Mak Nandaꞌafi 6:6 - Basef Buꞌwami Godi

⁶ Amam nematawa wambel Nasaretisi owa' sembale'efa Anan. Na'ama Anan nomonas matamea mafe'. Ea' Jisas nakwaha wambel ananinai Nasaret nafe' na'ipasa basef Godi amam nematawa wambel hiagoma nape felefele'i.

Mak Nandaꞌafi 6:6 Iomraidhean Croise

Matyu Nandaꞌafi 4:23

Ea' Jisas nafe' etap hiagoma Galili, nafe' na'ipasa basef bu'wami Godi amam nematawa hiesi nomon ifagw esis Juda sa'i basef sapeimi. Basef bu'wami anan na'ipasami amama ma'i, “Nemaf anama bu'unai nafi'mai ipe'. Ama ipe' hipei piowis kingdom heveni.” Ea' nanda' epes hiesi awes naninani nanda'asi sataga bo'wes wapoti'. Awes main naninani nanda'asi, Jisas la'ifina nanda'as sataga bo'wes.

Matyu Nandaꞌafi 8:10

Ea' Jisas name' basef ananimi okom natanea na'ipa amam nematawa hiesi saila anan safi'i na'i, “Endilisi etis ae' a'ipipa! Soldia dembinai anama anan ina ipe' Israelinai. Ea' dei' anan nembale'efa ae'. Ina anona aman Israelinai nombale'efa ae' na'ama, owa'etin. Anan nikila' ipe' Israela nembale'efa ae' la'ifina.

Matyu Nandaꞌafi 9:35

Maol Jisas nanda'anai nape na'ama. Anan nohafel nafe' wambel hiagoma na'ipasa basef bu'wami Godi. Nafe' nawis ifagw esis Juda sa'i basef sapeimi na'ipasa siowis kingdom heveni. Anan nagiambama amam nematawa hiesi awes hianai naninani nanda'asi sataga bo'wes wapoti'.

Mak Nandaꞌafi 1:39

Na'ama nase'asa basef nafe'agon hi'alagon wambel hiagoma etap hiagoma Galili, nase'asa basef bu'wami nomon ifagw esis Juda sa'i basef sapaimi natofamasa ambagof awami mape enis epesi mandahi' mawisi mafe'.

Mak Nandaꞌafi 10:1

Ea' Jisas nakwaha wambel anama nafe' anona etap hiagoma Judia nambo walemb Jordan gani fisana. Ea' amam nematawa hiesi safi'mai Anan wapoti', nase'asa basef si'i la'ela'ef nawalipasam.

Luk Nandaꞌafi 13:22

Jisas nafe' wambel hiagoma lu'wagoma sa'ogoma nape felefele'ma eaf nafe' Jerusalemi nawalipasa basef esis amam nematawa, ea' nafe' okom na'i nefe' Jerusalem ea' nafe'.

Luk Nandaꞌafi 4:31

Ea' Jisas niliana Kaperneam anona taun nape etap hiagoma Galili. Anan nape ea' nemaf anama Juda sapoma noma'wanai sa'i Sabat, anan nawis nomon ipat esis Juda sa'i basef sapeinai nawalipasa basef Godi.

Luk Nandaꞌafi 4:44

Ea' nafe' nawalapa basef Godi ifagw esis Juda sai basef sapeimi nawalapam nafe' etap hiagoma Judia.

Jon Nandaꞌafi 9:30

Ea' anan nagwamama basef na'i, “Amama amamaga maim? Ipe' ina pegawa anan nataga eti, ea' anan nanda' naep ae'ami mati.

Aposel 10:38

Basef amama, basef Jisas Nasaretinai. God nandandepana na'ama. Anan nase'ana Ambal Bu'unai Ananinai naloma pepel lu'unai Ananinai. Ea' nafe' wambel hiagoma ganigani nagiambama esis amam nematawa. Ea' dei' God nape nalomana nanda' epes hiesi saila pepel Satani ambo'wes wapoti'.