Mak Nandaꞌafi 16:16 - Basef Buꞌwami Godi

¹⁶ Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai.

Mak Nandaꞌafi 16:16 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Mak Nandaꞌafi 1:15

na'i, “Nemaf anama felefele' netaga ma epes hiesi siowis wambota Godi numafias. Na'ama dei' ipe' pemboma opalef pefe'ma God pewa' alafugaha waf aonai.”

Luk Nandaꞌafi 8:12

Anom mowa eafi amama si'i epes isima same' basef, ea' Satan nafi'i nofa' basef amama God nase'esam mape opalef asasimi ma esis ina sembale'efa God nofa'as seatanimani, owa'.

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 3:36

Emi egafis sembale'efa Nogalomana ananinai, epes isima dei' sefa' ambal namunai ma sope andeande' la'ela'ef hihif. Ea' emi egafis sewa' alafugama Nogalomana ananinai, epesisima ina nambimb sefa' ambal namunai sepe andeande' la'ela'ef, owa'etin. Dei' main, okom wandafunai Godi napomas la'ela'ef.

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 6:29

Ea' Jisas nagwamasa basef na'i, “Maol Godi na'ama. Ipe' pembale'efa ae', God nasapa'e afi'i.”

Jon Nandaꞌafi 6:35

Ea' Jisas na'ipas na'i, “Ae' atowe ae' gwa'aimi bret ambal namunai bu'unai napaiwei. Emi egafis siefi'mai ae'i ina nambimb nolomahas, ea' emi egafis seambale'efa ae'i, esis ina nambimb eap nese'as wapoti' ma embel, owa'etin.

Jon Nandaꞌafi 6:40

Okom Ahalome ae'anai nape na'ama. Amam nematawa emi egafis seme' basef ae'ami seambale'efa ae'i, esis anona nemaf sofa' ambal namunai sope andeande' la'ela'ef hihif. Ea' efelas wapoti' sehafel hi'agilif nemaf akutainai.”

Jon Nandaꞌafi 8:24

Ae' a'ipipa ea'. Nambimb ipe' pega' ma waf aonai ipe' panda'anai ata' la'ela'ef napaipa. I'i ipe' owa' peambale'efa ae', aman God nasapa'e afi'i, nambimb ipe' pega' ma waf aonai ipe' panda'anai la'ela'ef napaipa.”

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 13:39

Mi'uli anama God naso' Mosesanai anama ina la'ifina ma nokwaha waf aonai ipe' panda'anai ma pepe wafifipa andeande', owa'. Na'ama aman anama nakwaha waf hianai aonai ma ipe' emi egafipa pembale'efa anan, ma pepe wafifipa bo'wepa ma naep Godi.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 2:41

Ea' epes emi egafis sofa' basef Pitai sombale'efam, esis sofa' baptais. Nemaf anama God nowa'ani epes hiesi wambota ananinai sataga hias 3,000-peleis sataga Kristen, ea' sape saloma esis isima amam nematawa sombale'efanai.

Aposel 22:16

Dei' maina ine' ata' nape nehafana etin? Ine' hafel nefalona nosa'opena nokwahomena waf aonai ine' nanda'anai ma nefa' baptais!’

Basef Amama Pol Nandaꞌam Mafeꞌma Esis Romi 4:24

Manda'ama ape' wapoti'. Ape' membale'efa God nafela Jisas Dembinai ape'inai nohafel hi'agif. Amama atom God nati bale'ef ape'inai ea' na'i ape' epes bu'upai.

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

2 Tesalonaika 2:12

Esis amam nematawa hiesi ina ata' sombale'efa basef endilisimi, owa'etin. Sondanifela sonda' waf aonai atona. Amama atom anona nemaf sofa' amamaga awami atom basef kot Dembinai God nonda'anai.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.

Revelesen 21:8

Epes isima umbamahasa sotanima, isima owa' sombale'efa Godi, epes sanda' waf naninani aonai endilisi soloma epes isima saha enis saga'i soloma epes isima sanda' waf aonai so'a waolanai soloma isima sanda' mu'uhupi soloma epes isima sanda' lotuma god anama baso'mainai, soloma epes isima hiesi sambaso'omi, epes isima hiesi sofa' wambel asasinai ma hul anama lu'unai nif lu'wami fandumi otam salfa napoma. Hul anama launai si'i ga' nigi' neatagai.”