom ninilas.

1 Korin 1:24

Ea' amam nematawa God nofalapai, esis Juda saloma esis Grik wapoti', basef amama ma'i Krais Anan pepel naloma gawa anama Godi.

1 Korin 16:23

Ae' a'i okom Dembinai Jisasi nainaila ipe' nigiambamepa na'a nope nolomago ipe' nonda'epa petaga la'ifipa.

2 Korin 13:14

Ae' a'i Dembinai Jisas Krais niti uwahipipa nigiambamepago na'a ma okom Godi bu'unai nainailipa. Ea' a'i Ambal Bu'unai Ananinai nope noloma ipe' hipei ma pelomana opalef etifim pepe.

Galesia 6:18

Ipe' alupipei, ae' a'i Dembinai ape'inai Jisas Krais nigiambamepa na'a pepe andeande'. Dei' okom Ananinai nope molomago ambagof ipe'imi. Endilisi.

Efesus 1:2

Ae' a'i God ahalomapa ape'inai noloma Dembinai ape'inai Jisas Krais migiambamepa na'a monda'epa petaga la'ifipa pepe opalef awanem.

Efesus 6:23

Ae' a'i God Ahalomepa naloma Dembinai Jisas Krais monda'ago opalef ipe' alupipei hipei pepe etifigin peloma God. Ea' a'i amam mese'epago waf anama ukup maimailasanai neloma bale'ef bu'unai wapoti'.

Filipai 1:2

Afa' biafa wa'i God Ahalomapa ape'inai noloma Dembinai Jisas Krais migiabamepa na'a monda'epa petaga la'ifipa monda' opalef ipe'imi mope awanem.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

Filipai 4:20

God anan Ahalomapa ape'inai. Ea' ape' minifelona mefela agel ananinai lu'una la'ela'ef. Endilisi.

Filipai 4:23

Ae' a'i okom Dembinai Jisas Kraisi nainaila ape'i na'a nope nolomago ipe' la'ela'ef.

Kolosi 1:2

Ea' anda'mepago basef amama mafe'mago ipe' amam nematawa Godi pape wambel Kolosi, ipe' alupipei pape la'ifipa paloma Jisas Krais. Afa' biafa wa'i God ahalomapa ape'inai nigiambamepa na'a nonda'epa pataga la'ifipa ea' nonda' opalef ipe'imi mope awanem.

Kolosi 3:12

God anan nandandepepa ea' pape amam nematawa ananipei okom nainailipa endilisi. Ea' ipe' penda' waf bu'unai na'ama. Ipe' piti epes hiesi uwahipis la'ela'ef pigiambamas penda'as andeande'. Ipe' petalogofa ipe' pepe owina enis epes, penda' waf so'umbilinai ma esis ea' pepe piti esis sonda'mepa waf naninani aonai ipe' ma tol pepe opalef awanem.

Kolosi 3:15

Krais nase'apa opaf awanena ape' ea' opaf anama atona numafi ipe' endilisi. God nofalepa pataga alop etifina nape opalef awanem. Ipe' pinifelona la'ela'ef.

1 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' amam nematawa Godi pape Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape paloma amam ea' amamipei si'ipa. Afa' wa'i God nigiambamepago ipe' na'a nonda' opalef ipe'imi mope awanem.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 1:4

Ipe' Kristen alupipei, God okom nainailipa. Ea' afa' ogawa Anan nosahe'epa ea' Ananipei si'ipa.

1 Tesalonaika 4:7

Dembinai God ina nofalapa ma monda' waf anama aonai, owa'. Anan nofalapa ma mila waf bu'unai andeande'.

1 Tesalonaika 5:28

Afa' wa'iam na'ama wa'i, Jisas Krais nigiambamepa na'a nonda'epa pepe la'ifipa. Ea' ma'um.

2 Tesalonaika 1:2

Ae' a'i ahalomapa God noloma Dembinai Jisas Krais migiambamepa na'a monda'epa petaga la'ifipa ea' mope molomepago mese'epa opalef awanem.

2 Tesalonaika 3:16

Afa' wa'i Dembinai anan ofagonama opaf awanena la'ela'ef nose'epa okom awanena ma mamagoma ipe' pepe peafe'ma. Afa' wa'i Dembinai nope nolomago ipe' hipei.

2 Tesalonaika 3:18

Afa' wa'i Dembinai ape'inai Jisas Krais nigiambamepago ipe' hipei na'a. Ea' ma'um.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

1 Timoti 6:2

Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

2 Timoti 4:22

Ae' a'i Dembinai nope nolomago ambal bu'unai ine'inai nigiambamepa na'a. Ea' ma'um.

