Mak Nandaꞌafi 16:1 - Basef Buꞌwami Godi

¹ Nemaf anama sapoma noma'wanai nafe' hi'alana, Maria Makdalai'wi kwaloma Maria mama'wana Jems kwaloma Salomi watala anom wel alogw bu'wami ma'ami. Awau wa'i ofa'am ofe' ondisa alop Jisasi.

Mak Nandaꞌafi 16:1 Iomraidhean Croise

Mak Nandaꞌafi 14:3

Nemaf anama Jisas nape Betani, nape ipat anona aman Saimoni. Fowa' awes aonai nanda' alop ananinai nambo', dei' ambo'ona. Jisas ata' nape na' gwa'aimi etin nalomana, ea' ano'w nemata'w kwahapila anona botol sanda'ana si'i otam, sanda alogw bu'wami ma'anai satalom otamba lu'wami mala botol anama, agilinama nad. Ea' kopalia botol anama kwakolo'am mowala balaga Jisasi.

Mak Nandaꞌafi 14:8

Maol anama akwa'w kwogawana, kwanda'ana. Felefele'ma nambimb esis sehe ega' ma sowe hi'agif. Okom ako'unai napoma felefele'ma ae' ega'. Na'ama dei' kofa'ai sanda amama kwafi'i kwakolo'am mowala balaga ae'anai kwakolo'am mowala alop ae'anai ma kwandondomba ae' ma seawe.

Mak Nandaꞌafi 15:40

Ea' anowa nematawa waituwi laogon watologini awama. Ano'w Maria Makdalai'wi kwaloma ano'w agel atona Maria mama'wana Josep naloma Jems sa'unai kwaloma ano'w Salomi.

Mak Nandaꞌafi 15:42

Ea' wambomota felefele'ma owamb, Josep Arimateainai nafi'i.

Mak Nandaꞌafi 15:47

Anowa nematawa biawa Maria Makdalai'wi kwaloma Maria mama'wana Josepi, awau waitu watologon wati anama Josep nawa Jisas.

Mak Nandaꞌafi 16:2

Wafilu nemaf Sande, kuhimbita atona awau ofa' wel amama wafe' hi'agif.

Mak Nandaꞌafi 16:8

Ea' wakwaha hi'agif wawisi ande' wasagih wafe'. Awau umbamahawa wanda'am bombol etin. Ea' awau ina wa'ipasa basefa enis epes, owa'.

Luk Nandaꞌafi 23:54

Nemaf anama sa'i sogolopa gwa'aimianai. Nemaf sapoma noma'wanai sa'i Sabat felefele'ma neataga.

Luk Nandaꞌafi 23:56

Watolona ea' otanima wafe' ifagw awaumi, wandondomba wel maloma amamaga alogw bu'wami ma'ami ma bimb ofa'am ofe' hi'agif undisa alop Jisasi. Nemaf anama Sabat nataga, wapoma noma'w si'i mi'uli Godi na'i.

Luk Nandaꞌafi 24:1

Wafilu nemaf anama Sande nali'ma wik, kuhimbita atona awau ohafel wafe' hi'agif. Agufuwama awama. Maria Makdalai'wi kwaloma ano'w awau agel atona Maria mama'wana Jemsi waloma Joana ea' waloma anowa wapoti'. Ea' ofa' wel maim alogw bu'wami ma'ami awau wali' wandondombami, ofa'am wafe' hi'agif.

Jon Nandaꞌafi 19:25

Mama'wana Jisasi kwaloma owama'w akwa'ikwi waloma ano'w nemata'w Maria kwaso' Klopasi waloma Maria Makdalai'wi awau biawai biawa waitu felefele'ma lawag Jisas nailanai. Ea' Jisas nati mama'wana anani'wi kwaloma ae' alupunai ananiwei okom nainaila ae'i, afa' biafa waitu felefele'ma anan. Ea' na'ipa mama'wana na'i, “Mama'we, aman anama nogalomena ine'inai.”

Jon Nandaꞌafi 19:31

Nemaf anama dei' esis Juda sape sandandomba gwa'aimi maima naman sonda' gwa'aimi lu'wami sa'i Pasova. Nemaf anama dei' Sabat lu'unai nikila' Sabat anom nimeguf hiami. Ea' amam Juda mandaiwa' ma amam wanom mila lawah amama nemaf anama lu'unai Sabat. Ea' mafe' mahali' Pailata amam soldia mofe' mindiwa bo'wagah amamumi towam ma maga' ulala motagahom misila'i.