Mak Nandaꞌafi 5:7 - Basef Buꞌwami Godi

^7-8 Ea' Jisas nogawa aman anama ambagof awami mapeinai. Ea' na'ipam na'i, “Ipe' ambagof aopei, ipe' pekwahona pefe'.” Na'ama anan noga' na'i mehip na'i “Jisas, ine' nogalomana Dembinai God nape ilif endilisi, ine' na'i nenda' maina ae'? Ae' a'ipina endilisi gani ilifa agel Godi, ine' owa' nese'e nimanimi ae'.”

Mak Nandaꞌafi 5:7 Iomraidhean Croise

Matyu Nandaꞌafi 16:16

Ea' Saimon Pita nagwamana basef na'i, “Ine' Krais, aman anama God nandandepena nasapa'ena nafi'i. Ine' nogalomana God ambal namunai napeinai.”

Matyu Nandaꞌafi 26:63

Ea' Jisas ina na'i anom basef, owa'. Ea' pris anama na'ipana na'i, “Ae' a'ipina endilisi ma agel dembinai Godi nape la'ela'ef hihif, ine' kipa ape'. Ine' Krais nogalomana Godi nandandepena nasapa'ena nafi'i o owa'?”

Matyu Nandaꞌafi 4:3

Ea' aman anama Satan nagwamba epesi nafi'i na'ipana na'i, “Ine' na'i ine' Nogalomana Godi, dei' kipa otamba amama ma'oh etapi motaga si'i bret.”

Matyu Nandaꞌafi 8:29

Ea' mofala Jisas mehip ma'i, “Ine' God Nogalamana. Ine' na'i nenda' maina afa'? Ine' na'i nehafa ofa' nimanimi lu'wami? Nemaf anama na'i niahafanai ina dei' nataga, ata' owa'.”

Mak Nandaꞌafi 1:24

“Jisas ine' Nasaretinai, ine' nafi'i na'i nenda' maina afa'? Nafi'i ma nehambombagafa? Ae' egawena ine' aman bu'winai Godi.”

Mak Nandaꞌafi 14:61

Ea' Jisas nasopama malogel naitu. Anan ina nagwamana basef anan, owa'. Ea' pris anama dembinai nahali'ana wapoti' na'i, “Ine' Krais aman anama God nandandepena nasapa'ena nafi'i o owa'? Ine' nogalomana Godi ape' manda' lotumanai, o owa'?”

Mak Nandaꞌafi 3:11

Maina nemaf ambagof awami mape epesi mati Anan mogawana, ea' mowa ma'oh etap felefele'ma anan opafunama, ea' mofalana mehip ma'i, “Ine' nogalomana Godi.”

Mak Nandaꞌafi 5:6

Anan ata' nati Jisas nafi'i laogon, nasagih nafi'i nindiwa nembawa notawamana.

Luk Nandaꞌafi 4:34

“E! Jisas ine' Nasaretinai, na'i nifi'i nenda' maina ape'? Ine' nafi'i ma nehambombagapa? Ae' egawa ine' nogalomana God bu'winai andeande'.”

Luk Nandaꞌafi 6:35

Ea' ipe' ukup mila naumbih ipe'isi, penda'mas waf bu'unai esis pese'asa amamaga. Ipe' ina ata' pi'i anona nemaf esis sogwamepam, owa'. Ipe' penda'as na'ama anona nemaf God la'ifinai nape ilifi nese'epa amamaga lu'wami bu'wami ma pepe awasi ananipei. Dei' main, anan na'i uwahipis esis isima owa' seanifelonae saloma isima sanda' waf aonai.

