Mak Nandaꞌafi 2:5 - Basef Buꞌwami Godi

⁵ Nogota anama Jisas nati biamibiam nagawa amam mombale'efana ma'i anan la'ifinai ma nigiambama aman anama notaga bo'ona. Ea' na'ipa aman anama na'i, “Ine' epen ae'inai. Waf aonai ine' nanda'anai Ae' akwahomenana ea'.”

Mak Nandaꞌafi 2:5 Iomraidhean Croise

Matyu Nandaꞌafi 9:2

Ea' anom amam mofa'ai anona aman mafi'i. Lagof bo'wagah maga' mailanai ea' tol na'oh lahis. Ea' Jisas natolom nogawa amam mombale'efana ma'i anan la'ifinai ma nigiambama aman anama aonai neataga bo'ona. Ea' na'ipa aman anama na'i, “Ine' epen ae'inai! Opaf ine'inai nepe awanena. Waf aonai ine' nanda'anai ae' akwahomenana ea'.”

Matyu Nandaꞌafi 9:22

Ea' Jisas nandamboma natolo'w na'ipa'w na'i, “Nogame ae'inai! Opaf ine'inai nepe la'ifina. Ine' ea' nembale'efa ae' la'ifiwei. Amama atom dei' anda'ena bo'wena.”

Matyu Nandaꞌafi 9:5

Dei' amamaga maim ipe' pa'i ahifima ae'? Ae' la'ifiwei ma i'ipa aman anama awesinai i'i, ‘Ae' ekwahomena waf aonai nanda'anai,’ o i'ipana ie'i, ‘Nehafel nefe'.’ Basef amama nohafel neafe' ipe' pa'i amama ahifima ae'.

Mak Nandaꞌafi 2:6

Ea' anom dambami mawalipasa mi'uli Godi mape mame'ana. Opalef amamumi aoma basef ananimi. Na'ama amam nomonas matamea ma'i,

Mak Nandaꞌafi 5:34

Ea' Jisas na'ipakw na'i, “Nemata'w, ine' nembale'efa ae' la'ifiwei. Amama atom dei' anda'ena bo'wena. Ine' fo'o, opaf ine'inai nope awanena. Esimbel ine'imi fataom, dei' awes ine'inai ahi'alana.”

Luk Nandaꞌafi 5:20

Nogota anama Jisas natolom nogawa amam mombale'efana la'ifinai ma niegiambama aman anama awes nanda'anai. Ea' na'ipa aman anama na'i, “Ine' epen ae'inai. Waf aonai ine' nanda'anai ae' akwahomenana ea'.”

Luk Nandaꞌafi 8:48

Ea' Jisas na'ipakw na'i, “Nogame, dei' ine' nembale'efa ae' la'ifiwei. Amama atom dei' anda'ena bo'wena. Ine' fo'o opaf ine'inai nope awanena.”

Jon Nandaꞌafi 2:25

Anan ina gawa a'ana ma enis sie'ipana ma waf epesi, owa'etin. Anan negawa epes hiesi ea' negawa ukup opalef asasimi.

Jon Nandaꞌafi 5:14

Anom nimeguf mafe'ma ea', Jisas natolona ipat lu'unai Godi sanda' lotuwanai na'ipana na'i, “Neme'! Dei' ine' ambo'wena ea'. Ea' ine' owa' nitanima nefe' nenda' waf aonai wapoti, owa'. Na'ama amamaga awami endilisi motagamena.”

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 14:9

Ea' anan name' Pol na'i basef ea' Pol natolona titi nogawana na'i aman anama nembale'efa Goda notaga bo'ona wapoti'.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

1 Korin 11:30

Amama atom dei' amam nematawa hiesi ipe'isi owa' la'ifis ea' awes hianai nanda'as ea' enis saga' ma waf anama.

2 Korin 2:10

I'i ipe' pekwaha waf aonai enin epen nanda'anai, endilisi ae' wapoti' ekwahomanana. Waf anama aonai akwahanai okom ae'anai na'i na'ama. Ae' ina egawa okom Kraisi na'i na'imama, ea' i'i andeande'ma ae' ekwahomanana naep Kraisi, ekwahomanana endilisi ma igiambamepa pepe andeande'.

Efesus 2:8

Dei' main, God nagiambamepa na'a, amama atom dei' nofa'epa pitanimani pembale'efa Krais. Amamaga amama ina ipe' etipa panda'am, owa'etin. God atona nase'epam na'a.

Kolosi 3:13

I'i enin epen ipe'ini nenda' waf aonai ma enin epen, ina negwamana waf aonai anan nanda'mananai, owa'. Nenda'an sa'ombeman nekwahomana waf aonai anan nanda'menanai. Dembinai nakwaha waf aonai ipe' panda'anai ea'. Ea' ipe' wapoti' penda'am na'ama etin.

Jems 5:15

I'i amam mombale'ef endilisi ma monda' beten mohali' God, epen inima netaga bo'wen. Dembinai nigiambaman netaga bo'wen. I'i epen inima nali' nenda' waf aonai, God nokwaha waf aonai enin nanda'anai.