Mak Nandaꞌafi 9:25 - Basef Buꞌwami Godi

²⁵ Ea' Jisas nati amam nematawa hiesi safi'i saitu salipana felefele', na'ipa ambal anama aonai mehip na'i, “Ine' ambal aonai nasopama aligahi malogel awani inima, ine' nekwaha so'uso'win inima nefe'. Netanima niefi'mani owa'.”

Mak Nandaꞌafi 9:25 Iomraidhean Croise

Matyu Nandaꞌafi 12:22

Nemaf anama esis sofa'ai anona aman ambal aonai nawisanai safi'mai Jisas. Naep mase'ana malogel ananinai nase'ana, ea' Jisas nanda'ana bo'ona, na'i andeande' naep mati natologon nafe' andeande'.

Matyu Nandaꞌafi 17:18

Ea' Jisas nagaola ambal anama aonai ea' nakwaha aman inima so'uso'win ea' dei' etef nataga bo'ona.

Mak Nandaꞌafi 9:15

Amam nematawa isima hiesi sati Jisas nafi'i, sohafel gegelalasis kwapete'as, sasagih safe'ma Anan sanifelona.

Mak Nandaꞌafi 9:24

Ea' ahalomana ma nogalomana anama na'ipa Jisas na'i, “Ae' embale'efa ine' kwaukwawie'. Dei' nigiambame ma eambale'efena la'ifiwi endilisi.”

Mak Nandaꞌafi 9:26

Ea' ambal anama aonai nakoto'an mehip nakwahin nandahi' nafe'. Ea' awani inima nandati si'i naga'i ea' hiesi satilin sa'iam na'ama sa'i, “Enin naga' ea'.”

Luk Nandaꞌafi 11:14

Ea' Jisas nogalo'mana ambal aonai nape nasopama malogel anona amani. Nafa' nafe', ea' aman anama ambo'ona noga na'i. Ea' esis amam nematawa hiesi ukup matamea ma aman anama nataga bo'ona.

Luk Nandaꞌafi 4:35

Ea' Jisas ninifalona na'ama na'i, “Ine' aonai awinai sopama malogel kwaha aman anama.” Ea' ambalip anama nakwahona nowa etap la'afena esis hiesi nawisi nafe', ina ata' nahambombagana wapoti', owa'etin.

Luk Nandaꞌafi 4:41

Ea' ambagof awami hiami makwaha esis hiesi mawisi mafe' ea'. Ambagof amama awami mofalana mehip ma'i, “Ine' nogalomana Godi.” Amam mogawa anan Krais, God nandandepana nasapa'ana nafi'i. Ea' Jisas ninifalom na'i ina ata' mi'i anom basef, owa'. Mosopama malogof.

Luk Nandaꞌafi 9:42

Nogalomana ata' nafi'i etin, ambal anama aonai naolana nafe' nowa etap nakoto'ana kwapete' endilisi. Ea' Jisas ninifala ambal aonai nanda' aman anama so'uso'win bo'ona ea' nase'anan notanima nafe'ma ahalomana ananinai.

Aposel 16:18

La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!” Ea' dei' atef ambal anama nakwaha akwa'w ea' nafe'.

Basef Ifimba Jut Nandaꞌafi 1:9

Ea' amam ensel mape ilifi, amam ina ma'i basef findiwaimi si'i amam amama, owa'. Ensel anama dembinai nape nali'i Maikel wapoti' ina nanda' basef findiwama enis epes na'ama, owa'. Fowa' anan na'i basef nandahihianamam naloma Satan, ma'i anona nemaf emi nofa' alop Mosesi. Ea' Maikel ina nagwamana basef Satan nanda'ana findiwana, owa'. Anan nagwamana basef na'ipana na'i, “Dembinai atona nogwamenam.”