Basef Amama Pol Nandaꞌam Mafeꞌma Esis Romi 1:1 - Basef Buꞌwami Godi

¹ Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 1:1 Iomraidhean Croise

Mak Nandaꞌafi 1:14

Nemaf anama amam manda' Jon nanda' kalabus, Jisas nafe' etap hiagoma Galili nanda' maol nawalapa basef bu'wami Godi na'ipasam

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Jon Nandaꞌafi 15:15

Epen agel a'ani dembinai ananinai ina na'ipana basef alihima maol anan nienda'anai, owa'. Ea' ae' a'ipipa basef hiami Ahalome ae'anai na'ipiami. Na'ama dei' ae' ina efalepa epes falafipei agof a'ipei, owa'. Ae' efalepa alupipei endililsi.

Jon Nandaꞌafi 15:20

Ipe' ukup mopoma basef amama ae' a'ipipa emi andeande'. Basef amama ma'i Ae' Dembiwei ipe'iwei ma'i epen agel a'ani nanda' opeh etini, enin ina nape ilifa dembinai ananinai, owa'. Ae' sali' sanda'me waf aonai, ea' nambimb esis sonda'mepa waf aonai, sonda'epa awepa wapoti'. I'i esis sila basef ae'ami, nambimb esis siela basef ipe'imi wapoti'. Owa'etin.

Aposel 13:9

Ea' aman anama Sol, sofalana Poli, anan pepel la'ifinai Ambal Bu'unai Godi napainai. Ea' anan natiti Elimas na'ipana na'i,

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 21:40

Ea' soldia anama na'i aho'mana na'i. Pol naitu bulasan anama, nafela lagel nanda'ana de'inda' ma esis amam nematawa sosopama malogof. Ea' Pol na'ipasa basef diga Hibrui.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 22:7

Ea' ewa etap ame' anona maf na'i na'ama na'i, ‘Sol, Sol, dei' maina ine' nahambombaga ae'?’

Aposel 26:1

Ea' Agripa na'ipa Pol na'i, “Dei' ine' negwa basef amama amam mambaso'mena.” Pol nafela lagel na'i basef ananimi na'i,

Aposel 26:14

Afa' hiafai wa'oh etap ea' ae' ame' anona malogel na'i diga Hibrui na'i, ‘Sol, Sol, dei' maina ine' nanda' maol nahambombaga ae'? Ine' nanda' maol naha anama ina negawa. Dei' nefa' nimanimi bolam si'i anona naha bulmakau ananimi bolam nanindinama nafe' andeande'.’

Aposel 27:23

Dei' maina ae' egawa amama? Ae' aman Godi anda' lotuma anani. Do'ok owamb anona ensel Ananinai nafi'i naitu felefele'ma ae'

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 11:13

Dei' ese'epa anom basef ipe' etipa owa' Judaipei. God nasapa'e afe'ma anda' maola esis owa' Judaisi si'i ipe'. Ea' andanifela maol anama bu'unai dei' anda'anai.

Basef Amama Pol Nandaꞌam Mafeꞌma Esis Romi 15:16

Ea' anan nanda'e ape anda' maola Krais Jisas anda'am la'afena esis sololama Godi owa' Judaisi. Anda' maol si'i amam mondolali ma Godi awalapa basef bu'wami ananimi. Ae' a'i efa'ai epes isima owa' Judaisi sifi'mai Anan ea' Ambal Bu'unai Ananinai nonda'as sotaga epes Godi etis bo'wes andeande' ese'anas Anan si'i ofa anan okom na'iami endilisi.

Basef Amama Pol Nandaꞌam Mafeꞌma Esis Romi 15:29

Ae' egawa nemaf anama efe'mago ipe', amamaga bu'wami Kraisi mope si'ima ae' efo'o etagamepa i'ipipam.

Basef Amama Pol Nandaꞌam Mafeꞌma Esis Romi 16:18

Esis ina sanda' maola Dembinai ape'inai Kraisi, owa'etin. Saila ukupa alop asasinai atona. Sanda' basef atom usiusihimi ma sambaso'ma opalef sa'ipa epes isima owa' sogawa andeande' waf aonai o bu'unai.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

1 Korin 1:1

Ae' Pol aposel Jisas Kraisi anda' maol ananinai. Okom Godi atona nofale nandandepe anda' maol anama. Ae' aloma owalomapa Sostenes wape na'ae wasapa' danifel ma nemaf bu'unai nefe'mago ipe' amam nematawa Kristen pape Korin. Ea' anda' basef amama mafe'mago ipe'. Ipe' pape la'ifipa paloma Krais Jisas, God nanda'epa pape bo'wepa nofalepa nosahe'epa ea' Ananipei etipa. Afa' biafa wase'epa danifel ma ipe' paloma epes hiesi ma wambel hiagoma sofala agel Dembinai ape'inai Jisas Krais, Anan Dembinai ma ape', esis wapoti'.

1 Korin 9:1

Dei' ae' a'i ihali'ipa efela ukup ipe'imi. Ipe' pa'i ae' ape wafifiwi ape aposel ati Dembinai Jisas ea' o owa'? Ae' anda' anama atona dei' ipe' pataga Kristen, o owa'? Endilisi.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

2 Korin 11:5

Ipe', peme'e! Ae' ina okom na'i ae' gawa a'e ape la'afena amam “aposel amama ipe'imi mali'i,” owa'.

