Mak Nandaꞌafi 14:6 - Basef Buꞌwami Godi

⁶ Ea' Jisas na'ipas na'i, “Ipe' kwaho'w. Ipe' ina ukup aoma akwa'w, owa'. Akwa'w kwanda' waf bu'unai ma Ae'.

Mak Nandaꞌafi 14:6 Iomraidhean Croise

Matyu Nandaꞌafi 26:10

Ea' Jisas nogawa ukup amamumi, na'ipam na'i, “Dei' maina ipe' ukup aom mapoma nemata'w akwama? Owa'. Akwa'w kwanda' waf bu'unai ma ae'.

Mak Nandaꞌafi 14:5

ea' sa'i, “Dei' afa' ofa'am enis epes sose'afa moni nikila' 300 kina sotalom ofa'ana oso' epes isima kwahusa gwa'aimi maim, andeande'.” Esis ukup numbutim endilisi mapoma nemata'w akwama.

Mak Nandaꞌafi 14:7

Isima gwa'aimi maim a'asi la'ela'ef sape salomepa. Maina nemaf pi'i pigiambamas pese'as moni, andeande' pese'asana. Epes isima sape salomepa nimeguf hiami, ea' ae' owa'. Ae' ina elomepa epe nimeguf hiami, owa'.

Aposel 9:36

Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim.

2 Korin 10:18

Dei' main, ape' mogawa emi egafis sefela agof asasimi atom, esis agof a'asa naep Dembinai, owa'. I'i Dembinai nefela agof anis epesi, dei' epes isima etis sofa' agof endilisi.

2 Korin 9:8

God Anan wilama nese'epa amamaga bu'wami hiami ipe' ma nambimb ipe' si'ipamam endilisi. Anan nanda'am na'ama ma nimeguf hiemi ipe' penda'am peso' enis epes ina hi'ilam, owa'. Mo'oh la'ela'ef. Ea' ipe' amamaga hiamipei penda' opeh bu'wami hiami mamumami ma pigiambama enis epes wapoti'.

Efesus 2:10

Dei' main, God atona nanda'apa mape. Lagel Krais Jisasi atona nanda'apa mataga dambaipa ma waf bu'unai ape' mailana mafe'.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

2 Tesalonaika 2:17

Ea' dei' afa' wa'i amam biam monda'epa petaga la'ifipa migiambamepa penda' waf bu'unai hianai ma pi'ipasa basef bu'wami hiami.

1 Timoti 6:18

Ine' kipa epes isima amamaga hiamisi, sonda'ama sigiambama maol bu'unai. Esis la'ela'ef sowaloga amamaga asasimi soso' enis epes.

2 Timoti 2:21

Ea' dei' emi epen nekwaha waf aonai ma nepe bo'wen andeande', inima nambimb nepe si'i dis amama sanda' maol bu'unai atona. Ea' Dembinai nigiambaman nepe andeande' nenda' maol ananinai. Ea' enin nendandombam nenda' maol naninani bu'unai hianai.

2 Timoti 3:17

Basef amama manda' ape' epes Godi la'ifipa endilisi ma monda' maol hianai bu'unai Ananinai.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Taitus 3:14

Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 10:24

Ape' mefela ukup esis sahin owan ma ukup mimila esis amam nematawa ea' sonda' waf bu'unai.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.