Basef Amama Pol Nandaꞌam Mafeꞌma Esis Romi 1:28 - Basef Buꞌwami Godi

²⁸ Ukup asasimi atom sandaiwa'ma sembale'efa God. Amama atom dei' nape natilis saila ukup awami asasimi atoma sanda' waf naninani aonai owa' andeande'ma epes seanda'anai.

Basef Amama Pol Nandaꞌam Mafeꞌma Esis Romi 1:28 Iomraidhean Croise

Aposel 17:23

Do'ok ae' afo'o ati amamaga amama ipe' panda' lotumami ea' ati anona otam ipe' panda' ofa panda' lotumanai wapoti', esis sanda' anom basef mail otam anama ma'i na'ama ma'i, ‘god anama ape' owa' mogawa agilinamae.’ Ipe' panda' lotuma anama ipe' owa' pegawa agilinama, dei' ae' awalapa basef alihim a'ipipana.

Aposel 17:32

Esis same' basef amama ma epes sohafel wapoti' hi'agif ea' enis sa'i basef sanda' iafana. Ea' enis sa'i, “Wila, ape' ma'i nambimb mome' basef ine'imi wapoti' ma amamaga amama.”

Basef Amama Pol Nandaꞌam Mafeꞌma Esis Romi 1:18

Dei' owagama wapoti' okom numbutinai Godi nape nafi'i heven notaga nondawalap alihina ma waf hianai aonai epes sanda'anai. Anan nogwamasa nimanimi lu'wami ma epes isima hiesi sowa' alafugaha waf bu'unai Ananinai sanda' waf aonai dei' sahagofa basef endilisimi Ananimi.

Basef Amama Pol Nandaꞌam Mafeꞌma Esis Romi 1:21

Esis sogawa God nape ea' esis ina sogawa sa'i Anan bu'unai endilisi ma sosa'ma agel Ananinai lu'una o sinifelona, owa'. Ukup asasimi mapoma amamaga falafumi atom ea' opalef asasimi ina mataga andeande', owa'. Mataga aom endilisi.

Basef Amama Pol Nandaꞌam Mafeꞌma Esis Romi 1:24

Esis sandaiwa'ma God sowa' alafugahana. Amama atom dei' Anan nakwaha esis ea' ukup asasimi mohafel la'ifim manda'as sanda' waf hianai aonai. Sanda so'a waol sahambombaga alop asasinai.

Basef Amama Pol Nandaꞌam Mafeꞌma Esis Romi 1:26

Ea' God nakwaha esis saila ukup epesi atoma sanda' waf aonai ambagof aomanai. Sanda' waf anama aonai naho'ofa waf daso'amainai. Nematawa waila waf ikiakanai waloma anowa nematawa. Anom amam wapoti' manda'am na'ama etin. Ukup amamumi mohafel endilisi maimaila anom amam malomam monda' waf aonai. Ea' waf anama nahambombaga ukup maloma alop amamunai mandahama waf aonai amam manda'anai.

1 Korin 15:34

Dei' ipe' pekwaha ukup amama masi'ipei, pitanimani ukup mopan andeande'. Ipe' ina penda' waf aonai wapoti', owa'. Ae' enda'epa ambagof aoma anom basef dei' a'ipipami. Enis epes ipe'isi ina dei' sogawa God endilisi, ata' owa' etin. Ofagema amama ipe' etipa.

2 Korin 10:5

Afa' wahagofa nomonas epes isima owa' endilisisi. Ea' waf hianai nasopama eafa epes sa'i sogawa Godi, anama afa' wahagofana wasopamana wapoti'. Ea' afa' wali'amona nomonas hiami ape' epesi ma onda'am bo'om mila okom Kraisi.

Efesus 5:4

Ipe' ina penda' basef awami o basef mamumami awami, o basef salamalimi awami, owa'. Waf anama ina andeande', owa'. Andeande'ma ipe' pinifela God.

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

2 Timoti 3:8

Fowa' Janes naloma Jambris manda' naumbih maloma Moses, mowa' alafugahana. Na'ama etin dei' epes isima sanda' naumbiha basef endilisimi sowa' alafugaham. Ukup asasimi aom endilisi, ea' bale'ef asasinai sambaso'am etin. Esis ina sembale'efa God endilisi, owa'.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

Filemon 1:8

Ea' okom ae'anai na'i na'ama. Endilisi, ae' ape aposel la'ifiwi ma agel Kraisi i'ipina nenda' anona waf bu'unai.

2 Pita 3:5

Ea' ukup amamumi mandaiwa', dei' owa' mogawa amamaga amama, owa'. Amam ina ukup mapoma ma fowa' gani God na'i etina nanda' etap naloma otaga mataga mape, owa'. Anan nanda' etap nataga nape la'afena embel.