Luk Nandaꞌafi 8:28

Anona ambal aonai nahapilana tatala'ina. Esis sombalo'ana sumafiana nimeguf hiami sanda' seni hankap sowa'ana lagof bo'wagah, owa'. Nahape'am etin. Ea' ambal anama aonai nofa'ana nafe' anama epes a'agoma. Aman anama nafi'i nati Jisas, nindiwa nembawa notawa felefele'ma bo'wagah ananimi. Ea' Jisas na'ipana mehip na'i, “Ine' ambal aonai, nekwaha aman anama ine' fo'o.” Ea' nofalana mehip endilisi na'i, “Jisas, ine' Nogalomana dembinai God nape ilif endilisi, ine' na'i nenda' maina ae'? Ae' a'ipina mehip, ine' owa' nese'e nimanimi ae'.”

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Aposel 16:17

Nemata'w akwama kwagi'ma Pol kwaloma afa', kofalafa timbi tambel kwa'i, “Amam manda' maola God nape ilif endilisi ma'ipapa basefa eaf God nofa'apa mutanimani.”

Aposel 19:13

Ea' anom Juda mafe' ganigani manda' bisnisa maol anama matofa ambagof awami. Mati maol Pol nanda'anai ma'i motofa ambagof awami ma waf anama. Ma'iam na'ama atona etin ma'i, “Agel Jisas anama Pol nawalapa basefanai, afa' wa'ipipa mehip endilisi ma pekwaha epes isima piwisi ande'.”

Aposel 8:36

Amam biam mafe', matagama anona dumb. Ea' aman anama na'ipa Filip na'i, “Niti dumb notah anama. Ine' na'i a'e ma ae' efa' baptais?”

Basef Amama Pol Nandaꞌam Mafeꞌma Esis Romi 16:20

God anan ofagonama opaf awanena, nogota bandana ma nofa'asa Satan nofe' owina bo'wagah ipe'imi. Ae' ahali' God anda' betena Dembinai ape'inai Jisas Krais nigiambamepa na'a nope la'ela'ef nolomepa.

Hibrui 2:14

Epes Anan nofalapa awasi ananipai, epes etapasi selapai. Amama atom Jisas wapoti' nataga epen na'ama etin si'i ape' epes etapasi selasi. Anan nataga epen na'ama ma naga' nohambombaga aman anama aonai Satan la'ifina nanda' epes hiesi saga'.

Hibrui 7:1

Aman anama Melkisedek anan king dembinai numafi anona wambel Salem, anan pris nondolalima God Dembinai nape ilif endilisi. Fowa' gani Abraham nanda' wandaf naha anom king dembemi nali'amonam nafe' ma notanima nafe' wambel, Melkisedek natolona nofalo'mana.

Jems 2:19

Ine' nembale'efana na'ama na'i, “God atotona nape.” Ine' na'i na'ama, andeande'. Ambagof awami wapoti' mombale'efana na'ama etin ea' umbamaham bombol etin kwapete'am.

2 Pita 2:4

God ina niambali' amam ensel amama fowa' manda' waf aonai, owa'. Anan nakwahom mowala wambel aonai hel. Ea' nowa'am la'ifim mape la'ela'ef anama mape mohafa anona nemaf God nowalogama basef lu'wami.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

Basef Ifimba Jut Nandaꞌafi 1:6

Dei' ipe' ukup mopoma amam ensel amama wapoti', amam ina mumafi maol anama naloma agof lu'wami God nase'amamanai andeande', owa'. Amam makwaha wambel amamunai heven. Ea' dei' God nowa'am sen la'ifinai nape la'ela'efi. Ea' mape la'ela'ef wambel anama akot nape la'ela'efa. Mape mohafa nemaf anama lu'unai God nowalogam moloma epes hiesi wapoti' hi'ilas.

Revelesen 12:12

Ipe' hipei pape heveni, ipe' pendanifel! Ipe' pape etapi paloma sape naoh embeli, uwahipipa! Dei' main, nimanimi lu'wami ma'i motagamepa. Satan nisila'o ma ipe', anan okom wandafuna endilisi. Dei' main, anan nogawa nogota bandana ma nope nonda' opeh ananimi, felefele' higililana.”