Mak Nandaꞌafi 9:23 - Basef Buꞌwami Godi

²³ Ea' Jisas na'ipana na'i, “Dei' maina ine' nahali'i na'ama? Emi epen nembale'efa Ae' endilisi, enin la'ifina nenda' opeh bu'wami mamumami hiami.”

Mak Nandaꞌafi 9:23 Iomraidhean Croise

Jon Nandaꞌafi 11:40

Ea' Jisas na'ipakw na'i, “Fowa' ali' a'ipina dei' i'ipina wapoti', i'i ine' nembale'efa ae', atuwasi niti nafifili pepel Godi.”

Hibrui 11:6

Epes owa' sembale'efa God, esis ina nambimb sila okom Ananinai, owa'. Dei' main, emi egafis si'i sefe' felefele'ma God, esis sombale'efana sogawa endilisi Anan nape namunai la'ela'ef. Ea' sembale'efana ma God nose'as amamaga bu'wami epes isima sagolopana endilisi.

Mak Nandaꞌafi 11:23

Endilisi ae' a'ipipa, emi egafis owa' ukup bimbiefim mopeis ma esis ukup etifim sembale'a basef Ae'ami endilisi si'ipa halaf nani si'i, ‘Ine' degia nefe' newala naoh,’ endilisi God nambimb nonda'am motaga si'i esis ukup ma'iam.

Matyu Nandaꞌafi 17:20

Ea' na'ipam na'i, “Bale'ef ipe'inai ata' sa'ona, Amama atom dei' ipe' ina la'ifipa, ata' owa'. A'e, ae' a'ipipa endilisi, i'i bale'ef ipe'inai so'ona, nendahama si'i nalelef sa'umi mastetimi lawag, nambimb ipe' pi'ipa halaf nani pi'i, ine' degia nefe' newala gani wa'ol, nendegia nefe'. Ipe' pembale'efa ae' la'ifipa, na'ama dei' la'ifipei ma penda' maolan hianai naninani. [

Luk Nandaꞌafi 17:6

Ea' Dembinai na'ipam na'i, “I'i bale'ef ipe'inai so'ona nendahama si'i nalelef sa'umi mastetimi lawag, nambimb ipe' pi'ipa lawag nanima su'utip mailanai pi'i, ‘Ine' degia neloma ofagena nefe' newala naoh embel nomon,’ ea' nila basef ipe'imi.”

Aposel 14:9

Ea' anan name' Pol na'i basef ea' Pol natolona titi nogawana na'i aman anama nembale'efa Goda notaga bo'ona wapoti'.

Mak Nandaꞌafi 9:22

Nimeguf hiami ambal aonai nakwahin newala nasef nif fandumi, o newala embel na'i nohan afin. I'i ina la'ifinai, niti ape' owahipipa nigiambamapa.”

Mak Nandaꞌafi 9:24

Ea' ahalomana ma nogalomana anama na'ipa Jisas na'i, “Ae' embale'efa ine' kwaukwawie'. Dei' nigiambame ma eambale'efena la'ifiwi endilisi.”

Matyu Nandaꞌafi 14:29

Ea' Jisas na'ipana na'i, “Ine' fi'i.” Ea' Pita nakwaha bot natoma nafe' embel ilif nafe'ma Jisas.