Mak Nandaꞌafi 2:16 - Basef Buꞌwami Godi

¹⁶ Ea' amam dambami mawalipasa mi'uli Godi amam Farisi mati Jisas na' gwa'aimi naloma amam manda' waf aonai maloma amam amama mofa' takisi. Ea' mahali' alupumi ananimi ma'i, “Dei' maina anan nape naloma amam mofa' takisi maloma amam amama manda' waf aonai ma' gwa'aimi etifigin?”

Mak Nandaꞌafi 2:16 Iomraidhean Croise

Matyu Nandaꞌafi 18:17

Ama i'i enin nindaiwa'ma neame' basef ipe'ifi, ine' ni'ipa esis Kristen hiesi sondatama etifigin ni'ipasan. Ama enin ni'i nindaiwa'ma neame' basefa esis Kristen hiesi wapoti', ine' nekwahin nepe si'i isima owa' seagawa Godi, o si'i amam amama awami mofa' takisi.

Matyu Nandaꞌafi 5:46

I'i ipe' ukup mila epes isima ukup maimaila ipe' etipa, anona nemaf pefa' amamaga bu'wami maima waf anama? Owa'etin. Amam amama manda' waf aonai maloma mofa' takisi manda' waf anama atona.

Matyu Nandaꞌafi 9:11

Ea' amam Farisi dambami mafi mati Jisas nape nalomafa wa' gwa'aimi, mahali' alupumi ananimi ma'i, “Dei' maina dembinai tisa ipe'inai nape naloma amam mofa' takisi maloma amam amama manda' waf aonai ma' gwa'aimi etifigin?”

Mak Nandaꞌafi 2:15

Ea' Jisas naloma alupumi ananimi ma' gwa'aimi ipat Livai maloma amam hiami manda' waf aonai. Anom mofa' takisi, anom manda' waf aonai amam maloma Jisas ma' gwa'aimi. Amam amama mailana etin.

Mak Nandaꞌafi 2:7

“Dei' maina Jisas na'iam na'ama? Anan nanda' God findiwana. Owa' etina anona aman la'ifinai ma neakwaha waf aonai epes sanda'anai. God atona nakwa waf aonai.”

Luk Nandaꞌafi 18:11

Farisi anama naitu okom napoma anan atona nanda' beten na'ama na'i, ‘Ae' anifelina God, ama ae' ina si'i enis epes sanda' waf aonai. Esis sambaso'mas sofa' wiga hiahaom enis epesi, sanda' waf aonai, sanda' waf aonai so'a waulanai. Ae' anifelina ma ae' ina si'i aman nanima aonai nofa' takisi.

Luk Nandaꞌafi 19:10

Ae' ataga epen endilisiwei, ae' afi'i ma egolopa epes higilalasi efa'as setanimani.”

Luk Nandaꞌafi 19:7

Ea' esis amam nematawa sati amama, ukup aom endilisi sa'i basef mamumami sa'i, “Anan nafe' nape ipat anona aman nanda' waf aonai.”

Luk Nandaꞌafi 5:30

Ea' anom Farisi maloma anom amam mawalipasa mi'uli Godi, amam Farisi, mape manda' megah maham ma amam alupumi Jisasi ma'i, “Dei' maina ipe' pape pa' gwa'aimi paloma amam mofa' takisi maloma amam amama manda' waf aonai? Na'ama ina andeande', hapaimi.”

Aposel 23:9

Amama atom amam ma'i mehip. Ea' anom dambami mawalipasa mi'uli Godi amam Farisi mohafel maitu ma'iam mehip na'ama ma'i, “Afa' wati aman anama basef ofagema a'ana. I'i anona ambal bu'unai o anona ensel ni'ipana ma ni'ipasa basef amama, andeande'.”

1 Korin 2:15

Emi egafis Ambal Bu'unai Godi napaisi, esis sowaloga amamaga hiami. Ea' ina enis epes la'ifisa sowaloga wafa epen inima Ambal Godi napaini, owa'.

Hibrui 12:3

Ipe' ukup mi'i andeande'ma nimanimi amama fowa' nofa'ami. Epes isima sanda' waf aonai sowa'ana alafugah Jisas endilisi sanda'ana kwapete'ana. Ea' Anan naitu la'ifina endilisi. Ipe' ukup mopoma amama ma ina ala'uta nepa, owa'. Pepe la'ifipa.