Mak Nandaꞌafi 8:12 - Basef Buꞌwami Godi

¹² Ea' Jisas name' ambal ananinai nemanina ea' na'i, “Dei' maina ipe' amam nematawa dei' pape etap anae' pa'i piti anona ikwaf la'finai? Ae' owa'etina enda'ana pitolona, owa'.”

Mak Nandaꞌafi 8:12 Iomraidhean Croise

Matyu Nandaꞌafi 12:38

Ea' nemaf anama anom mawalipasa mi'uli Godi maloma anom Farisi mahali'ana ma'i, “Tisa dembinai, afa' wa'i ine' nenda' anona ikwaf la'ifinai si'i God nanda'anai ma afa' ata' otolona.”

Matyu Nandaꞌafi 16:4

Ipe' epes hiesi amam nematawa dei' pape etap anae' panda' waf aonai pewa' alafugaha God. Dei' pa'i piti anona ikwaf la'ifinai. Ea' ae' owa'etina enda'ana potolona, owa'. Ikwaf anama la'ifinai fowa' God nihi'amba profet Jona atona nambimb ihi'ambepana ipe'.” Jisas na'ipam ea', nakwahom nafe'.

Mak Nandaꞌafi 3:5

Ea' Jisas nafela naep natilis tulif ea', nogawa esis opalef mase' sandaiwa'ma seme' basef. Na'ama okom ananinai wandafuna ma esis. Ea' nati esis uwahipis na'ipa aman anama lagel ananinai naga' nailanai na'i, “Dowa lagel ine'inai usi'ina.” Ea' nandowanai nataga bo'ona wapoti'.

Mak Nandaꞌafi 6:6

Amam nematawa wambel Nasaretisi owa' sembale'efa Anan. Na'ama Anan nomonas matamea mafe'. Ea' Jisas nakwaha wambel ananinai Nasaret nafe' na'ipasa basef Godi amam nematawa wambel hiagoma nape felefele'i.

Mak Nandaꞌafi 7:34

ea' Jisas naniga nati heven ilif, okom Ananinai nataga mehip, na'iam na'ama diga Hibrui na'i, “Efata.” Basef ofagema amama ma'i, “Ine' aligah mogal neme' basef ni'iam andeande'.”

Mak Nandaꞌafi 8:13

Ea' nakwaha amam notanima nalata bot nafe' fisana.

Mak Nandaꞌafi 9:19

Ea' Jisas nagwamama basef na'ama na'i, “Ipe' amam nematawa owa' pembale'efa ae'. Nimeguf ma'um ae' ata' epe elomepa? Nimeguf ma'um wapoti' ma efa' nimanimi ipe'imi? Ipe' fa'an pifi'mai ae'.”

Luk Nandaꞌafi 19:41

Ea' Jisas nataga felefele'ma Jerusalem natologon nalopagon. Nalopa esis amam nematawa sape taun anamaisi.