Mak Nandaꞌafi 9:7 - Basef Buꞌwami Godi

⁷ Ea' anom elagw maofeniam. Ea' anona malogel na'i natagai elagw amama na'i basef na'i, “Anan Nogalome ae'anai, Ae' okom nohafel nainailana endilisi. Ipe' peme' basef ananimi.”

Mak Nandaꞌafi 9:7 Iomraidhean Croise

Matyu Nandaꞌafi 27:43

Anan nembale'efa God na'iam na'i, ‘Ae' nogalomana Godi.’ Ea' i'i God okom ninilana, anan nigiambamana.”

Matyu Nandaꞌafi 27:54

Kepten anama dembinai numafi soldia hiami naloma amam soldia mape mumafi Jisasi mati amamaga amama. Nogota anama mati amamaga mataga etap nasol etin napan, umbamaham endilisi ma'i, “Endilisi, aman anama nogalomana Godi.”

Matyu Nandaꞌafi 3:17

Ea' anona maf na'i natagai heven na'i anom basef na'i, “Aman anama Nogalome ae'anai endilisi. Ae' okom nainailana endilisi. Okom ae'anai bo'ona ma anan.”

Mak Nandaꞌafi 1:11

Ea' anona maf na'i natagai heven na'i anom basef na'i, “Ine' nogalome. Ae' okom nainailina endilisi. Okom ae'anai bo'ona endilisi ma ine'.”

Mak Nandaꞌafi 9:8

Dei' atef alupumi Jisasi wanom matologon mehip ganigani, ina mati enin epen, owa'. Mati Jisas atona naitu nalomam.

Luk Nandaꞌafi 3:22

Ea' Ambal Bu'unai Godi nisila'i si'i amil mai'una nufia' nisilamanai. Ea' anona malogel na'i natagai heven ilif na'i anom basef na'i, “Ine' Nogalome ae'inai. Ae' okom nohafel nainailina endilisi. Okom ae'inai bo'ona ma ine'.”

Jon Nandaꞌafi 1:34

Ae' atolona endilisi awalapa basef alihima anan a'iam a'i, anama anan Nogalomana Godi endilisi.”

Jon Nandaꞌafi 1:49

Ea' Nataniel nagwamana na'i, “Dembinai Tisa, ine' nogalomana Godi endilisi. Ine' dembinai King ape' Israeli.”

Jon Nandaꞌafi 12:28

Ahalome, ine' nenda'ama epes hiesi sefela agel ine'inai lu'una.” Ea' anona maf na'i nataga heven na'i, “Ae' anda'ama sefela agel ae'anai notaga lu'una, ea' atuwasi enda'ana notaga lu'una wapoti'.”

Jon Nandaꞌafi 19:7

Ea' amam Juda magwamana basef ma'i, “Anan na'i anan Nogalomana Godi. Ea' mi'uli afa'inai na'i anan noga'.”

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 5:18

Ea' amam Juda ukup wandafum endilisi ma'i mohana neaga'. Amam ma'i anan nosambala basefa mi'uli ma nemaf anama Sabat sapoma noma'wanai. Ea' Jisas na'iam wapoti' na'i God anan ahalomana ananinai endilisi. Ea' amam ma'i, “Anan na'i anan nataga na'ama etin si'i God.”

Jon Nandaꞌafi 5:37

Ahalome nasapa'e afi'i, anan atona nawalapa basef ofagema ma ae'. Fowa' gani pafi'i pataga dei' ipe' ina pati Anan pame' maf ananinai, owa'.

Jon Nandaꞌafi 6:69

Afa' ombale'efa ina ea' ogawa endilisi ine' aman Godi bu'unai endilisi, nasapa'ena nafi'i.”

Jon Nandaꞌafi 9:35

Ea' Jisas name' basefa amam magalo'mana nape ande' ea' nagolopana natolona nahali'ana na'i, “Ine' nembale'efa aman anama nataga epen endilisinai?”

Aposel 1:9

Jisas na'i basef amama hi'alam, esis ata' saitu satiligini etin, sati Anan nandegia nakwaha etap nalata ilif. Ea' anom elagw mofa'ana mafe' ea' ina satolona wapoti', owa'.

Aposel 7:37

Moses aman anama ma'una anan na'ipa esis Israel na'i, ‘Anona nemaf God nosapa' anona sahalomepa ipe'inai nonda'ana nope profet si'i ae'.’

Aposel 8:36

Amam biam mafe', matagama anona dumb. Ea' aman anama na'ipa Filip na'i, “Niti dumb notah anama. Ine' na'i a'e ma ae' efa' baptais?”

Hibrui 2:1

Jisas nikila' amam ensel endilisi. Amama atom dei' ape' mombale'efa basef amama Ananimi mame'am bo'om milam endilisi. Na'ama ape' motanima mokwahom.

2 Pita 1:17

Nemaf anama afa' wape walomana halaf anama, wati Anan nofa' agel lu'unai naloma pepel howalagon bu'unai ma lagel Ahalomana Godi. Nemaf anama anona malogel na'i nataga God napoma nafi'mai Jisas na'i, “Anama Nogalome Ae'anai okom nainailana endilisi. Okom Ae'anai bo'ona ma Anan.”

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.

Revelesen 1:7

Piti, Anan la'ifinai anona nemaf nifi'i noloma otaga esis hiesi sotolona naep asasimi ea' epes isima fowa' sahana wamba'wi sotolona wapoti'. Amama atom esis amam nematawa hiesi sape etapi sotolona sogawa solopana kwapete'as ma waf aonai esis sanda'anai. Amama anona nemaf motaga na'ama. Endilisi.