Mak Nandaꞌafi 3:10 - Basef Buꞌwami Godi

¹⁰ Anan fowa' nanda' hiesi isima awes nanda'asi sataga bo'wes. Ea' dei' awes nanda'asi sanda' gwagwasi'ma etin safe'ma anan sehapilana ma seataga bo'wes.

Mak Nandaꞌafi 3:10 Iomraidhean Croise

Matyu Nandaꞌafi 12:15

Jisas nogawa amam ma'i mohana neaga'. Ea' nakwaha wambel anama nafe' ea' hiesi sailana safe', nanda' isima awes nanda'asi sataga bo'wes.

Matyu Nandaꞌafi 14:14

Jisas nafe' nataga akata nati esis hiesi nati uwahipis. Ea' nati epes asasisi awes nanda'asi nanda'as sataga bo'wes wapoti'.

Matyu Nandaꞌafi 14:36

Ea' sofa'ai isima awes nanda'asi sa'ipana saisailana sa'i anan ni'i a'e ma isima sohapila lowaf ananinai da'malifina atona. Ea' emi egafis sahapila lowaf ananinai sataga bo'wes wapoti'.

Matyu Nandaꞌafi 4:23

Ea' Jisas nafe' etap hiagoma Galili, nafe' na'ipasa basef bu'wami Godi amam nematawa hiesi nomon ifagw esis Juda sa'i basef sapeimi. Basef bu'wami anan na'ipasami amama ma'i, “Nemaf anama bu'unai nafi'mai ipe'. Ama ipe' hipei piowis kingdom heveni.” Ea' nanda' epes hiesi awes naninani nanda'asi sataga bo'wes wapoti'. Awes main naninani nanda'asi, Jisas la'ifina nanda'as sataga bo'wes.

Mak Nandaꞌafi 5:34

Ea' Jisas na'ipakw na'i, “Nemata'w, ine' nembale'efa ae' la'ifiwei. Amama atom dei' anda'ena bo'wena. Ine' fo'o, opaf ine'inai nope awanena. Esimbel ine'imi fataom, dei' awes ine'inai ahi'alana.”

Mak Nandaꞌafi 6:56

Wambel hiagoma lu'wagon sa'ogon, naloma anama hiagoma Jisas nafe'ma, esis sambe' isima awes nanda'asi sa'oh la'afen. Ea' sofala Jisas mehip ni'i a'e ma isima sohapila lowaf ananinai da'malifinama atona. Ea' emi egafis sahapilanai sataga bo'wes wapoti' hi'alas.

Mak Nandaꞌafi 8:22

Amam mafe' mataga Betsaida, sao'wamanai anona aman naep mase'anai nafi'mai Jisas ea' sa'ipana mehipa nesa lagel ananinai nonda'ana bo'ona.

Luk Nandaꞌafi 5:3

Ea' Jisas nalata natoma bot Saimoni ea' na'ipana na'i, “Sapa' bot nokwaha bandagoma nefe' laogoma.” Ea' Jisas natoma bot nawalipasa basef esis amam nematawa.

Luk Nandaꞌafi 6:19

Pepel ananinai nafe' nanda' esis hiesi bo'wes. Ea' dei' esis hiesi sa'i sombale'efana.

Luk Nandaꞌafi 7:2

Anona aman dembinai nape. Anan kepten numafi soldia hiami 100-peleim. Anona nanda' maola anani awes nanda'ana felefele'ma neaga'. Ea' kepten okom nainailana.

Luk Nandaꞌafi 7:21

Nemaf anama atona Jisas nanda' amam nematawa awes naninani nanda'asi sataga bo'wes. Anan natofamasa ambagof awami mapeisi. Hiesi naep mase'asi nanda'masam mati andeande'.

Aposel 5:15

Esis saloma enis epes wapoti' sati pepel anama amam aposel manda'anai. Ea' sofa' awesisi safi'i sambe'as sa'oh ande' eaf, salas balatagw mamumami sofa'as safi'i. Esis ukup ma'i, i'i Pita ina nefe'ma esis, ea' hapaimi. Esis sa'i owaf nonda' ambal ananinai atona nefe' naolo'mas.

Hibrui 12:6

Dei' main, emi egafis Dembinai okom nainailas endilisi Anan nanda'as na'ama etina sonda' waf Ananinai bu'unai. Ea' emi egafis Dembinai numafias ni'i awasi ananisi, nahas nonda'as sila waf bu'unai wapoti' ma sogawana andeande' silana.”