Basef Amama Pol Nandaꞌam Mafeꞌma Esis Romi 1:21 - Basef Buꞌwami Godi

²¹ Esis sogawa God nape ea' esis ina sogawa sa'i Anan bu'unai endilisi ma sosa'ma agel Ananinai lu'una o sinifelona, owa'. Ukup asasimi mapoma amamaga falafumi atom ea' opalef asasimi ina mataga andeande', owa'. Mataga aom endilisi.

Basef Amama Pol Nandaꞌam Mafeꞌma Esis Romi 1:21 Iomraidhean Croise

Jon Nandaꞌafi 3:19

Basef ofagema ma kot lu'unai anama na'ama. Howalagon nafi'i nataga etap anae', ea' esis ukup maimaila waf anama etapanai atona si'i sape owamb, sandaiwa'ma howalagon. Dei' maina esis sandaiwa'? Esis sanda' waf aonai na'ama dei' sandaiwa'.

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Basef Amama Pol Nandaꞌam Mafeꞌma Esis Romi 1:19

Dei' main, waf hianai Godi ina nandambaho', owa'. Maina waf dende' ma gawa epesi God nihi'ambasana nataga alihina nandawalap.

Basef Amama Pol Nandaꞌam Mafeꞌma Esis Romi 1:28

Ukup asasimi atom sandaiwa'ma sembale'efa God. Amama atom dei' nape natilis saila ukup awami asasimi atoma sanda' waf naninani aonai owa' andeande'ma epes seanda'anai.

Basef Amama Pol Nandaꞌam Mafeꞌma Esis Romi 11:10

Ae' a'i naep asasimi motaga walufuma ina nambimb siti. Ae' a'i ine' nenda' nimanimi mindiwa alafugah asasimi ma la'ela'ef sope na'ama etin.”

Basef Amama Pol Nandaꞌam Mafeꞌma Esis Romi 15:9

Krais nanda' maol anama ma nagiambama esis sololama Godi owa' Judaisi wapoti' sogawa God na'i esis uwahipisa sefela agel ananinai lu'una, si'i Baibel na'iam na'i. David na'ipa God na'i, “Anona nemaf ae' ewalapa basef i'i agel ine'inai ma enis epes owa' Judaisi sololama ine'i. Ea' enda' anom awalef efela agel ine'inai.”

2 Timoti 3:2

Nimeguf amama epes ukup mopoma esis etis, ea' ukup mimila otamba atom, sefela agof asasimi atom, sototopa' basef, sonda' epes findiwasa God. Ea' sosambala basef mamasasi ahapas asasisi. Esis ina sinifela Goda waf bu'unai, owa'. Sosambala waf bu'unai.

1 Pita 1:18

Ipe' pegawa fowa' ipe' ata' pape panda' waf aonai wafinai pefa'ana bafasepa ehasepa ipe'isi. Ea' dei' God natalipa natagahipa ma waf anama aonai. Anan ina natalipa ma amamaga anona nemaf motaga aom higililam si'i otamba bu'wami siliwa gol, owa'.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

Revelesen 14:7

Anan noga na'i mehip na'ama na'i, “Nogota nataga ea' ma God nowaloga epes hiesi ma kot. Ipe' umbamehepa ma Anan pila basef ananimi, pefela agel ananinai. Ipe' penda' lotuma God, Anan nanda' heven naloma etap naloma naoh embel maloma embel amama hiami mataga etap owini.”

Revelesen 15:4

Dembinai, ine' etina nape bo'wena. Dei' emi egafis owa' umbamahasa ine'? Owa'etin. Hiesi umbamahasa ine' sanda' lotu ma ine' etina. Emi egafis owa' sefela agel ine'inai? Owa'etin. Epes wambotagw hiami ma etap hiagoma anona nemaf sifi'i sonda' lotu ma ine' etina. Dei' main, waf bu'unai ine'inai nataga alihiguma nandawalap.”