Mak Nandaꞌafi 14:18 - Basef Buꞌwami Godi

¹⁸ Mawis ata' mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai dei' nape nalomafa na' gwa'aimi, atuwasi nefe' nihi'amba amam naumbiha Ae' efe' eapoma.”

Mak Nandaꞌafi 14:18 Iomraidhean Croise

Matyu Nandaꞌafi 26:21

Ea' amam mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai atuwasi nefe' nihi'amba amam naumbiha ae' efe' eapoma.”

Matyu Nandaꞌafi 5:18

Ae' a'ipipa endilisi. Basef amama mope mefe'ma amamaga mape ilif etapi moloma otaga etap higililam hi'ilam. Anom basef tu'wanima amef sa'usa'umi moloma anom basef bandami mail nomona buk mi'uli Godi, amama mope la'ela'ef hihif na'ama etin mefe'ma maol hianai Godi netaga nendawalap hi'ilana.

Matyu Nandaꞌafi 6:16

Maim nimeguf ipe' pekwaha gwa'aimi, ina penda'am si'i amam amama mambaso'mami ma'i malogof biami manda'ami ma manda' amagah amamumi awasim, owa'. Amam manda' amagah aom na'ama ma epes satolom sogawa sa'i amam mokwaha gwa'aimi. Ae' a'ipipa endilisi amam mofa'am ea' amamaga amama ma danifel amamunai. Epes isima sati waf anama amamunai, ea' ma'um amama atom.

Matyu Nandaꞌafi 6:2

I'i ipe' pi'i pigiambama enis epes isima kwahusi, ipe' ine' pi'ipa enis epes, owa'. Ipe' ina penda'am si'i waf anama amam mambaso'as ma'i malogof biami mofapula alelefi batagw ma'ipas sali', owa'. Amam manda'am ifagw esis Juda sa'i basef sapeimi, anama eaf dawalegefa naep epesi seati amam sefela agof amamumi lu'um. Owa', hapaimi. Ae' a'ipipa endilisi, Epes isima safela agof amamumi ea' ma'um amama atom.

Matyu Nandaꞌafi 6:5

Maina nemaf ipe' penda' beten, ipe' ina penda'am si'i waf anama amam amama mambaso'ami ma'i malogof biam manda'anai, ma mietu etin nomon ifagw esis Juda sa'i basef sapeimi o eaf lu'unai dawalegef, ama epes seatolom, owa'. Ae' a'ipipa endilisi amam anona nemaf God ina nogwamama amam amamaga bu'wami ma waf anama, owa'etin. Epes isima satolom ea' ma'um amama atom.

Mak Nandaꞌafi 10:15

Ae' a'ipipa endilisi, emi egafis sindaiwa'ma siowis wambota Godi numafias ama sese'ana ukup asasimi ma God si'i awasi isima sa'i aho'mana, epes isima sanda'am na'ama ina nambimb suwis wambota Godi numafias, owa'.”

Mak Nandaꞌafi 10:29

Ea' Jisas na'ipana na'i, “Endilisi, ae' a'ipipa na'ama a'i, Ipe' emi egafipa ukup ipe'imi mopoma Ae' eloma basef bu'wami Godi pekwaha ifagw moloma sahin owan ahapas mamasas batawisas moloma aof amamaga maim ipe'imi, anona nemaf pefa' amamaga amama hiami endilisi, mikila' ipe'imi amamaga fowa'imi. Ea' enis epes nambimb sehepa sonda'mepa waf aonai. Ea' anona nemaf nogota bu'unai neataga, pefa' ambagof namumi pepan andeande' la'ela'ef hihif.

Mak Nandaꞌafi 14:17

Wambomota felefele'ma owamb, Jisas naloma alupumi 12-peleim mafe' mataga ipat anama

Mak Nandaꞌafi 14:19

Amam mame' na'ama ukup amamumi nimanim ea' mahali'ana atona etin ma'i, “Ae' o emi?”

Mak Nandaꞌafi 14:25

Ae' a'ipipa endilisi, ae' ina ata' etanima ea' embel wain wapoti', owa'. Efe' etaga wambel Godi, ea' anona wain dambainai.”

Mak Nandaꞌafi 14:9

Endilisi Ae' a'ipipa, ganima etap anae' wambel hiagoma anona nemaf si'ipasa basef bu'wami Godi, si'ipasa basef ako'umi wapoti' ma ukup mopoma waf bu'unai akwa'w kwanda'meanai.”

Mak Nandaꞌafi 3:28

Amam mawalipasa mi'uli Godi mambaso'am manda' findiwana ma'i, “Anona ambal aonai nagiambama Jisas nanda' maol ananinai.” Ea' Jisas na'ipam na'i, “Endilisi etis ae' a'ipipa, anona nemaf God nokwaha waf aonai naninani hianai noloma basef findiwaimi hiami amam nematawa sanda'ami hi'ilam. Ea' emi epen nenda' basef findiwama Ambal Bu'unai Godi, God anona nemaf owa'etin endilisi ma nokwaha findiwa anama aonai ma epen inima nanda'anai, owa'. Findiwa aonai la'ela'ef nopein dei' nefe' anona nemaf wapoti' la'ela'ef nope.”

Mak Nandaꞌafi 6:11

I'i anona wambel owa' sofa'epa pefe' ifagw asasimi some' basef ipe'imi, ipe' penda'am na'ama. Pekwaha wambel anama pindilama nombol mail bo'wagah ipe'imi ma sitilipa sogawa waf aonai ofagena asasinai atona.”

