Mak Nandaꞌafi 13:7 - Basef Buꞌwami Godi

⁷ Anona nemaf peme'asa basefa wandaf lu'unai hianai notaga ea' ipe' ina umbamehepa, owa'. Amamaga amama anona nemaf motaga ea' nemaf akutainai ata' owa'.

Mak Nandaꞌafi 13:7 Iomraidhean Croise

Matyu Nandaꞌafi 18:7

Ipe' epes etapipei, ae' ati ipe' uwahipipa ma amamaga amama meagwambipei monda'epa penda' waf aonai. Endilisi amamaga amama anona nemaf meatagai, ea' emi egafis sonda'am meatagai, ae' ati esis uwahipis endilisi. Dei' main, anona nemaf sefa' nimanimi.

Matyu Nandaꞌafi 2:3

Nemaf anama Dembinai King Herot name' basef amama, okom ananinai aona natanea nafe' na'i nambimb awani inima netaga damben nili'amonana. Ea' esis hiesi sape Jerusalem wapoti' umbamahas sa'i nambimb nemaf aonai notaga.

Mak Nandaꞌafi 13:6

Dei' main, amam hiami anona nemaf mifi'i mombaso'mepa mi'i agel ae'anai mi'i, ‘Ae' ma'uwi ae' Krais, God nandandepe nasapa'e afi'i.’ Ea' anona nemaf amam mombaso'ma amam nematawa hiesi some' basef amamumi si'i endilisimi silam.

Mak Nandaꞌafi 13:8

Enis epes sape anama etap hiagoma kantri sofela wandaf sopa' soloma anona kantri. Anona king nohafel no'wa enis wambel hiagoma ananisi sopa' soloma anona king no'wa ananisi wambel hiagoma. Enis epes wambel hiagoma atona etin etap bol etin nope, ea' enis epes hiesi sape wambel hiagoma nolomohas sope. Amamaga amama hiami ata' muli' motaga si'i nimanimi mali'i ma nemata'w kwa'i kola awani. Ea' nimanimi anona nemaf migi' meatagai lu'um endilisi mikila' amama mali'i.

Jon Nandaꞌafi 14:1

Ea' Jisas na'ipafa na'i, “Opalef ipe'imi ina mohafel nimanim, owa'. Ipe' pembale'efa God, pembale'efa ae' wapoti'.

Jon Nandaꞌafi 14:27

Ae' a'i ikwahipa. Ea' ae' ina enda'epa umbamahepa ukup awiaom pepan si'i amam nematawa saila waf etapanai sanda'am, owa'. Dei' anda'epa pepe ukup awanem endilisi. Ukup ipe'imi ina mohafel aom, owa'. Ina umbamahepa, owa'.

Aposel 17:3

Anan nawalapa basef ofagema Godi na'ipasam na'i, “Krais God nasapa'ana nafi'i anan nofa' nimanimi lu'wami ma naga' notanima nohafel wapoti'.” Ea' anan na'i, “Jisas anama dei' ae' awalapa basefanai, anan Krais.”