Mak Nandaꞌafi 4:19 - Basef Buꞌwami Godi

¹⁹ ea' amamaga hiami nimanimi maloma amamaga hiami esis satolom kowalasami baso'maimi maloma moni wiga maima esis sa'i sofa'ami hiami mape etapi, amama mataga maofenia basef Godi. Ea' ina sombale'ef sanda' waf bu'unai la'ifis, owa'. Sowa si'i gwa'aimi owa' molo andeande'.

Mak Nandaꞌafi 4:19 Iomraidhean Croise

Matyu Nandaꞌafi 13:22

Anom mowa mandelef wandafumi la'afen, amama si'i enis epes same' basef sailam safe', ukup matamea ma amamaga amama mape etapi ma ukup maimaila moni maim hiami ea' amama mataga maofania basef Godi. Ea' ina sombale'ef sanda' waf bu'unai la'ifis, owa'.

Matyu Nandaꞌafi 19:23

Ea' Jisas na'ipa alupumi ananimi na'ama na'i, “Ae' a'ipipa endilisi, epes isima wiga moni hianaisi, sanda'am ahifim endilisi ma sefe' siowis kingdom heveni. Atona etin sefe' siowis.

Matyu Nandaꞌafi 3:10

Tamia'w kwa'oh lawag ofagema. Lawah hiami owa' mola su'utip bu'wami, anona nemaf solam sotopa'am sokwahom mefe'ma nif.

Mak Nandaꞌafi 4:18

Ea' anom mowala mandelef wandafumi la'afen, amama si'i enis epes same' basef Godi sailam safe',

Luk Nandaꞌafi 10:41

Ea' Dembinai nagwama'wa basef na'i, “Marta, Marta, okom ine'inai napoma amamaga mamumami ma opaf ine'inai nafe' aona ma amamaga hiami.

Luk Nandaꞌafi 21:34

Ae' ataga epen endilisiwei. Ipe' pindumafuma andeande' nemaf anama ae' iefi'ianai. Na'ama penda' waf aonai penda' waf alop atonai, pea' embel la'ifimi hiami ukup motamea ma nimanimi mamumami etapami atom. I'i waf anama nose'elipa hi'ilipa, nemaf anama ae' iefi'ianai notagamepa mehip si'i sakwaha wambawa saha mafis.

Jon Nandaꞌafi 15:2

Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Efesus 6:12

Dei' main? Ape' ina manda' wandaf maloma epes, owa'. Ape' manda' wandaf mapa' maloma ambagof gambefah awami mape mali'i maloma amam agufumi awami maloma amam ensel awami maloma pepel hianai aonai mumafi epes sanda' waf aonai etap anae'. Ape' mapa' maloma ambagof awami hiami mape la'afena otaga naloma etap.

Filipai 4:6

Ipe' ina ukup motamea mefe' ma amamaga hiami meatagamipei, owa'. Ipe' pi'ipanam Goda amamaga amama. Penda' betena anan pinifelona pihali'ana ma amamaga ipe' ukup ma'iami.

1 Timoti 6:17

Ine' ni'ipa epes isima amamaga hiamisi ma etap anae' ina sosambala basef endilisimi sombale'efa amamaga amama mamumami hiami anona nemaf motaga aom endilisi, owa'. Ine' ni'ipasa sombale'efa God endilisi andeande'. Anan atona nase'apai amamaga hiami bu'wami manda' ukup ape'imi mataga bo'om mandanifel.

2 Timoti 4:10

Dei' main, Demas okom na'ina'i waf aonai etapanai ea' nakwahowe nafe' Tesalonaika. Kresens nafe' etap hiagoma Galesia, ea' Taitus nafe' etap hiagoma Dalmesia.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.

Basef Ifimba Jut Nandaꞌafi 1:12

Amam amama mandambaho' mawisi malomapa, waf aonai amamunai nape na'ama. Nemaf anama ipe' Kristen ukup maimaila sahin owan ipe'isi pandakolas panda' gwa'aimi ipe'imi o panda' gwa'aimi Jisasi, amam mape malomepa ma' gwa'aimi amama wapoti'. Ea' amam si'i ikwaf aonai la'ifinai nail nanda' gwa'aimi amama aom. Amam ma' gwa'aimi malomepa, ea' ina umbamaham ma waf aonai manda'anai, owa'. Ukup mapoma amam atom. Ina magiambama enis epes mase'asam, owa'. Amam mawalipasa basef, ea' basef amamumi ina magiambamas, owa'. Basef amama wafimi atom si'i otaga wafinai uf nefa'ana nafi'i ina asaf nalai, owa'. Amam mandahama lawah mola gwa'aimi, ea' nogota mailanai ina mola gwa'aimi, owa'. Lawah amama alim sagiam nombalef mapomamam ma'oh.