Basef Amama Pol Nandaꞌam Mafeꞌma Esis Romi 1:25 - Basef Buꞌwami Godi

²⁵ Dei' main, esis ukup maso'asa basef Godi endilisimi ea' sagi'ma basef baso'maimi atom maho'ofa basef endilisimi Ananimi. Ea' sanda' lotuma amamaga amama God nanda'ami, ea' Anan, sesambalona. God Anan bu'unai ofagonama amamaga amama hiami, ape' mafela agel ananinai lu'una la'ela'ef endilisi.

Basef Amama Pol Nandaꞌam Mafeꞌma Esis Romi 1:25 Iomraidhean Croise

Matyu Nandaꞌafi 10:37

Emi egafis ukup maimaila ahapas mamasas asasisi etis ma owa' ukup mimila ae', epes isima ina setaga alupisi ae'asi endilisi, owa'. Ea' emi egafis ukup asasimi mohafel mimila awasi asasisi, ma owa' ukup mimila ae', isima ina setaga alupisi ae'si, owa'.

Matyu Nandaꞌafi 6:24

Ina enin epen la'ifina nanda' maol nihapila maol biefina amam dambami biam, owa'etin. Na'ama okom nila anona, anona nesambalona. Ea' anan neme' basefa anona, anona nowa' alafugahana. Ea' na'ama etin, ipe' ina la'ifipa pepe owina God noloma wiga hianai moni hianai, owa'etin.

Jon Nandaꞌafi 2:8

Ea' na'ipam na'i, “Dei' nelai tu'wanim pefa'am pefe' pese'anam aman numafi gwa'aimi.” Ea' mofa'mana embel mafe'.

Basef Amama Pol Nandaꞌam Mafeꞌma Esis Romi 1:18

Dei' owagama wapoti' okom numbutinai Godi nape nafi'i heven notaga nondawalap alihina ma waf hianai aonai epes sanda'anai. Anan nogwamasa nimanimi lu'wami ma epes isima hiesi sowa' alafugaha waf bu'unai Ananinai sanda' waf aonai dei' sahagofa basef endilisimi Ananimi.

Basef Amama Pol Nandaꞌam Mafeꞌma Esis Romi 1:23

Ea' sase'ana alafugaha God owa' neaga'i naloma agel lu'unai Ananinai. Esis ina sanda' lotumana sanifelona, owa'. Sambala lawah maim falafumi atom mataga god baso'omainai asasinai mandati si'i amiguf, mafis, iguf maim maloma epes owa' seape namusi la'ela'efi, ea' sanda' lotumam sanifelom.

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

2 Korin 11:31

God, anan God Dembinai Jisasi Ahalomana wapoti', ape' mefela agel ananinai la'ela'ef! Anan nogawa basef amama do'ok ali' a'iami ina ambaso'am, owa'.

Efesus 3:21

Amama atom dei' ape' epes Godi mombale'efana minifela God mefela agel Ananinai lu'una ma Krais Jisas la'ela'ef mofe' mofe' anona nemaf owagama gani. Endilisi.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

1 Timoti 1:17

Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.

2 Timoti 3:4

Ea' sonda' alupusi asasisi sofe'ma lagof naumbih. Ea' esis mehip sila waf aonai asas sanda'anai, ukup mopoma esis etis si'i dembesi. Ea' ukup maimaila danifel naninani aonai endilisi ma alop asasinai atona. Esis ina ata' ukup mi'i God, owa'.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.