Mak Nandaꞌafi 8:12

Ea' Jisas name' ambal ananinai nemanina ea' na'i, “Dei' maina ipe' amam nematawa dei' pape etap anae' pa'i piti anona ikwaf la'finai? Ae' owa'etina enda'ana pitolona, owa'.”

Mak Nandaꞌafi 9:1

Ea' Jisas na'ipa esis na'i, “Ae' a'ipipa endilisi, enipa paitu na'ae nambimb ina pega' ulal, ata' owa'. Enipa piti pepel Godi nifi'i ma epes hiesi siowis wambota Ananinai numafias.”

Mak Nandaꞌafi 9:41

Ae' a'ipipa endilisi, emi egafis sitilipa si'i ipe' epes ae'ipei ma siegiambamepa sese'epa anom amamaga kwauwie'im si'i embel kwaie'um pea'am, anona nemaf God nogwamasam amamaga bu'wami si'i presen.”

Luk Nandaꞌafi 11:51

Nali'i esimbel mali'i Abeli nafi'i natagama profet esimbel Sakaraiai sahana afuna la'afena ipat lu'unai Godi sanda' lotuwanai naloma balata saofa mafis sase' Godami. Amama ofagema nambimb mila ipe' etipa dei' pape etap anae'.

Luk Nandaꞌafi 22:21

Ea' ipe' piti aman anama na'i nowalapa ae' ma amam naumbih ae'ami, nape na' gwa'aimi nalome tebol amae'.

Luk Nandaꞌafi 4:24

Ea' anan na'iam na'ama wapoti' na'i, “Ae' a'ipipa endilisi! Anona profet epes ina sase'ana opalef same' basef ananimi wambel ofagama ananima, owa'.

Jon Nandaꞌafi 1:51

Ea' Jisas na'ipam wapoti' na'i, “Ae' a'ipipa endilisi, anona nemaf ipe' piti heven nindowsi' negal ea' amam ensel Godi molata misila'i ae' ataga epen endilisiwei.”

Jon Nandaꞌafi 13:18

Ae' ina a'i ipe' hipei pefe' pewalapa basef pi'ipa naumbiha ae', owa'. Ipe' bo'wepa ea'. Ae' egawepa andandepepa ea'. Ea' basef Godi mail buk Baibeli atuwasi motaga endilisi ma anona aman nowalapa ae' ma naumbih ae'ami. Basef amama ma'i na'ama ma'i, 'Aman anama nea' gwa'aimi nealumai anona nemaf nigi bo'waga nofa'asa ae'.’

Jon Nandaꞌafi 13:21

Jisas na'ipafa basef amama ea', okom ananinai nimanina endilisi. Ea' na'ipafa na'i, “Ae' a'ipipa endilisi, anona afa'inai atuwasi nefe' nihi'amba naumbih ma ae' eapoma.”

Jon Nandaꞌafi 13:22

Ea' alupufai ananifai wanda' tima etin wape. Afa' ina ogawa Jisas na'i emi.

Jon Nandaꞌafi 13:38

Ea' Jisas nagwamana basef na'i, “Ine' na'i a'e endilisi ma neaga' ma niegiambama ae' a' amon? Ae' a'ipina endilisi, dei' owamb anae' awata ata' owa' neanda'am, ine' nembaho' agel ae'anai ni'i wenif ni'i, ‘Ae' owa' egawa Jisase.’ ”

Jon Nandaꞌafi 21:18

Endilisi ae' a'ipina, fowa' ine' ata' so'uso'win, ine' nowaho' let ea' nafe' mamagoma nomonas ine'imi ma'i neafe'ma. Ea' anona nemaf ine' netagama hagena, ine' nesa'ma lagof ine'imi ma anona aman nowaho'mena let nohapilina nefe' anama ine' nandaiwa'ma neafe'ma.”

Jon Nandaꞌafi 3:11

Endilisi ae' a'ipina, afa' wa'i amamaga afa' wagawami, ea' wawalapa amamaga amama watolomi. Ea' ipe' pewa' alafugaha basef amama afa' wawalapami.

Jon Nandaꞌafi 3:3

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Jon Nandaꞌafi 5:19

Ea' Jisas nagwamama basef amam na'i, “Ae' a'i endilisi a'ipipa. Ae' nogalomana Godi ae' atowe ina la'ifiwei ma enda' anom amamaga ma okom ae'anai atona, owa'. Ae' anda' amamaga amama ati Ahalome nanda'ami, ea' amama atom. Dei' main, amamaga hiami ahalome nanda'ami, amama ae' Nogalomana wapoti' dei' anda'am.

Jon Nandaꞌafi 6:26

Ea' Jisas nagwamasa basef na'i, “Ae' a'ipipa endilisi, ipe' ina ukup ma'i pepel ae' anda'anai dei' pafi'i pa'i petolowe, owa'etin. Ipe' ukup mapoma bret atona pagwa'anai ma opalef ipe'imi si'im, amama atom dei' pagolope pafi'i.

Jon Nandaꞌafi 6:32

Ea' Jisas na'ipas na'i, “Endilisi ae' a'ipipa, Moses ina nase'epa gwa'aimi amama mafi'i heveni, owa'. Ahalome ae'anai atona nasi'ipei gwa'aimi amama endilisimi.

Jon Nandaꞌafi 6:47

Ae' a'ipipa basef endilisimi atom. Emi egafis sembale'efa ae', esis dei' sefa' ambal namunai sepe andeande' la'ela'ef hihif.

Jon Nandaꞌafi 6:70

Ea' Jisas nagwamama basef na'ipam na'i, “Ae' esahe'a ipe' 12-pelaipa ea' ae'ipei. Ea' anona ipe'inai ambal aonai napainai.”