Taitus 1:4

Ae' anda' basef amama mafe'mago ine' Taitus. Ine' nembale'efa God na'ama etin si'i ape' hiapai mombale'efana. Amama atom dei' ine' nogalome ae'inai endilisi. Ae' a'i God ahalomapa noloma Krais Jisas anan nofa'apa motanimani, amam biam migiambamena na'a okom ine'inai nope awanena.

Filemon 1:25

Ae' a'i Dembinai Jisas Krais nigiambamepa etin nonda'epa petaga la'ifipa ma waf anama nepe nelomago ambaguf naloma ukup ipe' hipei.

Filemon 1:3

Ae' a'i ahalomapa God naloma Dembinai ape'inai Jisas Krais amam migiabamepa na'a monda'epa la'ifipa monda' opalef ipe'imi mope awanem.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

1 Pita 1:15

God nofala ipe', Anan bo'ona andeande'. Ea' ipe' wapoti' pepe na'ama etin si'i Anan, pepe ananipei etipa andeande' ma fe' pe anama ipe'inai hi'ilana.

1 Jon 3:1

Eh! Ahalomapa God okom nainailapa endilisi. Ea' Anan nofalapa awasi ananipai. Endilisi, ape' awasi ananipai atepa. Isima sandaiwa'ma Godi sape etap anae', esis ina sogawa God, owa'. Amama atom dei' esis ina sagawa ape' wapoti'.

2 Jon 1:3

Ae' a'i Ahalomapa God noloma Jisas Krais Nogalomana Ananinai miti uwahipipa migiambamapa na'a monda'apa la'ifipa ea' monda' opalef ape'imi awanem. Amam biam monda'apa na'ama moloma waf endilisinai noloma waf ukup maimaila sahin owananai.

Revelesen 2:1

Ine' da'a anom basef mofe'ma ensel anama numafi sios amam nematawa Kristen sape Efesusi. Ae' aman ahapila ondowa amama 7-peleim lagel ae'anai da'isinai afe' la'afena gol amama lamifah matomami 7-peleim. Ae' anda'mepago basef amama ipe'.

Revelesen 2:12

Ine' da'a anom basef mofe'ma ensel anama numafi sios amam nematawa Kristen sape Pergamumi. Ae' ahapila bainat launai hi'alina wa'owa'ili. Ea' anda'mepago basef amama ipe' a'i,

Revelesen 2:18

Ine' da'a anom basef mofe'ma ensel anama numafi sios amam nematawa Kristen sape Taiatairai. Ae' nogalomana Godi, naep ae'ami howalagon endilisi si'i nif fandom la'ifim endilisi, bo'wagah ae'ami howalam gambigambis endilisi si'i bras howalagon.

Revelesen 2:29

Ipe' emi egafipa aligah mapaipei peme' andeande' basef amama Ambal Bu'unai Godi nawalapama esis amam nematawa Kristen.

Revelesen 2:8

Ine' da'a anom basef mofe'ma ensel numafi sios esis amam nematawa Godi sape Smernai. Ae' ape Dembiwei la'ela'ef hihif ape ali', ape agi' endilisi. Fowa' aga', dei' ehafel wapoti' ape namowe ambal napaiwe. Dei' anda'mepago basef amama ipe' a'i,

Revelesen 22:21

Ae' a'i Dembinai Jisas nigiambamepa na'a nope nolomepa, ipe' God Ananipei. Endilisi.

Revelesen 3:14

Ine' da'a anom basef mofe'ma ensel anama numafi sios amam nematawa Kristen sape Laodisiai. Ae' ofagewe ma basef endilisimi awalapam mafe' andeande' basef hiami Godi. La'ela'ef awalapam andeande'. Ae' Dembiwei ma amamaga hiami God nanda'am mape ilif etapi maloma epes hiesi wapoti'. Ae' a'ipipago basef amama ipe'.

Revelesen 3:22

Ipe' emi egafipa aligah peme' basef amama andeande' Ambal Bu'unai Godi nawalapama esis amam nematawa Kristen.”

Revelesen 3:7

Ine' da'a anom basef mofe'ma ensel anama numafi sios amam nematawa Kristen sape Filadelfiai. Ae' bu'uwei endilisi dei' ahapila ki ma uta anama fowa' king Devit nahapilanai. I'i Ae' ewisi'ana, anona aman ina la'ifina ma nowalowana, ea' Ae' i'i ewalowana wapoti', nambimb enin epen ina la'ifina niwisi'ana, owa'. Ae' atowe a'ipipago basef amama ipe'.