Basef Amama Pol Nandaꞌam Mafeꞌma Esis Romi 1:14 - Basef Buꞌwami Godi

¹⁴ Ae' wiaf notaome ma igiambama epes hiesi sombale'efa Krais. Wiaf anama na'ama. Krais natalowe maol lu'unai dei' ae' egwamana igiambama epes isima hiesi ma sogawa waf bu'unai Godi. Epes gawaisi soloma isima gawa a'asi wapoti'.

Basef Amama Pol Nandaꞌam Mafeꞌma Esis Romi 1:14 Iomraidhean Croise

Matyu Nandaꞌafi 11:25

Nemaf anama Jisas na'iam na'ama na'i, “Ahalome, ine' Dembinai ma ilif etapi. Ine' nambaho' amamaga amama ma esis epes gawaisi sofa' gawa lu'unai, ea' nambomam nihi'ambasam epes isima gawa a'asi falafisi isima sape si'i awasi.

Luk Nandaꞌafi 10:21

Nogota anama atona Ambal Bu'unai Godi nawalapa danifela opaf Jisasi ea' Jisas na'i, “Ahalome, ine' Dembinai ma ilif etapi. Ae' afela agel ine'inai anifelina. Dei' main? Ine' nambaho' amamaga amama ma esis epes gawaisi sofa' gawa lu'unai, ea' nambomam nihi' ambasam epes isima gawa a'asi falafisi isima sape si'i awasi. Ahalome, okom ine'inai na'i, ea' amama atom.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 28:2

Epes sape wambel anamai sanda'mafa waf bu'unai endilisi. Asaf nalai ea' nomanamb mafa. Ea' sakata nif sa'ipa afa' hiafai wafe' wapoma nif.

Aposel 28:4

Ea' esis amam nematawa wambelisi sati yul anama nana' lagel Poli nail, esis sa'i, “Endilisi, aman anama naha epes saga'i. Anan ina afuna naoh embel, owa'. Ea' god anama ape'inai nagwa waf andeande'i nandaiwa'ma nope ambal namunai wapoti.”

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 1:22

Esis aligah maso'as sa'iam sa'i, “Ape' mogawai,” ea' esis sataga ukup mahaga magaola waf bu'unai.

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

Basef Amama Pol Nandaꞌam Mafeꞌma Esis Romi 12:16

Ipe' ukup mopoma sahin owan ipe'isi hi'ilas pepan opalef etifim pelomas, si'i ukup mapoma ipe' etipa. Ipe' ina ukup mi'i ipe' etipa pi'i dembipei, owa'. Pefe' peloma epes isima falafisi. Ipe' ina ukup mi'i ipe' etipa gawaipei, owa'.

Basef Amama Pol Nandaꞌam Mafeꞌma Esis Romi 13:8

Ipe' ina pewaola anona wiafa moni main notaol ama enin epen, owa'. Ea' anona wiaf atotona notaol ma ape' la'ela'ef. Wiaf anma ukup ipe'imi mimila sahin owan hiesi. Dei' main, emi egafis ukup maimaila enis epes, esis saila mi'uli anama Godi endilisi.

Basef Amama Pol Nandaꞌam Mafeꞌma Esis Romi 16:19

Ipe' paila God, dei' epes hiesi sogawepa ea'. Amama atom dei' ae' andanifel ma ipe'. Ae' a'i ipe' pegawa waf bu'unai endilisi, ea' ipe' ina pegawa waf aonai, owa'.

Basef Amama Pol Nandaꞌam Mafeꞌma Esis Romi 8:12

Ipe' alupipei wambota Kraisi, anom basef magi'ma amama ma'i Krais natalepa ma maol lu'unai dei' ape' anona wiaf ata' notaomapa ma mila okom Ambal Bu'unai Godi. Ea' ape' wiaf a'apa ma mofe' mila opaf anama apinai, owa'.

1 Korin 14:11

I'i ae' owa' egawa basef ofagema enin epen na'iami, atuwasi anan okom nopoma ae' ni'i ae' epen a'i anona diga anona wambel. Ea' ae' wapoti' okom napoma enin, i'i na'i anona diga anona wambel.

1 Korin 14:16

I'i ipe' pinifela Goda ukup ipe'imi atom, ama epen owa' nefa' presen anama bu'unai Ambal Godi nasi'ipanai, dei' anan negawa ni'imama ma beten anama ipe'inai ma nie'i endilisi? Owa'etin. I'i ipe' penda' beten pi'i basef bu'wami endilisi, ina pigiambama epen inima netaga la'ifin, owa'. Dei' main, anan ina negawa basef amama ipe'imi, owa'.

1 Korin 2:13

Basef amama ina gawa epesi sa'ipiam, owa'. Amama basef Ambal Bu'unai Godi nawalapameam. Dei' a'ipasa basef amama awalapam a'iama Ambal Bu'unai Godi awalipa epes isima Ambal Godi napaisi.

1 Korin 3:18

Na'ama ipe' pembaso'ma ipe' etipa. I'i emi egalin ipe'inai okom ni'i enin gawaini si'i epes etapasi sofalasi, epen inima andeande'ma nemboma okom ananinai ata' netaga okom nahaga nagaolani nili' ma nambimb netaga epen gawaini endilisi.

2 Korin 10:12

Afa' ukup hiahiam dei' wandaiwa' ma wi'i afa' wandati na'ama etin si'i epes safela agof asasimi atom lu'wami, owa'. Epes isima sawaloga waf asasinai ma ikwaf ukup asasimi atom. Ea' sawalogam na'ama. Esis isima owa' sogawai, ukup mololasi.

2 Korin 11:19

Ipe' hipei gawaipei etipa. Ea' ipe' ukup mohafel endilisi pa'i aho'ma esis ukup mololasi sa'ipepa basef mamumami falafumi ma ipe'.

Kolosi 3:11

Ea' dei' Krais atona Dembinai nape nali'ma epes hiesi. Esis Grik saloma esis Juda saloma enis owa' Judaisi, esis anona diga, isima sape aolopi sololama waf bu'unai, agufisi, agof a'asi, waf sa'iana epes isima falafunai atona. Krais atona Dembinai nape nali'ma epes isima hiesi, nape nomona epes hiesi hi'alas.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

Taitus 3:3

Ine' negawa fowa' ape' wapoti' owa' ukup bo'om, ape' mosambala basef ea' Satan nambaso'mapa. Ape' mape owina waf naninani aonai opalef mohafema waf aonai ma alop nandanifel. Ape' mafe' maloma waf anama ukup aoma enis epes ma kowalapama amamaga asasimi. Esis sofala ape' naumbih asasipai ea' ape' wapoti' manda' naumbih malomas.