Mak Nandaꞌafi 4:41 - Basef Buꞌwami Godi

⁴¹ Ea' amam mati na'ama, umbamaham kwapete'am endilisi, ea' manda'ipama ma'i, “Anan emi egafuna? Na'ipa uf naloma embel mame'ana mowala.”

Mak Nandaꞌafi 4:41 Iomraidhean Croise

Matyu Nandaꞌafi 14:32

Ea' amam biam malata bot, uf naloma embel mandahagas.

Matyu Nandaꞌafi 8:27

Ea' amam alupumi ananimi gegelalasom umbamaham kwapete'am ma'i, “Anan emi egafuna? Na'ipa uf naloma embel mame'ana mowala.”

Mak Nandaꞌafi 4:40

Ea' na'ipa alupumi ananimi na'i, 'Ipe' umbamahepa ma main? Ipe' pembalo'a basef Godi pa'i Ae' la'ifiwei, owa'?

Mak Nandaꞌafi 5:1

Ea' Jisas nao'wa alupumi nafe' nataga anagon wa'ol walemb batupa'manai anama etap esis Gerasa sapoma.

Mak Nandaꞌafi 5:33

Ea' nemata'w akwama kogawa amamaga amama matagama'wi, ambo'okw ea' umbamaha'w kwapete'akw. Ea' kwafi'i kwindiwa nembawa kotawa felefele'ma Anan, kwawalapa amamaga kwa'iam alihim.

Mak Nandaꞌafi 7:37

Ea' esis gegelalasis endilisi sa'i, “Amamaga hiami Anan nanda'ami nanda'am bo'om etin. Anan nanda' esis aligah mase'asi same' andeande', esis malagof mase'asi sega sa'i andeande'.”

Luk Nandaꞌafi 4:36

Esis hiesi gegelalasis sandakoto'ma sanda'ipama sa'i, “Amama maim basef? Anan natofa ambagof awami na'ipam si'i anona aman la'ifinai nofa' agel lu'unai. Ambagof awami mame' basefa anan, makwahona mafa' mafe'.”

Luk Nandaꞌafi 8:25

Ea' Jisas na'ipam na'i, “Bale'ef ipe'inai nape eti?” Amam umbamaham ukup matamea. Ea' manda'ipama ma'i, “Anan emi egafuna? Na'ipa uf naloma embel mame'ana mowala.”

Hibrui 12:28

Amama atom ape' minifela God. Dei' main, dei' ape' felefele' muwis numafiapa wambel Godi, anama epes ina la'ifisa sokoto'magon, owa'. Ape' monda' lotumana mefela agel ananinai umbamohapa ma mila okom ananinai atona.

Revelesen 15:4

Dembinai, ine' etina nape bo'wena. Dei' emi egafis owa' umbamahasa ine'? Owa'etin. Hiesi umbamahasa ine' sanda' lotu ma ine' etina. Emi egafis owa' sefela agel ine'inai? Owa'etin. Epes wambotagw hiami ma etap hiagoma anona nemaf sifi'i sonda' lotu ma ine' etina. Dei' main, waf bu'unai ine'inai nataga alihiguma nandawalap.”