Basef Amama Pol Nandaꞌam Mafeꞌma Esis Romi 1:11 - Basef Buꞌwami Godi

¹¹ Ae' okom na'i endilisi ma anona nemaf efo'o ietilipa ma enda'epa petaga la'ifipa ease'epa anom amamaga bu'wami Ambal Godi nasi'ipam etini.

Basef Amama Pol Nandaꞌam Mafeꞌma Esis Romi 1:11 Iomraidhean Croise

Aposel 16:5

Ea' dei' esis Kristen sombale'efa Jisasi sataga la'ifis endilisi ea' wambota esis Kristeni sataga sandanda nimeguf hiami sataga hias endilisi.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 19:6

Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami.

Basef Amama Pol Nandaꞌam Mafeꞌma Esis Romi 1:12

Amama na'ama. Ae' a'i bale'ef ae'anai nigiambama ipe' ea' bale'ef ipe'inai nigiambama ae' nenda' ae' etaga la'ifiwi. Amama monda'apa motaga la'ifipa opalef ape'imi na'ama etin.

Basef Amama Pol Nandaꞌam Mafeꞌma Esis Romi 15:23

Ea' dei' maol ae'anai hi'alana na'ae. Afagof hiami ae' okom na'i endilisi ma efe'mago ipe'.

Basef Amama Pol Nandaꞌam Mafeꞌma Esis Romi 15:29

Ae' egawa nemaf anama efe'mago ipe', amamaga bu'wami Kraisi mope si'ima ae' efo'o etagamepa i'ipipam.

Basef Amama Pol Nandaꞌam Mafeꞌma Esis Romi 15:32

I'i God ni'i a'e, efo'o etagamepa epe endanifel endilisi elomepa ata' epoma noma'w mope opalef awanem.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

2 Korin 1:15

Ae' egawa endilisi basef ali' a'ipipami ma waf bu'unai ipe'inai. Ea' fowa' ali' anda' okom na'i efe'mago ipe' igiambamepa bifa ata' pegawa waf Godi wapoti'. Ea' ae' ina afo'o.

2 Korin 1:21

God atona nanda'afa wataga la'ififa, ipe' wapoti', ea' mape la'ifipa paloma Jisas Krais. Anan nanda'mapa ikwaf ananinai ape' nosahe'apa ma mope ananipai atepa ea' nase'apa Ambal Bu'unai Ananinai nape nomon opalef ape'imi. Ambal anama God nase'apanai nali' ma amamaga tu'wanim hiami bu'wami God na'i anona nemaf nease'apami.

2 Korin 11:4

Dei' main, enis epes safi'i satagama ipe' sawalapa basefa anona Jisas, anan ina Jisas anama afa' wawalapa basef wa'ianai, owa'. Ea' ipe' dei' pefa' anona ambal, ina Ambal Bu'unai Godi fowa' ipe' pefa'anai, owa'. Ea' ipe' pefa' anom basef, ina basef amama bu'wami Godi pefa'ama afa', owa'. Epes isima safi'i sambaso'mepa sa'i anom basefa anona Jisas la'afena ipe', ea' pa'i aho'ma epes isima pandagalamas pa'i basef asasimi bu'wami.

2 Korin 9:14

Ea' esis nambimb ukup mimilipa endilisi ma sonda' betena ipe'. Dei' main, esis sogawa waf Godi nagiambamepa na'a nape lu'una endilisi ma ipe'.

Filipai 1:8

Ae' a'iam endilisi ma naep Godi. Anan nogawa dahowe Krais Jisasi nafela ae' ea' okom nohafel endilisi nainailipa ma iti ipe' hipei.

Filipai 2:26

Opaf ananinai nalef endilisi ma na'i nitilipa. Ea' anan okom nimanima ipe' pame' basefa awes nanda'ana.

Filipai 4:1

Dei' ipe' alupipei ae'ipei, ae' okom nainailipa a'i itilipa ea' pape laogona ae'. Ofagema ma andanifel, andanifel ma ipe' etipa si'i agel lu'unai amamaga bu'wami anona nemaf efa'ami. Ipe' pitu la'ifipama Dembinai si'i basef ali' a'ipipami.

1 Tesalonaika 3:13

Wa'i ipe' penda' waf anama ma God nonda'epa petaga la'ifipa opalef ipe'imi. Ama anona nemaf Dembinai ape'inai netambel nifi'i nulumai esis hiesi sambale'efanai sape andeande' ma ipe' pepe bo'wepa andeande' basef a'epa ma naep Godi ahalomapa ape'inai.

2 Tesalonaika 2:17

Ea' dei' afa' wa'i amam biam monda'epa petaga la'ifipa migiambamepa penda' waf bu'unai hianai ma pi'ipasa basef bu'wami hiami.

2 Tesalonaika 3:3

Ea' Dembinai naila basef ananimi andeande' nanda' amamaga ananimi andeande' ma nonda'epa petaga la'ifipa numafipa ma aman aonai owa' la'ifinama nomboma opalef ipe'imi

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.

2 Pita 1:12

Endilisi, ipe' pegawa amamaga amama ma basef amama mali'i pembale'efam la'ifipa ma basef amama endilisimi paitu la'ifipamam. Owa'etin, ae' a'i ata' i'ipipa efela ukup ipe'imi ma pilam andeande'.