Basef Amama Pol Nandaꞌam Mafeꞌma Esis Romi 1:16 - Basef Buꞌwami Godi

¹⁶ Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 1:16 Iomraidhean Croise

Mak Nandaꞌafi 8:38

Ae' ataga epen endilisiwei. Amam nematawa dei'isi sanda' waf aonai sakwaha sombale'efa God. Emi egafis ambagof aoma ae' sondafa'me eloma basef ae'ami, anona nemaf ae' wapoti' ambal aona epes isima endafa'mas nemaf anama ae' ifi'i eloma amamaga bu'wami la'ifimi mafifili Ahalomei elomai amam ensel bu'wami Godi wapoti'.”

Luk Nandaꞌafi 9:26

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

Jon Nandaꞌafi 7:35

Ea' amam Juda atom manda'ipama ma'i, “Aman anama na'i nefe' eti ma afa' weagolopana? Anan nambimb nefe'ma esis Juda afa'isi saloma esis Grik sapoma ea' niwalipa esis Grik, a' amon?

Aposel 3:26

Ea' God nandandepa aman anama nanda' maol ananinai, nasapa'ana nali' nafi'mai ipe' ma nonda'epa petaga la'ifipa ma pemboma opalef atona etin pekwaha waf aonai ipe' panda'anai.”

Basef Amama Pol Nandaꞌam Mafeꞌma Esis Romi 10:17

Ape' mogawa, ape' hiapai mame' basef bu'wami ea' amama atom mafela bale'ef ape'inai. Ea' dei' basef amama mataga maina eaf? Amama mataga amam mawalapa basef Kraisi atom.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Basef Amama Pol Nandaꞌam Mafeꞌma Esis Romi 15:29

Ae' egawa nemaf anama efe'mago ipe', amamaga bu'wami Kraisi mope si'ima ae' efo'o etagamepa i'ipipam.

Basef Amama Pol Nandaꞌam Mafeꞌma Esis Romi 2:9

Epes isima hiesi sanda' waf aonai anona nemaf nimanimi lu'wami motagamas. Esis Juda sili' ea' isima owa' Judaisi wapoti' sigi' solomas.

Basef Amama Pol Nandaꞌam Mafeꞌma Esis Romi 4:11

Fowa' gani Abraham nali' nembale'efa God nofalana epen bu'unai. Ea' nagi' natopa' alop. Waf anama natopa' alopanai anona ikwaf God nihi'ambana na'ama na'i nemaf anama ata' owa' neatopa' alopanai God na'i anan epen bu'unai. Amama atom dei' anan nataga akunamas epes hiesi sombale'efa Godi owa' seatopa' alopi. Esis sembale'efa God atona dei' nofalas epes bu'wasi.

1 Korin 15:2

Ae' a'ipipa basef amama bu'wami. I'i ipe' pembale'am andeande', God nofa'epa pitanimani. I'i owa', pembale'am ina pailam.

1 Korin 2:2

Dei' main, okom ae'anai na'i na'ama. Nemaf anama ae' ape alomepa ina ata' okom napoma anom basef, owa'. Okom nase'e ma anom amamaga. Ae' okom napoma Jisas Krais atona, Anan naga' lawag usi'inai tu'wanainai.

1 Korin 2:4

Ea' basef a'iama basef bu'wami Kraisi, amama ina a'iama gawa ae'anai aloma epesa efa'ipei, owa'. Ae' ihi'ambepa pepel Ambal Bu'unai Godi atona.

1 Korin 9:12

Ipe' pase'am amamaga anom amam mawalipipa basef Godi, ea' afa' dei' wape wa'imama? Afa' wapoti' pese'afa amamaga ipe'imi, andeande'. Dei' main, afa' wali' wanda' maol wagiambamepa. Ea' amamaga amama afa' wa'i aho'ma ofa'ami, afa' ina ofa'am, owa'. Fowa' dambadamba afa' wali' wafe'mago ipe' wafi'i wafi'i wataga dei', afa' wandaiwa'ma owahopa eafa basef bu'wami Kraisi. Amama atom afa' wandaiwa'ma ofa'am. Amama atom dei' nimanimi hiami matagamafa.

1 Korin 9:18

Owagama efa' maima anama anda'anai? Ae' efa' amamaga amama bu'wami na'ama. Ae' anda' waf anama bu'unai atona. Amamaga ae' wila ma efa'ama maol anama, amama ina efa'am, owa'. Ae' awalapa basef bu'wami Godi ase'asam na'a. Ae' ina efalasa amamaga otamba maima sese'e si'i mi'uli Godi na'iam, owa'.

2 Korin 2:12

Fowa' Dembinai nanda' eaf nafe' ae' afe' ataga wambel Troasa awalapa basef bu'wami Kraisi.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 9:13

Waf anama ipe'inai nandawalap alihiguma nihi'amba epes hiesi ma ipe' paila basef Godi andeande'. Ea' enis epes wapoti' sefela agel Godi lu'una ma ipe' paila basef bu'wami Kraisi pawalapama pagiambama esis saloma enis epes wapoti' hi'alas.

Galesia 1:7

Basef bu'wami Godi amama atom. Ina anom basef wapoti', owa'. Dei' maina a'ipipa basef amama? Ae' egawa enis epes samboma basef bu'wami Kraisi ma ukup ipe'imi dei' sanda' ipe' ukup mololaepa.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 1:16

Ae' anda' betena Dembinai ma ata' niti Onesiforus naloma wambota ananinai uwahipis. Dei' main, anan la'ela'ef nanda' okom ae'anai nape andeande'. Anan ina ambal aona ma ae' anda' kalabus, owa'.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

Hibrui 4:12

Dei' main, basef God na'iami ambal namunai napaim, ea' la'ifim la'ela'ef mape. Amama hi'alim endilisi mikila' bainat hi'alinai wa'owa'ol mapisila epes mawis nomon endilisi. Basef amama mawis mafe' la'afena ukup maloma ambagof asasimi mondowatanimama mafe' mawala nigis maloma gonat la'afen. Ea' mawaloga opalef maloma ukup ape'imi nomon.

1 Pita 4:16

Ea' i'i ipe' pefa' nimanimi ma pataga Kristen, andeande'. Ipe' ina ambagof aoma amama pefa'am, owa'. Ipe' pinifela Goda pepan epes Kraisi.