Mak Nandaꞌafi 7:4 - Basef Buꞌwami Godi

⁴ Esis safe' maket setanima sifi'i, ma owa' sesa'opa lagof, ina sea' gwa'aimi, owa'. Esis saila mi'uli hianai naninani si'i mi'uli anama sofa'ana akupas asasisi. Sasa'opa kahi sospas, dis saloma belegw atom ama saila mi'uli akupasi.

Mak Nandaꞌafi 7:4 Iomraidhean Croise

Matyu Nandaꞌafi 23:25

Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' amam malogof biamipei! Ipe' pandombasa kap plet ande'ama atom bo'om. Ea' nomon owa'. Ipe' opalef si'ipama waf sanda' walanai naloma waf anama alop atonai aonai.

Matyu Nandaꞌafi 23:26

Ipe' Farisi, naep masi'ipei! Ipe' ata' pili' pendombasa kap malep nomonam muli' ma nambimb ande'ema wapoti' meataga bo'om.

Matyu Nandaꞌafi 27:24

Ea' Pailat nogawa basef ananimi ina la'ifim nahianas, owa'. Na'ama esis sohafel sonda' wandaf lu'unai. Ea' Pailat nolai embel nasa'opa lagof ananimi ma naep esis amam nematawa hiesi nihi'ambas na'iam na'i, “Ae' ina ati ofagema owa'etina eha aman anama noga', owa'. Ofagema amama ipe'imi atom.”

Mak Nandaꞌafi 7:8

Ea' Jisas na'ipam wapoti' na'i, “Ipe' pakwaha mi'uli Godi ea', dei' paila waf epes sape etapi atona la'ifipa.”

Jon Nandaꞌafi 2:6

Anom maloh lu'wami ma'oh felefele' ma anama. Maloh amama esis Juda saila mi'uli Godi sasa'ofami. Maloh amama wanom wanom otamba sanda'ami si'i dram lu'wami.

Jon Nandaꞌafi 3:25

Ea' amam alupumi Joni ma'i anom basef mape la'afena amam maloma anona aman Judainai. Amam ma'i basefa waf anama esis Juda sasa'of sowando' alogwa seape bo'wesa naep Godi.

Hibrui 9:10

Waf anama sondolalimana ofagema amama. Waf sa' gwa'aimi embel naloma waf sasa'of ma sotofa alogw awami sotaga bo'wesa naep Godi. Amamaga amama alop ando' atona, God nase'as mi'uli anama ma silam la'ela'ef sefe' sotagama nogota anama noho'ofa amamaga dambaimi.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.