Mak Nandaꞌafi 9:22 - Basef Buꞌwami Godi

²² Nimeguf hiami ambal aonai nakwahin newala nasef nif fandumi, o newala embel na'i nohan afin. I'i ina la'ifinai, niti ape' owahipipa nigiambamapa.”

Mak Nandaꞌafi 9:22 Iomraidhean Croise

Matyu Nandaꞌafi 14:31

Ea' mehip etin Jisas nowasa' lagel nahapilana na'ipana na'i, “Ine' owa' nembale'ef la'ifina ni'i ae' la'ifiwei, owa'. Dei' maina ine' nomonas mape biefim?”

Matyu Nandaꞌafi 17:15

na'ipana na'i, “Dembinai, ine' ni'i uwahipina so'uso'win aman ae'anai. Enin ambal aonai nanda'ana name' nimanimi lu'wami endilisi ma alop ananinai. La'ela'ef ambal anama nanda'ana newala nasef nif fandumi nafe' nowala embel la'ela'ef.

Matyu Nandaꞌafi 20:34

Ea' Jisas nati amam owahipim nasa lagof ananimi naep amamumi, ea' dei' etef amam biam mati andeande' wapoti', ea' magi'ma Jisas mafe'.

Matyu Nandaꞌafi 8:2

Ea' anona aman awasinai alop nambo'anai nafi'i felefele'ma Jisas nindiwa nembawa notawa felefele' ma anan na'ipana mehip na'i, “Dembinai, i'i ine' ni'i a'e, nenda' ae' etaga bo'owe.”

Matyu Nandaꞌafi 9:28

Ea' Jisas nafe' nawis anota ipat nomon, ea', amama mafi'mai anan nahali'am na'i, “Ipe' pembale'efa ae' la'ifiwei ma enda'epa bo'wepa?” Ea' amam ma'i, “A'e, Dembinai afa'inai.”

Mak Nandaꞌafi 5:19

Ea' Jisas ina na'i, owa'. Ea' na'ipana na'i, “Ine' nefe'ma esis wambota atona ine'inai ni'ipasa amama Dembinai nanda'minami nati uwahipina ma nanda'ena bow'ena.”

Mak Nandaꞌafi 9:21

Ea' Jisas nahali' ahalomana na'i, “Nogalomena ine'inai, awes anama nanda'an nape nimeguf ma'um?” Ea' anan na'ipana na'i, “Fowa' ata' awani nape la'ela'ef na'ama etin.

Mak Nandaꞌafi 9:23

Ea' Jisas na'ipana na'i, “Dei' maina ine' nahali'i na'ama? Emi epen nembale'efa Ae' endilisi, enin la'ifina nenda' opeh bu'wami mamumami hiami.”

Luk Nandaꞌafi 7:13

Dembinai nati akwa'w, okom ananinai na'i uwahipi'w ea' na'ipakw na'i, “Ine' nelef owa'.”