2 Korin 11:7

Ipe' pegawa nimeguf amama ae' awalapa basef bu'wami Godi ma ipe', ae' ina efa' anom otamba ma amama, owa'. Anda' waf anama anda' ae' afe' owin afela ipe'. Dei' main? A'i waf anama anda'anai aonai o bu'unai?

2 Korin 12:11

Basef amama aho'ma'iami amama basef falafalafumi a'iam si'i epen okom nololani. Ea' ipe' pefela ae' dei' a'iam na'ama. I'i ipe' pefela agel ae'anai, anama waf bu'unai. Owa'etin. Endilisi, ae' epen falafuwei, ea' ina afe' owina amam amama “Aposel ipe'imi” mali'i, owa'etin.

2 Korin 2:12

Fowa' Dembinai nanda' eaf nafe' ae' afe' ataga wambel Troasa awalapa basef bu'wami Kraisi.

2 Korin 4:5

Dei' main, afa' ina wawalapa basefa afa' ofela agof afa'imi lu'um, owa'. Afa' wawalapama Krais Jisas atona anan Dembinai. Afa' waila waf Jisasi dei' agof a'afa wape owina ipe' wanda' maol wagiambamepa.

Galesia 1:1

Ae' Pol aposel Jisas Kraisi anda' basef amama. Ina anona aman nandandepe ma enda' maol aposel, owa'. Ahalomapa God nafela Jisas Krais nohafel hi'agif amam atom mosahe'e ma ape aposel awalipasa basef Godi.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

Efesus 4:11

Anan atona nase'apa presen bu'unai na'ama. Anom amam nandandepama manda' maol aposel, anom nandandepama manda' maol profet. Ea' anom nandandepama manda' maola mefe' mi'ipasa basef bu'wami Kraisi epes hiesi. Ea' anom nase'ama gawa mope pasto tisa mumafi esis Kristen mawalipasa basef bu'wami Godi ma monda' esis amam nematawa Kraisi sotaga la'ifis.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 2:11

mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

Kolosi 1:1

Ae' Pol, okom Godi atona nandandepe aposel anda' maol Krais Jisasi. Ae' aloma owalome ae'anai Timoti wape na'ae.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

1 Tesalonaika 2:8

Afa' ukup maimailipa endilisi. Ea' wase'epa basef bu'wami Godi. Ina wa'ipipa basef atom, owa' wase'epa opalef endilisi ma ipe'. Ea' wandandombam ma oga' wigiamabamepa.

1 Tesalonaika 2:9

Endilisi ipe' alupipei pegawa amama, afa' wanda' maol mehipa wawalapa basef bu'wami Godi ma ipe'. Ea' wanda' maol wapoti' umafi alop afa'inai ma gwa'aimi maim. Wanda' maol owamb alipa ina opoma ipe' etipa ma ofa' gwa'aimi maima ipe', owa'.

1 Timoti 1:1

Ae' Pol anda' basef amama. God nofa' ape' motanimani mope andeande' ea' mape mohafa anona nemaf miti Krais Jisas mope molomana. Amam biam mandandepe ma'ipi basef la'ifimi ma ape aposel Krais Jisasi.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

2 Timoti 1:11

Anan nali' nandandepe anda' maol anama awalapa basef bu'wami Godi ma epes hiesi. Ae' aposel God nasapa'e awalapa basef Ananimi, ae' tisa dembiwei anda' maol Jisasi.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Hibrui 5:4

Maol anama nondolalima Godi nofa' agel lu'unai. Ea' ina anona aman la'ifina ma nanda' maol anama na'i okom ananinai atona, owa'. God nali' nofalana, ea' nanda' maol anama, si'i fowa' nofala Aron.

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

1 Pita 4:17

Nogota anama mataga ea' ma dei' God nowaloga epes hiesi Ananisi ma basef lu'wami. I'i God nili' nowaloga ape' mili', anona nemaf nigi' nowaloga epes isima sosambala basef bu'wami Ananimi sope si'imama? Esis sofa' nimanimi lu'wami.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Revelesen 1:1

Fowa' gani basef amama mape mandambaho' ea' dei' Jisas Krais nanda'am mandawalap alihim. God nase'anam Jisasa nowalapam nihi'ambapa anom manda'mana opeh Godi ma mowalapa amamaga mape mandambahi'i motaga ulal. Anan nase'e gawa afa' wanda' opeha Anan ma amamaga amama. Ea' dei' nasapa' ensel ananinai nafi'mai ae' Jon. Ae' dei' anda'mana maol Godi, ea' Anan nase'e basef amama ae' wapoti'.

Revelesen 22:6

Ea' ensel anama na'ipi na'ama na'i, “Basef amama hiami mape buk anae' endilisimi atom andeande'ma epes hiesi sombale'efam. Dembinai God naso' Ambal Bu'unai Ananinai amam profet. God Anan nasapa'ai ensel Ananimi ma mihi'amba esis sanda' maola Anani ma amamaga amama felefele' meatagai.”

Revelesen 22:9

Ea' ensel anama na'ipi na'i, “Ine' owa' nenda'am na'ama, owa'. Ae' ina dembiwei, owa'. Ae' alomena wandao'oma wanda' opeh etini waloma sahopena ine'imi profet fowa'imi maloma epes isima hiesi saila basefa buk anae'. Ine' nenda' lotu ma God atona.”