Mak Nandaꞌafi 14:1 - Basef Buꞌwami Godi

¹ Anona nemaf bu'unai sa'i Pasova ma esis Juda sonda' gwa'aimi lu'wami sagwa' anona bret owa' neatef lu'unai. Nimeguf biam ata' mape ma nemaf anama bu'unai sa'i sea' gwa'aimi Pasova ea' notaga. Nemaf anama amam mawalipasa mi'uli Godi maloma anom pris dambami ma'i mondambaho' miti anona eaf ma mombalo' Jisas mohana neaga'.

Mak Nandaꞌafi 14:1 Iomraidhean Croise

Matyu Nandaꞌafi 12:14

Ea' amam dambami Farisi mohafel mawis ande' munduwa'anima ma'i basef mandame'mama moha Jisas neaga'.

Matyu Nandaꞌafi 6:2

I'i ipe' pi'i pigiambama enis epes isima kwahusi, ipe' ine' pi'ipa enis epes, owa'. Ipe' ina penda'am si'i waf anama amam mambaso'as ma'i malogof biami mofapula alelefi batagw ma'ipas sali', owa'. Amam manda'am ifagw esis Juda sa'i basef sapeimi, anama eaf dawalegefa naep epesi seati amam sefela agof amamumi lu'um. Owa', hapaimi. Ae' a'ipipa endilisi, Epes isima safela agof amamumi ea' ma'um amama atom.

Mak Nandaꞌafi 14:12

Nemaf anama sali' sa' gwa'aimi lu'wami sa'i Pasova esis sa' bret anama owa' neatef lu'unai, nemaf anama saha sipsip noganai sondolalima Goda sonda' gwa'aimi amama si'i afagof hiami sanda'am. Ea' alupumi Jisasi mahali'ana ma'i, “Ine' na'i afa' ofe' ondondomba ipat enima ma afa' ofe' onda' gwa'aimi amama?”

Mak Nandaꞌafi 14:2

Amam ma'iam na'ama ma'i, “Nemaf anama sanda' gwa'aimi lu'wami afa' ina ombalo'ana, hapainai. Na'ama epes hiesi ukup aom sohafel sonda' wandaf.”

Jon Nandaꞌafi 11:47

Ea' amam pris dambami maloma amam Farisi hiami mofala anom dambami mafi'i mandakolasa monda' kot. Ea' ma'i, “Afa' atuwasi onda' maina aman anama nanda' ikwaf anama la'ifinai hianai?

Jon Nandaꞌafi 13:1

Nemaf anama lu'unai esis Juda sa' gwa'aimi amama Pasova owa' ata' notagai. Jisas nogawa nogota ananinai nataga ea' ma nokwaha etap anae' nefe'ma Ahalomana. Ea' okom ananinai nainaila epes ananisi sape etapi endilisi. Na'ama dei' nihi'ambasa okom ananinai lu'unai nainailas.

Aposel 12:4

Anan nombalo' Pita nanda'ana nanda' kalabus. Ea' nanda'ana nafe'ma soldia wambotagw biami biam mumafiana. Herot okom na'i ota' Pita nape wambota atotona soldia biami biami mumafiana ma esis Juda sope sea' gwa'aimi lu'wami sa'i Pasova ma hi'ilam, nefa'ai Pita nuwisi ande'ma naep amam nematawa hiesi sotolona ma nohana noga'.