Basef Amama Pol Nandaꞌam Mafeꞌma Esis Romi 1:15 - Basef Buꞌwami Godi

¹⁵ Amama atom dei' opaf ae'anai nohafel endilisi ma ewalapa basef bu'wami Godi ma ipe' epes Romipei wapoti'.

Basef Amama Pol Nandaꞌam Mafeꞌma Esis Romi 1:15 Iomraidhean Croise

Matyu Nandaꞌafi 9:38

Ipe' pihali' Dembinai ofagonama aofi. Pihali'ana ma nosapa' epes hiesi sefe' sonda' maola sola gwa'aimi ananimi sembe'am etifigin.”

Mak Nandaꞌafi 14:8

Maol anama akwa'w kwogawana, kwanda'ana. Felefele'ma nambimb esis sehe ega' ma sowe hi'agif. Okom ako'unai napoma felefele'ma ae' ega'. Na'ama dei' kofa'ai sanda amama kwafi'i kwakolo'am mowala balaga ae'anai kwakolo'am mowala alop ae'anai ma kwandondomba ae' ma seawe.

Jon Nandaꞌafi 4:34

Ea' Jisas nawalapem basef na'ipam na'i, “Gwa'aimi ae'ami amama. God nasapa'e afi'i. Dei' ae' a'i ila okom ananinai atona enda' maol ananinai efe' embefana hi'ilana. Maol anama si'i gwa'aimi ae'ami.

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Basef Amama Pol Nandaꞌam Mafeꞌma Esis Romi 10:15

I'i God owa' nosapa'i amam amama, dei' amam mefe' mowalapam mi'imama? Owa'etin. Si'i Baibel na'i na'ama na'i, “Ahalomafa! Maol anama epes sofa'i basef bu'wami ae'ami sifi'i, anama bu'unai endilisi!”

Basef Amama Pol Nandaꞌam Mafeꞌma Esis Romi 12:18

Ipe' ina ukup mi'i wandaf, owa'. I'i ipe' la'ifipa, pepe opalef etifim pelomas hi'ilas.

Basef Amama Pol Nandaꞌam Mafeꞌma Esis Romi 15:20

Fowa' damba damba afi'i ataga dei' ae' okom na'i endilisi ma enda' maol Godi ewalapa basef Ananimi bu'wami anagon esis ata' owa' sogawa Kraisi. Ae' andaiwa'ma igi' efe' ewalapam anagon enis epes sali' safe' sawalipasam, owa'.

1 Korin 9:17

I'i okom ae'anai atona enda' maol anama Ananinai, owagama efa' otamba ma maol anama. Owa'etin. Ae' owa' anona eaf, anda'am etin. Dei' main, anama anona maol God nase'eana ae' anda'anai.

2 Korin 8:12

I'i ipe' penda'am na'ama God natolom na'i waf bu'unai ma okom ananinai. Ea' amamaga a'ipei, hapaimi. God nogawam.