Basef Amama Pol Nandaꞌam Mafeꞌma Esis Romi 1:13 - Basef Buꞌwami Godi

¹³ Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis.

Basef Amama Pol Nandaꞌam Mafeꞌma Esis Romi 1:13 Iomraidhean Croise

Jon Nandaꞌafi 12:24

Ae' a'ipipa basef endilisimi, i'i olelemb witimi owa' mowa etap nomon, olelemb amama mo'oh etifim. Ea' i'i mowa mowala etap nomon, wila amama motaga molo mil hiami.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 4:36

Emi egafis sela' gwa'aimi, esis sefa' otamba ma maol anama sanda'anai. Ea' sowa'ani gwa'aimi amama ambal namunai napeimi mope la'ela'ef. Ea' epes isima sawami saloma enis sala'ami sonda'kolas etifigin sondanifel.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 15:12

Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 21:19

Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.

Aposel 28:14

Wambel anama afa' wati enis Kristen. Ea' sa'ipafa wape walomas wik si'inai. Wape ea' wafe' Rom.

Basef Amama Pol Nandaꞌam Mafeꞌma Esis Romi 1:12

Amama na'ama. Ae' a'i bale'ef ae'anai nigiambama ipe' ea' bale'ef ipe'inai nigiambama ae' nenda' ae' etaga la'ifiwi. Amama monda'apa motaga la'ifipa opalef ape'imi na'ama etin.

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

Basef Amama Pol Nandaꞌam Mafeꞌma Esis Romi 7:1

Ipe' alupipei, ipe' pegawa mi'uli ma waf daso'amainai ea'. Ea' pegawa andeande'ma basef amama dei' a'ipipami. Nogota anama epen ata' nape namin, enin ata' nape owina mi'uli anama.

1 Korin 1:10

Ipe' sahin owan, a'ipipa basef la'ifimi ma agel Dembinai ape'inai Jisas Krais na'ama. Ipe' pepe wambota atona endilisi pepe opalef etifim. Penda'am na'ama ma ipe' pepe andeande' opalef etifim endilisi ma ipe' ina pendawal biefipa.

1 Korin 10:1

Alupipei, ae' andaiwa'ma ipe' ukup mose'epama amamaga amama. Esis bafasapa hiesi Israel sape owina elagw amama mali'as safe' ea' hiesi safe' bo'wagah asasimi sowala sambo naoh embel akwahimi

1 Korin 12:1

Ipe' alupipei, ae' a'i enda'mepago basef amama ma presen amamaga bu'wami Ambal Bu'unai Godi naso' ipe' atona etinami. Dei' main, andaiwa'ma enipa ipe' ukup mololaipa ma amama.

1 Korin 14:20

Ipe' alupipei, ipe' ina pepe ukup motamea si'i awasi, hapaimi. Waf aonai, ipe' ukup bo'om motamea andeande' ukup mose'epam si'i awasi. Ea' nomonas ipe'imi motaga si'i epes dembesi.

1 Korin 14:26

Ipe' alupipei, dei' basef amama akutaimi ae'ami mape na'ama. Nemaf anama pendowa'anima, presen anama hianai Ambal Bu'unai Godi nasi'ipanai napoma ipe' hipei na'ama. Enin epen nenda' anona awaf, enin epen ni'i anom basef Godi niwalipipa, enin epen God nase'ana anom basefa nowalapam, ea' enin epen negawa ma ni'i anona diga, ea' enin epen negawa ma nemboma basef ma diga anama. Ipe' penda' amamaga amama hiami ma pigiambama esis amam nematawa Godi sotaga la'ifis.

1 Korin 9:2

I'i enis epes ukup ma'i ae' ina aposel, hapaisi. Ipe' wila. Ipe' pembale'efa Dembinai pape la'ifipama Anan. Amama atom dei' ipe' etipa si'i anona ikwaf nihi'ambepa pegawa ae' ape aposel anda' maol Dembinai.

2 Korin 1:8

Ipe' alupipei, afa' wa'i ipe' ata' pegawa nimanimi enis epes sase'afam gani etap hiagoma Esia. Nimanimi amama lu'wami endilisi ea' mahagofa afa', mikila' pepel afa'inai. Ea' afa' ukup ma'i endilisi nambimb afa' oga'.

2 Korin 2:14

Ea' dei' afa' wanifela God. Anan la'ela'ef nagiambamafa wape la'ififa waloma Krais ea' wali'amona wandafa waf aonai. Ama maol afa'inai God nawalapa basef ea' enis epes sogawa basef Kraisi. Gawa anama anan si'i alogw bu'wami ma mafe'agon hiagoma.

Galesia 3:15

Ipe' Kristen sahin owan, a'i i'ipipa anom basef womun etina waf ape' manda'anai. I'i anom amam mi'i anom basef la'ifimi endilisim atom, ina enin epen la'ifina nehape'am nowataniam, owa'. Mope la'ifim la'ela'ef.

Galesia 6:18

Ipe' alupipei, ae' a'i Dembinai ape'inai Jisas Krais nigiambamepa na'a pepe andeande'. Dei' okom Ananinai nope molomago ambagof ipe'imi. Endilisi.

Filipai 1:22

I'i ata' epe namowe la'ela'ef etap anae', nambimb enda' opeh bu'wami Godi. Ea' ae' ata' ila maina eaf? Ae' ina egawa.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

1 Tesalonaika 2:18

Ea' dei' wa'i ofe'mago ipe'. Ae' Pol anda'am nimeguf hiami a'i efo'o, ea' Satan nahopamafa eaf.

1 Tesalonaika 4:13

Ipe' sahin owan, afa' wa'i ipe' pegawa andeande'ma amam nematawa isima saga'i. Na'ama opalef ipe'imi ukup mimilas pelomas si'i isima sololama God sanda'am. Esis owa' sogawa ma sope sohafa nemaf anama saga'i sotanima sohafel wapoti' hi'agilif.

2 Tesalonaika 2:7

Ipe' pegawa dei' pepel anama nosambala mi'uli Godi ata' nanda' opeh nandambaho' nape. Anama ata' napoma mondahama nogota anama aman anama nili'akwa eaf ananinai nofe'

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.